رداً على أميرة بلا وطن ورضا محمود .. بعد الزواج

[color=darkblue][center][size=18][center]( رداً على أميرة بلا وطن )
( ورضا محمود بعد الزواج )
ياحبيبتى إمسحى دموعك
وخدينى ف حضن ضلوعك
إشعلى النار من تانى
فى أشواقك وفى أشواقى
***************
إية المانع لو تنادينى
وتسبقى ظِـل أحضانى
تشربى من كاس حنينى
وأفضل طول عمرى الساقى
*****************
بتقولى مكسوفة مش قادرة
ياحبيبتى مفيش بنا مُغادرة
أنا عايز أسمع منك مُبادرة
تكون وَصفَة وعليا الباقى
****************
زعلانة أنى قصرت فى حقك
معاكى حق أنا مِصَدق صِدقِك
بس مشاعرى هيا هيا بَحِبِك
شوفيها فى عينى وفى التلاقى
******************
ساعات ظروف بتكون أقوى منى
بتاخًدنى منك ودا غصب عنى
أسرح شوية أو يِغفَل النِنى
برضوا أعذُرينى لو سامعة نِدائى
********************
آة لو تكونى دلوقتى حاسة
وبأشواقى ونارى لامسة
وأسمع منك ياحياتى هَمسة
وأشوف البسمة مرسومة نِهائى
*******************
من النهاردة أنا مش أسيبك
راح أعوضك عن نَحِيبِك
أنا الفارس ليكى وحَبيبك
ولما أرضيكى بلاقى رِضائى
*****************
كلمات : يوسف أبو زينة
11 / 9 / 2011 م[/color[/center[/size]]]

الاخ الكريم الشاعر يوسف ابو زينة

أهلا بك في منتداك بيننا .. أرجو ان يحلو لك وجودك معنا

قصيدة تعارف جيدة ردا علي أعضاء أعزاء

ننتظر منك دائما الأجود في أعمال قادمة

مرحبا بك مرة أخري

خالص التقدير والاحترام
*********************************************

الأستاذ العزيز / محمود جمعة
شكرا على ترحيبك بى فى هذا المندى الجميل
أنا سعيد فعلا بوجودى معكم, أتمنى من الله أن
انول إعجابكم دائماً ونتواصل فى محبة الله ورسولة,
مرورك على عملى أسعدنى ونور متصفحى .
دمت بخير
مع خالص محبتى

مرحبا بك بيننا أستاذ يوسف
بدايه طيبه
ورد جميل
نتمنى أن نقرأ لك المزيد
أعزك الله
***********************

الأخت أميرة شاعرتنا الجميلة
شكرا لترحيبك بى بوجودى بينكم,
أتمنى ان اكون عند حسن ظنكم بى إن شاءالله ,
والقادم أحلى ,
مرورك على عملى اسعدنى كثيرا
اكرمك الله .
مع خالص ودى

مشاء الله..
إيه ياعم يوسف الجمال ده..؟؟؟
يعني ضربت عصفورين بحجر ــ زي مابيقولوا ــ
رديت على قصيدتين بقصيدة واحدة
أهنئك على قصيدتك وتفاعلك

أخوك...رضا
******************************************
حبيبى الغالى رضا محمود
دا من بعض ماعندكم,
شكرا على التهنئة وتفاعلك معى
انت السبب فى كتابة هذة القصيدة
الحمد لله انها نالت اعجابك
تقبل ودى وحبى