مسحراتي الصوفاني

[size=24][b]مسحراتي الصوفاني 2010

ياطبله دقي لو يوم تروق لي
كنت اخاويكي برق مَحلي
وأقول زماني لما صالحني
رقصت صاجاتي والعود سمحلي

دنا أصِلي داعي
للخير وباعي
في الصبر صابر
في الفتنه واعي
أعيش في عشه ويا رفاعي
ولايوم أجاور سحره وأفاعي

يافرع أخضر
دبلان شبابه
كان يوم مزهر
مكفوت ببابه
لكيعانه شارب
م الغلب ياما
صَابُه ما صَابُه
ولاقلشي يانا
كل اللي نابه
فات عوده مَحْني

ياعودي إضرب سيكا وبياتي
كان فن يطرب ليوم مماتي
غاوي ربابه عاشق ألا تي
مغرم صبابة ومغنواتي
فقير تشوفه تقول زواتي
غمسها دقه وطقه حاتي
صاحب خواجه وقرداتي
أعطش أغني أجوع أغني
أشبع أمني روحي بليلاتي
من حب فني
عايش يوماتي
مشكيش زماني
مدعيش ويلاتي

داللي دبحني وحز فيا
سهم صابني من خِل ليا
وسكوتي قوه
وردي قوه
وحبي قوه
أو قول مروه
مش ضعف مني
لأنه مني دا اللي رماني
من دمي محني
*******
(طاهر الصوفاني)

بامر الله جاري تحميل الجزء الثاني من المسحراتي الصوفاني2011 وكل عام وانتم بكل خير

مليون شكر للاستاذه دموع العين علي صنع الفيدو
وجعل القصيده بتلك الروعه
لها مني مليون تحيه
وكل عام والجميع بخير

[/size][/b]

الحبيب الشاعر الجميل/طاهر الصوفانى
إستمتعت جداً بالعمل الجميل ، ذكرتنا بالراحل الجميل الشيخ سيد مكاوى ، وقربت ألينا شهر الله ، شهر رمضان المبارك ، اعاده الله علينا بالخير والبركات وجنبنا الفتن ما ظهر منها ومابطن .
كل عام وانتم بخير
وفى انتظار الجزء الثانى
تحياتى ايها الفنان الجميل

لا اذا كان كده
يبقى خلاص
انا هستنى منك تلاتين حلقة يا جميل
والله استمتعت
خالص الاعجاب يا مجدد
Very Happy

الله ينور يا طاهر

جميل والله . وصوتك قريب جداّ من السيد مكاوى .

نشكرك ونشكر الاستاذه دموع لهذا الفيديو الرائع .

مودتى وتحيتى ...

حمدى البابلى كتب:

الحبيب الشاعر الجميل/طاهر الصوفانى
إستمتعت جداً بالعمل الجميل ، ذكرتنا بالراحل الجميل الشيخ سيد مكاوى ، وقربت ألينا شهر الله ، شهر رمضان المبارك ، اعاده الله علينا بالخير والبركات وجنبنا الفتن ما ظهر منها ومابطن .
كل عام وانتم بخير
وفى انتظار الجزء الثانى
تحياتى ايها الفنان الجميل

الاستاذ القاص والص\يق الطيب الطيوب حمدي البابلي
ادام الله علي طلتك الجميله
كل سنه وانت صديقي واخي الحبيب
كل عام وانت بكل خير

الشاعر محمود قطب كتب:

لا اذا كان كده
يبقى خلاص
انا هستنى منك تلاتين حلقة يا جميل
والله استمتعت
خالص الاعجاب يا مجدد

ههههههههه
يامين يدينا طولة العمر ياعم قطب
لكن اهي علي راي المثل بتطول الامل

كل سنه وانت قطب

عادل عوض سند كتب:

الله ينور يا طاهر

جميل والله . وصوتك قريب جداّ من السيد مكاوى .

نشكرك ونشكر الاستاذه دموع لهذا الفيديو الرائع .

مودتى وتحيتى ...

تسلم ياعمنا واستاذنا علي هذا المرور

كل سنه وحضرتك طيب وبخير

مين دموع دى يا طاهر ههههههههههه

هو حد هنا يعرف دموع الله يسمحك ضيعت تعبى بلاش

كل عام وانت بخير

هههههههههههههههههههه

معلشي ياوفاء

واخد علي الاسم في اليو تيوب

هههههههههههههههههههههههه

وعلي ماشوفتها مكنش ينفع التعديل

كل سنه وانتي طيبه وبخير يااجمل القلوب

» مسحراتي الغلابه
» عبير الصوفاني
» مسحراتي الثورة
» مسحراتي الوطن العربي
» مسحراتي الصوفاني2/2011