قصيدة ( أكون او لا أكون )

قصيدة
أكون أو لا أكون
************
لحظة سكون
على غصن
شجرة زيتون
خلتنى افكر
فى السؤال
اللى يمكن
يغيرلى حال
(أكون أو لا أكون..؟)
قبلى قلها شكسبير
بعده يمكن ناس كتير
بس ايه هيا الأجابه؟
اكيد أغرب من الغرابه
أتهمونى بالجنون
عايش أسدد ف الديون
ديون مهياش ليا انا
مين عليا اللى جنا ؟
قَلَب حالى
خلانى فى فرحى
تملىَ عنيا دموعى
و جوه وجعى ضحكتى
بتكسّر ضلوعى
نسيتى إن
انا الموجوع
انا اللى جواكى مزروع
بذره ف حباية لمون
عايش فيها مسجون
حبسانى قشره مُرَّه
ما دقت حلاوه مَرّه
طول عمرك
كرّا وفرّا
نستى إن أنا فيكى
كوكب من
ضمن المجرّه
أنتى حُرَّه
أنتى جوايا
ألف دره
ما انتى الحورية
ال بحلم فيها بالحريه
وفتحت انا الباب
يمكن ارجعلك شباب
وهبت عليا
لحظة الهمس
وقت أما
بتغرب الشمس
وستارة العتمه
غمستنى ف طينك غمس
خلتنى أفقد
فيكى حتى
متعة اللمس
ما الكل عاملك
لهمومه شمّاعه
وانتى لكلام
العشق سمّاعه
وانا اللى شايفك
ليا شُرّاعه
ف أوعى
تقفلى بابك
ف حضورك
ف غيابك
هفضل صفحه
ف كتابك
هسيبك
تغسلينى
تنشرينى
تنشفينى
قاعد مستنى
ب أنينى
لحد متيجى
تشترينى
مهما تعملى
فيا
لحبك هتزدينى
وهتلاقينى طول سنينى
ف حضنك أنا شابك
مانتى ف عنيه
لساكى صبيه ف شبابك
بس امانه عليكى
أوعى تِسلتى المشابك
أوعى تِسلتى المشابك

بقلم / محمد طه شراقه

الاستاذ الشاعر

محمد طه

جميل ما قرات هنا .

وامر لاسجل اعجابى متمنياّ المزيد من التوفيق .

مودتى وتحيتى ..