قصيدة وداع

موضوع: قصيدة وداع السبت أغسطس 06, 2011 5:58 am

جاى تقول النهاردة وداع

وانا طول عمرى شايلك فى عينيه

وتقول كل اللى ما بينا ضاع

وانا لسه ماسكه فى ايديه

يا حلم اشتريته وباع

حبك هيفضل ساكن فيه

طول عمرك عايش فى خداع

صدقنى بجد صعبت عليه

*********

هسمع كلامك لازم انساك

وارمى كل ماضيك ورايا

وصدقنى بجد فى يوم هلقاك

تتمنى يوم هتعيشه معايا

بعد ما نسيت انا حب هواك

قلت خلاص دالوقتى كفاية

ياللى فى وقت الغدر ملاك

موت بايدك احلام جوايا

**********

كل اللى ما بينا انتهى

حب واحلام ووعود

ذكريات راحت وقتها

مش هقبل تانى انها هتعود

كل لحظة معاك عشتها

بتقول دالوقتى رجوع مرفوض

لحظة وداعنا قلتها

طريقنا كان فى الاخر مسدود

**********

صدقنى بجد انا مش ندمان

على واحد فكرته حبيب

ولا تكسرنى فى يوم احزان

ولا اعيش فى الدنيا غريب

انت اللى هتعرف معنى الحرمان

لما الكل عليك هيعيب

ان دالوقتى عرفت اننا انسان

وكل شئ فى الاخر قسمة ونصيب

موضوع: رد: قصيدة وداع السبت أغسطس 06, 2011 6:21 am

الشاعر الكريم هيثم عادل

سعيد بأول قراءة لاعمالك ..

فكرتك في الهجر وتغير القلوب وصلت وحاولت صياغتها بقصيدة جيدة ولكن

تحتاج الي ضبط الوزن والاحساس بالموسيقي الداخلية للشعر ،، بالاطلاع

علي أعمال كبار شعراء العامية ومعايشة تجاربهم وأعمالهم سوف تكتسي

موهبتك بمزيد من الادوات وتكون شاعرا جميلا

ننتظر منك الافضل دائما

خالص الود وكل عام وأنت بخير

موضوع: رد: قصيدة وداع السبت أغسطس 06, 2011 6:30 am

بدايه مقبوله والى الامام

موضوع: رد: قصيدة وداع السبت أغسطس 06, 2011 6:27 pm

الابن الشاعر

هيثم عادل

حمد ا لله على سلامتك بعد غيبه .

عوده بقصيده تتكلم عن الغدر والخداع .

وجميل ان تحاول الوصول للكمال .

ننتظر منك القصيده الكامله وزناّ ومضموناّ .

اتفقنا ؟؟؟؟ واظن عن قريب سوف نقرأها لك .

مودتى وتحيتى ...

أخى هيثم
تحياتى لك و لقلمك الجميل
تقبل تحياتي

» وداع الحب
» لحظة وداع
» وداع
» وداع ورحيل
» يا امرأة ذات وداع..!