فكره مجنونه

موضوع: فكره مجنونه الإثنين أكتوبر 17, 2011 4:42 pm

اكتب على حيط

او

اصرخ قول تيت

طير فى فضا

او عوم فى محيط

عبر ..هيص ..زيط

او

اسكت .. سكيت

انطويت

انكسرت

اسكن البيت

برهه ... وعاود

من جديد

اكتب .. اصرخ .. طير

اعشق .. حب وغير

ده الامر مصير

وطن وعرض وبيت

وعود زرعه فى غيط

حبيبتى .. حبيبتى

كتبتها ع السبورة

وانا طفل فى سنه اولى

حبيبتى فكرة مجنونه

مين زيها فى الصورة

امورة عاشقه وسنيوره

شريط لفه ع القورة

يدور فى عنيه الصورة

انا عايزها حلوة وغندوره

عصام سالمان Very Happy

لولا الملامه يا هوى لولا الملامه لافرد جناحي عالهوا زي اليمامه واطير وارفرف بالفضا واهرب من الدنيا الفضا وكفايه عمري .. كفايه عمري اللي انقضى ..
موش عارف ليه فكرتني بالاغنيه دي

مرة واحد معرفهوش في الشغل طول النهار عمال يغني الاغنيه دي

والواحد دا كان وزنه طخين جدا جدا جدا

قلت له يابني
يمامة ايه

انت تقول
اطير وارفرف في الفضا

زي الجاموسه زي البقرة

عشان الجمهور يتقبل منك الغنا

ههههههههههه

والله بكلمك جد هذا حصل

مساء الفل

انا بقا فكرتني لما كنت بطير طيارات ورق في الغيطان

ههههههههههههههههههههههه

مهندسنا ... انت فين الشغل برضو ؟؟؟؟؟؟؟؟

تحياتي

والله كلنا عايزينها حلوه .. لكن هى مش عايزه .

اخى الحبيب الشاعر

عصام سالمان

ياعم ما تغيبش كده .. وبعدين انتظرتك امبارح ما جيتش .

كانت ندوه عايزاك ...

الشاعر / عصام سالمان

تسلم الأيادي

كلمات عبرت بها عما بداخلي

بطريقة بسيطة بأفكار عميقة وجيدة أحييك عليها

أخى عصام
وحشتنا و وحشنا وجودك
و مرحبا بنبضك الجميل
دمت بكل خير

» مجنونه أنا بيك
» مجنونه ... لكنك
» فكره...