يوم القبض

[center] ** وانا قاعد مخنوق متكدر ** وف شنطتي قبضي وبفكر **

**ازاي بس أعيش واتدبر ** وانا قبضي منصاب بجفاف **

***********************

**راسي لفت م الأفكار ** زي مريض محتاج للزار **

**نفسي أعدي ع الجزار **علشان تفرح زوجتي عفاف **

***********************

**تعمل لينا كباب في الحله ** ونجيب لب عشان نتسلي **

**وتزورنا المانجه علي غفله ** ويدفي جتتنا لحاف **

***********************

**وبسرعه فقت من الأحلام ** قلت أنا قبضي أصلا كام **

**دا حتي مريض وعنده زكام ** طول الوقت جيوبي نضاف **

***********************

**وفضل فكري ف راسي يدور ** واللي يشوفني يقول مسحور**

**فجأه ناداني بتاع النور ** قمت دعيت أنا ع الكشاف **

***********************

**بعد شويه واد شغال ** عند كريم موسي البقال **

**فضح الدنيا علي الأموال ** قلبي ساعتها طب وخاف **

***********************

**قام ع الدوشه أيمن جاري ** قاللي بسرعه ناولني ايجاري **

**قلت ف نفسي ياويللي ياناري ** دا لسانه مليان اسفاف **

***********************

**بعدها طلعت زوجتي الحلوه ** عارفه الحاله .. وتقول كسوه**

**ما بقينا في زمان القسوه ** وم الغربال الأعمي ما شاف **

***********************

**لحياتي أنا هاعمل خطه ** علشان أتخلص م الورطه **

**قمت بسرعه جريت ع الشنطه ** لسه ماليها من الصراف **

***********************

**قلت لنفسي خلاص هتروق ** لقيت القبض كمان مسروق **

**في المشمش أو في البرقوق ** هالقي لبحر ديوني ضفاف **

***********************

**يسرق واحد زي ازاي ** وانا من ضنكي بصرخ جاي **

**ده الرايح علي قد الجاي ** مش محتاج وضعي لعراف **

***********************

**يسرقني وانا م الجوع خاسس ** مش حاسس بيه مش حاسس **

**أتقرصن ع القبطان فارس ** وكسر لي كمان المجداف **

***********************

**م الحيره غلبت حماري ** منها كمان تعبت أفكاري **

**ولا عارف أخبي ولا اداري ** حتي حق العيش الحاف **

***********************
http://fareselqwrshy.maktoobblog.com/
[center]

الشاعر الجميل/طاهر الصوفاني
كل عام وانت بخير
أحيك علي قصيدتك
وأشكرك علي مرورك الدائم
وتفاعلك المستمر
دمت ودامت المحبه

الشاعر/محمد عبد الواحد
كل عام وانت بخير
شكرا لمرورك وتعليقك الظريف وجنبك الله الأفلاس
دمت ودامت المحبه

الشاعر/رضا محمود
شكرا لتعليقك المشجع وملاحظاتك الجيده علي النص وأعدك أنني سأأخذ بها وأعدل مانوهت عنه
ولك مني عظيم شكري وامتناني

تحية ود لشاعرنا الجميل فارس القرشى
تقبل مرورى يااخى واعجابى بما خطت يداك
كل التحايا لك

أخي الشاعر/ حسن الجمال دوما تمر فتعبق المنتدي رقه وجمال
شكرا لمرورك

الشاعر / عادل عوض
هقولك ايه عشان انت فنان شايف كل الناس كده
لكن الحقيقه احنا تلاميذ في منتداكم الجميل ...... عموما الف شكر لمرورك الجميل