ياللي قبلت حقوق الغير

ياللي قبلت حقوق الغير
ولا عندكشي ضمير ولا دين
هتروح فين بفلوس الناس
لما يقابلوك يوم الدين
ياللي هبشت وخدت كتير
عمال تكبوش بالملايين
مسعور عالدنيا وبتعبي
ناسي نهايتك هتكون فين

ءالحق قبل الموت ما يجيلك
قبل ما تدخل قبرك توب
خللي الناس بالخير يدعولك
وادعي يا رب انا كلي ذنوب
جيتك تايب جيتك نادم
عمري يارب ما هرجع ظالم
كل الناس رجعت حقوقهم
كفني يا رب ملوهشي جيوب

لو ما رجعت لربك ويلك
اليوم دنيا وبكره عليك
مهما تعيش هتموت ومسيرك
غيرك يتمتع بما ليك
وانت هناك عمال تتحاسب
على كل جنيه خدته وراسب
شوف عمال يحصل لك ايه
وعيالك مش سألين فيك

.

الاخ الحبيب الشاعر

رضا عثمان

رساله الى من يستمتعون بالمال الحرام ويخزنونه .

ولعلمك كلهم لن يستطيعوا العودة الى الله . لان العودة تلزمهم

بإعادة الحق لاصحابه ورد هذا المال الحرام الى اصحابه .

صدقنى . سألت احدهم مرة وكانت تربطنى به صداقه .

فقلت له : ممكن ربنا يسامحك لو رديت الفلوس دى لاصحابها

تفتكر بماذا رد عليه : قال وارجع مفلس واستغنى عن الشقه والعربيه

والهيلمان ده . لا ياعم ما اقدرش .

فياريت يقرأ رسالتك عله يتعظ .

مودتى وتحيتى ...

اقتباس :

كفني يا رب ملوهشي جيوب

نص جميل أخي الشاعر رضا

التعبير المقتبس عجبني جدا


كل التحيه لك