بتبقى ظروف

وسألــــــــــونى
حزين الشعر ف سطورك وقلبك ليه
فقلت ظروف
فى قلبى وعقلى ساكن خوف
من الدنيا ومن ليلى
أفكر فى اللى مستنى يزيد ويلى
وأوجاع الزمن كله بعينى تطوف
فبكتب شعر نازف هم وتملى بنار ملفوف
قالولى الحزن بيجيب حزن يلا انسيه
وطاوعى الفرح لو جالك ومَد ايديه
ومدى ايديكى للضحكة يهون الليل
تهون وياه جراح الفكر والتهويل
وتنسِى الآه
يضيع الحزن من عينك وتلقى الجرح راح مكسوف
فقلت الفرح بتمناه
ينسينى العذاب والآه
ولكن يوم بقوم م النوم بحزن دفين ويوم بفرح
ويوم الدنيا تدينى ويوم تكوينى نار تجرح
فبضطر ان تبقى دموعى وقت الفرح حيرة وخوف
خلاصة القول بتبقى ظروف

ارتجال يملأ صفحتى جمالا
وبراعة لديك ما بعدها براعة
ونهاية طيبه تطيب القلب الجريح
معانا ياربنا معانا
مرور شرفنى وتعليق أبهرنى
دمت بكل خير ونقاء

وأكبر حلم يسعدنى أعيش انسان
الله عليك ياأستاذى
بجد فنان
ونهاية بها حكمه
لا فض فوك

شهادة أعتز بها كثيرا
دمت طيبا أستاذى الفاضل

ايه الروعه دى بس
والله ماهاعرف ارد عليها
معلش لو عكننت عليك
لكن أنا عارفه انك بتحب العكننه
يلا سماح المرادى
شكرا أستاذى

هى دائما تعليقاتك التى تحيرنى
فلماذا التواضع وانت من أتعلم من مهاراته
بارك الله فيك

ان شاء الله
دعواتك ياأستاذ رضا
ربنا يكرمك