والآن أعاتب الزميل مهندس/عطية الشواش- طارق منيب

الزميل العزيز

السلام عليكم

كان عندي عطل في الكي بورد.. ولذلك تأخر عتابي.. وثق إن العتاب ده من أخ يريد لك ولجميع المنتدى الخير.. أرجو أن تقبله.. وفي هذا سأوجز ما أغضبني في هذه القصيدة..

الحدق.....يفهم

لما تعيط بص لفوق

فمحدش حيبص ف عينك

ولا حد يشوفك مخنوق

لما تعيط داري دموعك

او حول مجراه لضلوعك

هيه دموعك ولا حروق ؟

وافرض يعني القلب إتألم

ولا الدم ف عرقه اتسمم

سيب الدنيا وخد م الاخره

تنزل صخره وتطلع ذوق

..........

تلعب دور المداوي

ولا دور العليل

هل معقول أن جميع الإخوان والسلفيين وهما التيارين الإسلاميين الرئيسين بهذا النفاق

تلعب دور المخاوي

ولا دور العميل

وإذا كانوا عملاء ماذا جنوا من عمالتهم سوى السجن والقتل والتشريد

وف كل مسرحيه

إحنا ف دور القتيل

قتلوا من ولحساب من؟

حفظني دور الالم

اسمعه سمعين

حفظني دور الوجع

إزرق تحت العين

..........

والله ماتفهم شئ في عجينو

السمسم ع العيش الفينو

والفسدق ع الرز الشامي

مش كل العالم حبينو

أعتقد أن الإخوان بالذات أخرجوا أجيال من المتعلمين والمعلمين والأستاذ/ عطية أكيد يعرفهم ولا إيه؟

علي مصر المجنونه الهابله

مصر لو مجنونة وهبلة كانت صدقت مبارك

نشوها ووقعت بالنبله

وشوارع ميادينها الحبله

إتسرقت علشان سيبينو

يامعني المصحف ف اللاسه

عييييييب!!!!

وقلعتم وعملتم ساسه

عيب تاني.. ولهم حق العمل في السياسة .. وإذا كنا أعطينا الحق لمن أنكر وجود الله من الشيوعيين أن يعمل في السياسة فلماذا لا يكون لهم الحق؟؟ ثم أنني لا أستطيع أن أقول أن كل الشيوعيين كفار.. فمنهم من هو مسلم.. ولكن المسلم لن يكون شيوعي لسبب بسيط.. أن الشيوعيين يعتبروا من يجزئ مبادئهم أكبر عدو لهم.. وفكرهم قائم على مبدأ Take it or leave it.. إذن فالشيوعي المسلم (اليساري) جاهل بمبادئ الشيوعية..

عايزين السمكه من الأول

مقليه بزيتها علي الطاسه

كنت مع الإخوان لمدة عامين ولم أجد لهم أي مطلب دنيوي.. وكان ذلك من عشرين عاماً
ولم أنضم إليهم لبعض التحفظات على فكرهم ومنهجهم ولكن لا أنكر أنهم وطنيين ومخلصين.. وجزء من نسيج هذا الوطن.. ومحترمين وأساتذة..وإذا اختلفت معهم فلا أنكر أنني احترمهم

يا مدخل دقنك في الحفله

وبتلعب لعبتها السافله

اللحية سنة واجبة ولا نستطيع أن نسخر منها أو نُسخرها بهذا الشكل حتى لو لم نلتزم بها

ماتقولش انك عايز آخره

يكفينا ويكفيكو الغافله

علي كل قطع ف توب

تلقا الفتل لاضمه

سايب نسيج اللوح

وبتضرب العضمه

بكره الدقون حتروح

وتفضل الصدمه

البقره اللي تسن زبانها

والسم البايت في لبانها

أي سم ياأخي في كتاب الله وسنة رسوله

عايزانا نعبط في الزلعه

ونصلي ونسجد للقلعه

حاشا لله أن يكونوا كذلك وفي ذلك غيبة جماعية لهم

ونسامح قرصة تعبانها

علي قد الشوق اللي رامينا

عفيناها فلازم تعفينا

واهي سلخه ف سلخه تشفينا

مصارينا طريه علي سنانها

..........

الضحك قال للكدب

إنت اللي تستاهل

صدقت ان اليفط

حتعلم الجاهل

والزحلفه حتفوز

في الجري والتحطيب

والضرب في المليان

مش كل مره يصيب

والتعلب المكار

يقلب ويصبح ديب

والصقر لو مخلبه

مسك الفراخ حيسيب

اسود بلون التراب

ابيض يالون الحليب

احنا ولاد الحزينه

اللي طلع عينها

ولا كل من شاف خزينه

يقدر يطول منها

عديت علي الغوله

لهتني بالمراجيح

خدت اللي كان في الزير

وادتني علبه صفيح

تنفخ تطلع نار

وتغني للثوار

أغاني وطنيه

تعبت م المشاوير

وزهقت م التزمير

ولما جيت ارتاح

قالت : دا كرسيه

..........

حمار وعبا جمل

واندار عمل جمال

لاشئ بإيده اتعمل

ولا نفع جمال

ماتقولش كل الحلو زمان

عصفوره وبتبلع تعبان

علق هدومك ع الجدران

خليني ادقق في ملامحك

ربك كريم ويا الغلبان

هو اللي حيسد ديونها

بس انت تطلع م القفطان

وريني بطنك علي لونها

افتح رفوفك ف الدكان

خيرني بين سلعه وسلعه

ماتحطش الملح ف جرحي

عشان تخوفني الولعه

وتروح تحوط ع البستان

تحللي .. وتسيبلي الدلعه

أنا لسه حيران في العنوان

الحل مش اسلام وخلاص

ولا حبه حتبلبعها الناس

حاولت تسرق جناحاتي

الريش ماكومش ف ايدك

ولا زي واحد في حالاتي

انا دمي يحرق في وريدك

إن كنت عشرين في الميه

إحنا الجموع اللي تعيدك

في الجحر زي الحراميه

ومصر مش سبحه ف ايدك

إسلامنا مش دقن وسبحه

ولا مين حيتجوز رابحه

سبق أن قلت اللحية سنة واجبة.. والزواج سنة الكون والحياة والإسلام

الطبخه مش هيه الطبخه

ماتكونش زي الحراميه

حاشا لله أن يكون مسلم يعرف فروض دينه كذلك

واجهنا لو للصبحيه

ممشيش مغمض في عنيا

كلمني بس بحريه

استنا ياعم استنا

حتدي ايه وتاخد منا ؟؟

ماتقولش حاخدك ع الجنه

من يأخذ من ياعزيزي.. الجنة دي يفصل فيها ربنا.. ولكن ربنا عرفنا سبيلها

انا حجري وانت حتستنا

غرقان في طشت التسقيه

مشغول بسلفك ؟؟

سلفني ...

طلع لي اللي يكيفني

شغلني .. ولا حتعلفني ؟؟

واركبني بسم الشرعيه

اديني في العين والحاجب

لإني خايب في الواجب

حط المواعظ في القهوه

واديني قلمين علي سهوا

واقفل علي الضبه بمفتاح

وقول لي بتذيد الشهوه

حط الحريم علي بعضيها

ونقي او قلب فيها

عييييييييييييب

في الرده لما تسويها

وافرشها علي وش الفته

اياكش بس تكفيها

مصمصها بعدين ارميها

رجعها في الفرن عجينه

علمها يغسل رجلينا

واميه تبقي تطفيها

..........

وقامت شوارع تحارب مدينه

وخرمك حيقدر يغرق سفينه

فيا اهل مكا

أهل مكة هم أهل مصر.. وأي مسلم لا تكون له مكة أقرب له من القاهرة ييقى معرفش دينه صح

ويا اهل عكا

عكا في قلبنا فلسطين.. وفلسطين مسيرها حتخضع لعملية قلب مفتوح وترجعلنا

عايز ستين ابوها ؟؟

تعالوا خدوها فكه

نتمنى أن تبقى معنى ونستكمل الحوار

اللهم اهد الجميع
وتذكروا دائما
الخلاف فى الرأى لا يفسد للود قضيه
بارك الله فيكم

وكما قالوا فى المثل القديم

العتاب غسيل القلوب .. فنتمنى من الله الهدايه

ونتمنى ان يكون الحوار على هذا المستوى الراقى .

خالص مودتى ...

اميره بلا وطن كتب:: اللهم اهد الجميع
وتذكروا دائما
الخلاف فى الرأى لا يفسد للود قضيه
بارك الله فيكم

شكراً لتعليقك وفي انتظار رد أخي المهندس عطية
[b]

عادل عوض سند كتب:: وكما قالوا فى المثل القديم

العتاب غسيل القلوب .. فنتمنى من الله الهدايه

ونتمنى ان يكون الحوار على هذا المستوى الراقى .

خالص مودتى ...

شكراً ياعدولة وفي انتظار رد أخي المهندس عطية
[b]

مع حبي وتقديري لك ولوجهه نظرك

اخي طارق .. دعنا نتفق ان نكف عن لمس جروحنا

تحياتي وتقديري ..

معك حق

فلنغلق هذا الملف

ونتطلع للتلاقي بشكل أفضل

الاستاذ طارق
كل التحيه لك لتوضيح الصوره
وكل التحيه للاستاذ عطيه لدعوته لاغلاق الموضوع بحب
ولنتذكر جميعا
الخلاف فى الرأى لا يفسد للود قضيه
وعلى كل منا ان يتقبل الاخر و يناقشه بموضوعيه
فرايك صواب يحتمل الخطا ورايى خطا يحتمل الصواب
مع الشكر لكل قلب غيور على ثوابت دينه
كل التحايا للجميع
وادام الله المحيه
تحياتى

شكراً ياأستاذ/ رأفت على تعليقك.. وهناك قاعدة فقهية تقول فلنتعاون فيما اتفقنا عليه.. ولنتسامح فيما اختلفنا فيه

» صعب....تشوفنى
» قصيدة : بحلم
» صباح الخير ياشرقية..أهداء الى بلدياتي..مهندس عطية شواش
» بيرم منيب يعارض بيرم سند "مهداه للرئيس مرسي - طارق منيب
» خطر ..قطر- طارق منيب