مخلوق من حزن !

جوايا حزن لو أتفرق
ع الناس هايغرق
كل اتنين
عايشين صافيين
في ألام وأنين
وهموم داخلين
مع لحمي ودمي
وفي التكوين
في الأصل الناس
مخلوقه من طين
وانا بس لوحدي
بحس بأني تملي غريب
مخلوق من حزن
بشكل عجيب
باضحك للناس
والقلب حزين
وساعات .......
من نظرة عين الناس
باشعر بهموم
باتصور حتي الهوا مسموم
وأموت وضميري بيتألم
مع أني بكون جوايا مسجون
وبدمع وحيره كبيره
عيوني بتغرق باكيين
مش عارف بس أزاي
أتعامل ويا الناس
علي أي أساس
وأنا فكري الكل
قلوب ألماس !!!
وف لحظه باحس
بفرق كبير
وبالاقي الكل قزاز
وكمان يتكسر علي راسي
ماهو أصله أساسي
أرجع ودموعي جوه العين
أسئله باكيين
أنا فين ؟؟ أنا مين ؟؟
أنا واحد زي الناس !!
ما الناس عايشين
جواهم حزن .. لكن ناسيين
ليه بس ياقلبي
دايما فاكر حزني وتعبي
ومصاحب دايما دمع العين
طب أيه الحل ياقلبي
ما انت المسؤل
أعمل درويش
أضحك وأقول
الحزن مافيش
الناس علي طول
هاتقول مجنون
عايش متغرب وسط الناس
علي أي أساس
دا أكيد مخبول !!!!!!!!!

فارس العاميه الاستاذ

فارش القرشى

رغم الحزن الساكن بين حروفك إلا اننى استبشر خيراّ .

وقال الله فى كتابه الكريم وهو اصدق القائلين :

{ فإنّ مع العُسرِ يُسراّ }

ومن اصدق من الله قولاّ ؟؟؟

الخير آت اخى ولامفر من الاصلاح .

احييك على حرفك واحييى فيك شعورك النبيل .

موتى وتحيتى ...