باعنى بلاش

الحُــــر هان ع الردى فى ارخص مزاد باعه

ونسـى اللى ضمُه فى يـــــوم وفرَد عليه باعه

يـــشبــه لتـعبـــان ومتــــربِّى فى كُـن حــــمام

لابـــد ينـــسى الجـــميــل ويحِــــن لطباعـــــه

الأغنية "

باعنــى بلاش.....باعنى بلاش

اللى اشتريتــه وباعنى بلاش



صاحبى اللى ياما اديته كتير

وفرشتله فى القــــلب حصير

ياما عشانه مشيت مشـــاوير

واخرتها فاتنى وباعنى بلاش

****

خَــــد منى يامـــا ولا ادانى

وف سكــــــة العيـب ودانى

ونــسى جـمــــايــلى وودانى

اللى اشتريته وبــاعنى بلاش

***

درب الهمـــوم لجــله مشيته

ولاعمـــرى خنتــــه وغشيته

شتّمـــنى بعــــــد ماعشيــتـــه

اللى اشتريتــــه وباعنى بلاش

***

هـــو اللى م النــــــاس نقّــيتـــه

وفتحـــــت قلبـــى وحبيتــــــــه

يحجــــــــــر عليـا ماجيش بيته

دا اللى اشتريته وباعنى بلاش!!

***

اديتـــــــــــــــه ولا مرة حاسبته

وزعـــــــــــل معاى لمـــا عاتبته

وحـــلفت مــــــاحااخش عتبـــته

اللى اشتريته وباعنــــى بــــلاش

***

علّــــيته مارضـــــــــيش يتــعلا

سببلى جــــــــــرح وميت عــلة

اتاريـــــــــه مشانى على عــــلة

اللى اشتريته وبــاعنى بــــلاش

***

ياما عمــــــــل فيّــــــا عمايـــل

ولا حـــــق عشرة ولا جمايــل

دا انا كل مااعدله يجى مايــــل

اللـى اشتريته وباعنى بــــلاش

***

طبع الوفا على طول معاديــه

وقـــت الوعود يخلـف معاديه

ورونى اعمـــــــل أيه مع ديه

اللى اشتريته وباعنى بـــلاش

***

رخّصنى ولا يـــــــوم غلاّنى

ولانلـــــــــت تبــــن وغـلاّنى

خـــــــــدنى وع النار غلاّنى

اللى اشتريته وباعنى بــلاش

***

مشيك معاى كادنى وعــابنى

وبـــــــدل مابتــــهد تعا -ابنى

فعـــل الـــــــــردى ياما تعبنى

اللى اشتريته وباعنى بــــلاش

أخى الغالي عادل
لا فض فوك أيها المتألق
قصيدة جميلة تتميز بجودة السبك
و التمكن من رسم صور جيدة
لتشكل لوحة جميلة
صباحك شعر

الله الله على جمال شعرك
أخى الرائع أستاذ عادل
رباعيات جميلة و الله

المتألق/عادل صابر
غنائيه جميله بها من الصور الكثير
ومن الحكمه الأكثر
دمت مبدعا متألقا
تقبل مروري