محاسن بيومي تهدي شعب العيش والفول ثوار وفلول

تخيلوا كل الناس زعلت مني سابوا كل اللي في القصيدة وركزوا بس على العيش والفول وهما شايفين إنه عيش ومربة لكنني أفخر به كملك للمأكولات على مائدة فقراء مصر الحبيبة وإليكم ثوار وفلول



ضمي هنا الأحباب ضمي
بين الضلوع يسكن همي
وأخويا من لحمي ودمي
خوني خونته يا أمي
يا غالية لملمي همي
عليا من الألم سمي
يا غالية لملمي همي
يا ست الكل أنا شايف
أصوات كتيرة وطوايف
عليكي م الزمن خايف
وتيار الفراق جارف
والمر كاسه من دمي
ياغالية لملمي همي
بدر الكراسي هل وبان
قام بخ سمه ف كل ميدان
وضحية إسمه فقير غلبان
فرحان بصبره وزاده إيمان
عملوه ستار لأسود وحيتان
ليه ع الخناجر بنسمي
يا أمي لملمي همي
قومي الأمم أخلاق وأصول
مش حرب بين ثوار وفلول
ليه العقل ليه أصبح مسطول
ولكل ميادين مصر بقول
واصرخ يا شعب العيش والفول
حبل الوطن بينكم موصول
مش حرب بين ثوار وفلول
مش حرب بين لحمي ودمي
آه يا غالية لملمي همي
دي النار بتحرق في الأخين
وغريب بيقتل بينا حنين
يزرع مكان الحب أنين
وإزاي وربي في سورة التين
أقسم بإن بلدنا أمين
لقلوبنا داوي بقى وضمي
يا غالية ولملمي همي

أستاذة محاسن
جميل أن أقرأ هذا الشعر
فى صباح رائع
تقبلى مرورى

أستاذي الشاعر الكبير عطية شواش صباحك فل وياسمين وشكرا على التثبيت كم أنا سعيدة فهذه شهادة من أستاذ لي تستفز قلمي لكتابة الافضل بأمر الله تعالى

ينت النيل صباحك معطر من أرض النيل العظيم صباحك فل ويا سمين

أستاذي عادل عوض دائما أسعد بمتابعتك الغالية لأعمالي وأعتز بها فشكرا لمنحي هذه الشرف

رائع ما ابدعت استاذة محاسن تقبلى مرورى واعجابى

أستاذ حمدي شيبة كل عام وحضرتك طيب وفي أحسن حال وشكرا على عطر تواجدك هنا في حديقة كلماتي المتواضعة

لا دانتى مشكله خيال خصب ورصيد معانى ومفردات الله عليكى
اخويا ابن امى
ودمه من دمى
قوليلى يا امى
يا عايشه فى همى
هو اخويا صحيح
والا انتى مش امى