من اسرار الصناديق

من اسرار الصناديق
من أغانى حرفوش المجذوب

انا الصندوق
انا الشفاف
وانا الفاضى
وقالوا ان فيّ آلاف
وانا الشاهد
وبرضه شهيد
ولكنى بسبع ترواح
صمود وعنيد
ومهما يحاولوا يخفوها ويخفونى
فضايحهم تبان واضحه بمجرد نظره لعيونى
وانا العاشق إيدين طهره
إيدين ساجده 00 ايدين ما تخاف
ولا ترفعش ع الفاضى وع المليان
توافق ع اللى متخبى وعمره ما بان
وأه لو بان
وانا المعشوق من الكهنه وم الحاشيه
واغلبهم عميل خطاف
ويخدعنا الكتير منهم
بمنظرهم وأه منهم
فى وقت الجد تكشفهم ضمايرهم
ولو لسه واحد فيهم فى قلبه ذره من انصاف
بيتركِّن على الإرفاف
ولو زود
فتدبأله حدوته
وتوته توته
يا سجن يا ابويه وفضيحه
يا إما بالقليل موته
أنا الصندوق
أنا الفاضى
وانا القاضى فى ساعة الجد
باكون السيف لنور العدل
واكون النور لسيف العدل
باكون الحد
ولو يملونى يبقى بخير ويبقى بحق
وجوفى لو دخلّه حرام
باحس بإنى هتأيه
وانا المفروض أكون آيه
أنا الصندوق
واسألوا عنى كل الناس
أقولك لا متسألشى
بل اسألنى أنا عنهم
قليل منهم بأدعى لهم
وكنت اتمنى ابوس ايدهم
وهم يحطوا بالورقات
احس ينوروا الجنابات
ويحيوا القلب فيا المات
فى ايدهم نور
وشوشهم خير
خفاف كالطير
بل اسألنى انا عنهم
كتير منهم بألعنهم
وهم يحطوا بالورقات
احس بأن قطر وفات
فدغدغنى ورمانى رفات
ايدين ضلمه
قلوب عاميه
نفوس ضاله
عشان اليوم تبيع بكره
ومن سكره إلى سكره
مادام الحل فى الغله
ودا ماسك لدا ذله
حشيش فى الزرع
بس الزرع كله حشيش
وتعمل ايه متسألنيش
وبَعِد عنى سيبنى أعيش
دا انا الصندوق
انا الصندوق ومش إسود
يقع فى البحر ما يقعش
ويرجع أو ما يرجعش
وإيه أسبابه لو تعرف 00 ما تعرفش
لأن العالم الحيّ
بيعمل كل ما يريده 00 ولا تريدش
عوالم زحلفه وبرغوت
عشان لا هى قادره لا تقرص 00 ولا تحرّس
فكله يموت
وموت أولادنا فى الصندوق
وموت أولادنا م الصندوق
وموت أولادنا ع الصندوق
وموت أولادنا بالصندوق
ما بيهموش
لان احنا فى نظره هموش
ولا بنسوش
وإمتى نساوى أو تصبح لنا هيبه
وألف حساب لنا فى حضورنا أو غيبه
دا لازم نبتدى تانى من الصندوق
أنا الصندوق 00 أنا الصندوق

مارس 2005

أخى الشاعر القدير ناصر صلاح
لمحة جميلة أن تتحدث عن صندوق الانتخابات بطريقة جميلة
فهو صندوق الانتخابات و الصندوق الأسود و غيره من الصناديق
جميل ما قرأت أيها الرائع
تقبل ود أخيك

هذا هو ناصر صلاح الشاعر الشاعر

الرائع بحق الشاعر الكبير ناصر صلاح

هذة فكرة رائعة .. وفي وقتها ونحن مقبلون علي أول أنتخابات مفترض ان تكون

حرة وسيكون فيها صندوق الانتخابات هو القاضي الحقيقي بين الجميع

ما أجمل قولك :
انا القاضى فى ساعة الجد
باكون السيف لنور العدل
واكون النور لسيف العدل
باكون الحد

قصيدة في غاية الجمال ،، وكل الاكتمال

اسعدتني وآعجبتني وآمتعتني

خالص التقدير والاعجاب بعملك الرائع الكبير

كن بكل خير أخي الكريم

تثبت بواسطتي تقديرا للشعر وللشاعر الكبير ،، وأعجابا بالمضمون المتميز

الأخ الغالى عاطف الجندى
شكرا لمرورك الندى ايها المبدع الحبيب
والصناديق كلها مغلقه حتى ولو فتحت فلا تشى بكل ما بداخلها
مودتى

اخى الحبيب حسام خليل
فى وحشة اليك يا غالى
شكرا لمرورك واشادتك

اخى المبدع الجميل محمود جمعه
خالص تقديرى لشخصك الكريم وكرمك الشاخص واشادتك التى توجتنى
مودتى

شاعرنا الرااائع ...أستاذنا ناصر صلاح
جعل الله هذا العمل في ميزان حسناتك وأثابك عليه خيراً..فهو توعية وإشارة للجميع بأهمية صندوق الإنتخاب سُقتَهُ في قصيدة شعرية مُحكمة بفكرة رائعة وجديدة حيث جعلت الصندوق يتحدث عن نفسه وتركت لنا حرية الإختيار في الشكل الذي نود أن يكون عليه الصندوق.....دُمت مُبدعاً سيدي الشاعر..

كل عام وحضرتك بألف خير

الأخ الشاعر رضا محمود
كل عيد وانت مبدع مقبول عند الله قولك وفعلك ان شاء الله
اشكر مرورك الوضاء واشادتك الكريمه
تقبل مودتى

تحية حب واعجاب
الى عبقرى الفكرة
ومبدع الحرف
الشاعر ناصر صلاح
دمت اخى ودام ابداعك
Very Happy

الأخ الشاعر محمود قطب
خالص التقدير للمرورالكريم والاشادة الأكرم
تقبل مودتى

جميل ماابدعت يااستاذنا الشاعر ناصر صلاح
تقبل مرورى واعجابى لك منى كل الود والتحية

الشاعر الملهم / ناصر صلاح
هذه لوحة ابداعية بريشة الفنان حرفوش المجذوب ... منذ أكثرمن عشرين عاما تعلمنا منك أناقة اللفظ وحسن العرض واليوم أحييك على هذه القصيدة الرائعة
دمت لنا مبدعا ومعلما
حيياك الله أخى الكريم
محمد البهنساوي

الأخ الشاعر حسن الجمال
خالص تقديرى لمرورك الأغر وكلماتك النديه

عمنا واستاذنا محمد البهنساوى
سامحك الله ما انا الا تلميذ تتلمذ على يديك ويدى اساتذتى بالرابطه فالفضل بعد الله تعالى لكل من تعلمت منهم
اشكر شهادتك الكريمه لأحرفى ومتعك الله بكل خير

قصيده أكثر من رائعه
ورسائل داخلها مطويه
لكن يشف محتواها
رائع أيها الشاعر
وبديع ماكتبت
تقبل تحياتى

شكرا اميره لكلماتك الرقيقه ومرورك الوضاء

الاخ الشاعر الجميل

ناصر صلاح

مايلفت النظر فى معظم مواضيعك انها غير نمطيه

ومكتوبه بعنايه ومهاره . انت شاعر ينتقى مواضيعه

بحاسة الشاعر المتفرد الواعى .

احييك على بهاء حرفك . وتقبل مرورى .

مودتى وخالص تحيتى ...

الأخ الجميل عادل سند
كل سنه وانت سند قوى لأحبابك
اشكر مرورك وكرم اشادتك فم انا الا تلميذ بمدرستكم المميزه
تقبل مودتى

الشاعر الجميل ناصر صلاح
كلمات رائعه تستحق التقدير
احييك عليها

شكرا لمرورك الكريم اخى رضا تقبل مودتى

الشاعر / ناصر صلاح
قصيدتك جميله وبها صور غايه في الرقي
دمت ودام ابداعك

الأخ الشاعر فارسى القرشى
شكرا لمرورك الكريم واشادتك الأكرم
تقبل مودتى

حبيب قلبى وأستاذنا الكبير

ناصر بك صلاح

واحشنى ياغالى

إيه الجمال والإبداع اللى فتحنا عينينا عليه

النهارده ده ؟ قصيدة رائعه من روائعك التى

تثرينا بها دائما ، وهذا مانعهده من أستاذنا

ناصر بك صلاح .

تقبل تحياتى واحترام .

» غزوة الصناديق
» بهـــــــــلوان الصــــــتناديق
» اسرار انثى
» اسرار الحرف الاول من اسمك لكن ليس كل الحروف