من الواو (من محاولاتى 2)

أحمد عبد الرازق كتب:: حسون واواتك داواتني
في الشعر توزن مكايل
أكسر بكفي ده واتني
كفت ميزاني الي مايل

انت شكلك نقلت الصعيد يا حسن شاكك انك قاعد في قنا ولا المنيا من ورانا ههههههه
ياعم ماشاء الله عليك والله من ابداع لابداع يا كييف الواو كيفتنا يا ولد بحري وقبلي^_^

تكرم ياعز الحبايب
يابو قلب طارح ورودك
خد من عينيا الحبايب
واجعلنى اسكن فى روضك
يالعيب ياحمد والله مربع ولا أروع انت شكلك بتكتب واوات من ورانا والا ايه؟
هههههههههههههههههه
تسلم لى ياأحمد ياحبيبى وربنا مايحرمنى من مرورك ومجاملاتك اللى دايما بتكون اعلى من محاولاتى المتواضعة
تحياتى لك يابو حميد ياصاحبى اللى ماقابلتهوش
وكل سنة وانت طيب
Very Happy

رافت المصرى كتب:: الشاعر حسن الجمال
احسنت يا شاعر
تحياتى

الشاعر القدير والاخ الحبيب رأفت المصرى
شكرا لك ولردك اللى اسعدنى
بارك الله لك وفيك ولا حرمنا تواصلك
كل عام وانت بخير
Very Happy

اميره بلا وطن كتب:: استعارات وتوريه
وبلاغه ماليه المكان
بجد جميله جدااااااااااااااااااااااااااااا
تحية بحجم جمال هذه الكلمات

..........................................

اميرة منتدى العامية
الاخت الشاعرة اميرة
شكرا لك على ردك الجميل على محاولاتى الغلبانة
بارك الله لك وفيك ولا حرمن تواصلك
تحياتى لك اختى وكل عام وانت بخير
Very Happy

عادل عوض سند كتب:: الاخ الحبيب الشاعر

حسن الجمال

ابدعت فى صياغة الواو . وابدعت فى كيفية كتابة المربع .

وامتعتنا بما تحمله تلك الكلمات من معنى وعمق .

مودتى وتحيتى .

اعتذر عن تاخيرى فى المرور ..

.....................................

استاذنا الحبيب الشاعر الكبير عادل سند
روح ربنا ........... ايه؟
مش عارف؟....... المهم انها كل الدعوات الحلوة والامنيات الطيبة
بارك الله لك وفيك ولا حرمنا تواجدك استاذنا الحبيب
تحياتى لحضرتك
وكل عام وانتم بخير
Very Happy

طاهر الصوفاني كتب:: احسنت ياصاحب الجمال

والنبى ايه ياخى ؟؟؟
ايه ياعم طاهر فينك ؟؟
لقيت لك اخوات تانيين غيرنا يحبوك زى مابنحبك والا عندك اسباب تانيه ياهاجر منتدانا
والله العظيم ياأستاذ طاهر المنتدى لما واحد من شعراؤه بيبقا غايب وخصوصا الناس الودودين بنحس ان المنتدى ناقصة حاجة
يارب ماتغيب علينا تانى
شكرا على ردك ياعم الصوفانى
وكل سنة وانت طيب
Very Happy

khaled_dwidar كتب:: الله عليك يا ابو على فعلا محاولاتك كلها جميلة وبالفعل انتا كتبت شوية واوات من الاخر انا احترت اقتبس اية منهم

احييك على الواوت ياشاعرنا الرائع

تحياتى
يا حسن

ياخلود والله انت اللى شاعر جميل وانسان ودود ومحترم
بارك الله لك وفيك ياأستاذ خالد ولاحرمنا تواصلك والمودة
تحياتى لك اخى الغالى
وكل سنة وانت طيب
Very Happy

حمدى شيبة كتب:: يااااا ولد يا جامد ايه المحاولات اللى جايبة من الاخر دى
حاولت جبت النهاية
وطلعت ف الشعر فارس
الواو ده ماله نهاية
وبقيت ف محرابه حارس

ياعم حمدى دا من بعض ماعندكم
حرسك الهى وصانك
من الردى والعوايل
قوال ياشيبة لسانك
بس اللى يفهم قلايل
تسلم لى ياعم حمدى وكل سنة وانت طيب
Very Happy

محمد السيد ابو حجاج كتب:: الأخ الشاعر حسن الجمال والله ما عندي حاجه اقولها غير انها جميله.
لك مودتي

محمد حجاج

الاخ الشاعر محمد ابو حجاج
الاجمل هو مرورك اخى الغالى
تسلم اخى الحبيب
تحياتى لك وكل سنة وانت طيب
Very Happy

» من الواو (مربعات من محاولاتى)
» من محاولاتى فى الموال الربعاوى
» ولد عمى من فن الواو
» محاولات فى فن شعر الواو
» من فن { الواو }