بكرة احلى

بكرة جاى بكرة احلى م اللى فات
عدى السكات لازم نخاف على بعضنا

بكرة جاى بكرة فكرة وهى فترة
والحلم يكبر كل يوم وف وسطنا

يالا نرسم حلم بكرة بكل فكرة
يا لا نتغير حقيقى
مد ايدك ايد فى ايد ودا من جديد
حلمنا هيكون حقيقى

يومنا حلو شوية مر
ودمنا راح يبقى حر
قربنا مبقاش يضر
تحيا حريتك يا بلدى
مش هنشكى م اللى راح

من زمان قامت حضارة
خلوها شوية حجارة
لو هنندم دى الخسارة
يا لا نبنى المجد تانى
لسة فى وقت وبراح

بكرة احلى م اللى فات عدى السكات
لازم نخاف على بعضنا
بكرة احلى بكرة فكرة بكرة الحلم
يكبر كل يوم وسطنا

استاذ عادل عوض فعلا بكرة احلى وكلنا امل فى بكرة يا رب انشاء الله نوصل لبر الامان

نتمنى ذلك أخى وائل
الغد أفضل إن شاء الله

استاذى الكبير المقام أ محمود جمعة شكرا لمرورك وفعلا لا يغير الله بقوم حتى يغيروا ما بانفسهم والاجتهاد باذن الله هو السبيل الى التقدم والرقى دومت بكل الخير

الاخ الجميل أ عماد عبد السلام دومت بكل الخير ودام الخير لك شكرا لمرورك وكلامك الجميل مثلك