بكرة الاشواق تجيبك

كارهِك وكرهت سيرتك
وكرهت دموع عنيكي
قطّعت بإيدي صورتك
مش راجع تاني ليكي

جرّحتي القلب يامه
وقتلتي الابتسامه
يلا ليوم القيامه
فارقيني الله يجازيكي

هبعد عنك واسيبك
ولا عمري هكون حبيبك
بكره الأشواق تجيبك
وافرح بالجرح فيكي

ضاع حبِّك وانتهينا
مات لحظة ما ابتدينا
لو كان حبِّك سفينه
موجي بيعلا عليكي

مش فارقه خلاص معايا
إيه يعني اتباع هوايا
دي جراحك مش نهايه
وهرد الجرح ليكي

هبدأ مشوار حياتي
وادفن ف الليل أهاتي
وهييجي اليوم يقابلك
قلبي اللي معادشي قابلك
يجرح قلبك ليلاتي
ويضيق الكون عليكي
ويضيق الكون عليكي

رضا محمود كتب:

الشاعر الغنائي المُتميز....تيـــمو
غنائية في مُنتهى الروعة كاملة الأركان فكرة ووزناً وبناءاً فقد إلتزمت ببناء الأغنية من مذهب وكوبليهات وجاءت الصور في مُنتهي الكمال لتخدم فكرتك وتعبر عن إحساسك..
أمّا عن ملاحظتي ...فهي القسوة التي ترد بها الجرح والتصميم على الإنتقام والثأر..
ياعم ماتسيبها لحال سبيلها الله يسهلها..وكما تقول الحكمة(اللّي باعك بيعه ياشاااعر)
عارف أنا لو مكانك كنت هقولها إيه..؟؟؟
كنت هقوووول..

أنا مش آسف ولا ندمااان..
ولا غلطان..علشان حبيت..
انا مش هجرح فيكي كمان..
مهما تعبت ومهما قاسيت..
هاحضن جوة القلب جروحي..
واتمنالك.. فين ماتروحي..
تلقي الفرحة ..في كل مكان..
انا مش آسف..إنّي هويتك..
واتمنيتك عمري الجاي..
وامّا لقيتك..رافضة وجودي..
أنا مش هسأل ..ليه.. وازاي..؟؟
اللّي يحب..لا يُمكن يكره..
حتي ان كان هيعيش علي ذكرى..
مهما يقاسي من الحرمان..
أنا ...مش آسف ولاندماااااان..

وأخيراً....تحية إجلال وتقدير لقلمك المُبدع....دُمت بكل الخير..

اخى العزيز الغالى الشاعر الاكثر من رائع
رضا محمود
مرورك الاكثر من رائع والله يارضا على فكة ارتجالك للاغنية ينفع يتعمل قصيدة غنائية جامدة انا خايف الناس الى تدخل ترد على ارتجالك وتسيب قصيى من جمال ارتجالك بشكرك كتير على هذا المرور
دمت ف سماء الشعر مبدعا
اخوك
احمد سعد
تيمو

الشاعر تيمو
ولايهمك دا البنات كتير زى الهم على القلب ههههههه على فكرة انا بهز لانه مافيش احلى من البنات
غنائيه روعهوجميله وتدل على عمق الجرح وتدل اكتر على الحب الا بسببه توعدت بالانتقام
ارجو تقبل مرورى وتقديرى

غنائية جميلة جدا اخى الشاعر تيمو
بارك الله فيك وادام عليك حسن البيان
كل التحايا لك

محمود جمعة كتب:

الرائع المتميز الشاعر الجميل تيمو

أعجبتني غنائيتك الجميلة التي تنم عن شارع غنائي كبير

صرخت في وجهها متألما ولكن رافضا ان يكون الجرح أعمق ومتوعدا

ان ترد الكيل بالمثل بل وأكثر

أعجبتني وأمتعتني فلك خالص التقدير

كن بكل خير

الشاعر الكبير الرائع
محمود جمعةاشكك على كلامك الرائع الذى يدل ان اعجبه حضرتك فرحان كتير عشان عجبتك
يارب افضل عند حسن ظنك واشكرك على التثبيت
تيمو

هناك جديد فى صور المعانى ونفتقد هذه الايام الى الجديد
شكرا لك

طاهر الصوفاني كتب:

غنائيه جميله ياتيمو اعترض فقط علي كوبليه واحد فيها لانه تكرر في السابق كثيرا
فلو غيرته وهذا شئ من السهل جدا علي من نظم تلك الكلمات بهذا الجمال

هبعد عنك واسيبك
ولا عمري هكون حبيبك
بكره الأشواق تجيبك
وافرح بالجرح فيكي

تقبل مروري وتعليقي وتحياتي لك بالتوفيق دائما

ياعم طاهر واحنا نيجى جنبك ايه انت تغير الى انت عايزة واى حاجة تعملها للاغنية فهى ملك للقارء
مش للكاتب تحياتى ايها الرائع صاحب القلم المميز
اخوك
تيمو

الشاعر محمود قطب كتب:

الله عليك يا تيمو
والله اخى حاجة اخر جمال
اغنية لابد ان تلحن وتغنى
دمت ودام ابداعك الفنى

الشاعر الرائع محمود قطب شكرا لك على كلامك الرائع اما لو على اللحن لو لقيت من يلحننها فانا تحت امرك دمت ودام مرورك العطر
تيمو

م/عطية شواش كتب:

ايه ياعم تيمو الحلاوه دي .... احسنت القول .. عقبال الفعل

ههههههههههههههههههه ........تحياتي

الشاعر الكبيبر ابى الغالى استاذ عطية شواش واحشنى كتير والله يابابا
ثم انت عارف يعنى قول وفعل وبنعمل كل حاجة ههههههههههه
اشكرك كتير على مرورك الجميل يا بابا
ابنك
تيمو

نورا طه كتب:

الشاعر تيمو
ولايهمك دا البنات كتير زى الهم على القلب ههههههه على فكرة انا بهز لانه مافيش احلى من البنات
غنائيه روعهوجميله وتدل على عمق الجرح وتدل اكتر على الحب الا بسببه توعدت بالانتقام
ارجو تقبل مرورى وتقديرى

يا هلا يا هلا يا هلا نورا طه موجوده عندى فى الصفحة بقالى كتير مشفتش تعليقاتك اتمنى انك تكونى بخير
وفعلا البنات زى الهم على القلب بس الى يدور
اشكرك على مرورك العطر وتعليقك الرائع مت ودام ابداعك
تيمو

حسن الجمال. كتب:

غنائية جميلة جدا اخى الشاعر تيمو
بارك الله فيك وادام عليك حسن البيان
كل التحايا لك

الشاعر الجميل حسن الجمال اشكرك على مرورك وكلامك الرائعدمت ودام ابداعك اخى الرائع
تيمو

الشاعر/ ناصر صلاح كتب:

هناك جديد فى صور المعانى ونفتقد هذه الايام الى الجديد
شكرا لك

اشكرك ايها الرائع على مرورك العطر الشاعر الكبير ناصر صلاح
اخوك
تيمو

اميره بلا وطن كتب:

الشاعر المتميز
غنائيتك موسيقاها عذبه
وقعها على المسامع جميل
كلماتها أنيقه
دمت مبدعا متميزا

الشاعرة الكبير اميرة بلا وطن اشكرك يا ميرو عل متابعتك لى وعلى فكرة انا متابع كل حاجة انت بتكتبيها بس اعذرينى والله ما بدخل كتير دمت وادم ابداعك المميز وبالتوفيق بازن الله
تيمو

ايه ياعم تيمو ده ايه القسوه دي دا حتى اللي بيحب بيسامح بس اقولك تستاهل بس خساره فيها القصيده الرائعه دى تسلم ويسلم قلمك تقبل مودتى ودمت بخير

الشاعر /تيمو
أولا غنائيتك رائعه وأنا أؤيدك في قسوتك علي من خان
وتعليقي الوحيد وخلافي معك هو عدم ظهورك بأسمك الحقيقي وأختارت أسم مختصر برغم ان احب اسم لأي انسان هوأسمه مهما كان ** مجرد رأي **

الشاعر الغنائي الجميل تيمو
اغنيه جميله ورائعه
وكلماتها انسيابيه
احييك عليها

عادل عوض سند كتب:

الله يا تيمو

والله يا ابنى شاعر وجامد .

نصحتك قبل كده بحاجه وانت نسيتها .

عموماّ الكلمات دى عاليه وياريت تشوف اللى يقدر

يظهرها للنور . الله ينور يا احمد .

مودتى وتحيتى ...

ازيك يا بابا عامل ايه واحشنى كتير والله
والله يا بابا انا تعبت منوكل ما اورى حد يقولى هتصل بيك وانت عارف بقى انا هقولك
كفايا انها تظهر قدامكو
اتمنى انك تكون بخير وف افضل صحة واحسن حال
تيمو