مسحراتي الثورة

تقوم جريدة الحرية والعدالة بنشر مسحراتي الثورة التي كتبتها يومياً في ملحقها الرمضاني وسأوافيكم بما نشر وحلقة جديدة يومياً مع خالص حبي وكل عام أنتم بخير

مسحراتي الثورة

يا مسحراتي هاتف نداني
وقاللي لازم تكتبني تاني
من بعد ثورة من أمة حرة
قيم كتيرة مستنياني
قيم بتبني قيم تعلي
قيم تخلي الوطن تملي
فوق أعلى قمة والأمة أمة
بالجهد يا ابني مش بالأغاني
والشعب واعي والثورة قامت
والخلق صاحية لو حتى نامت
قلت أحيي فكرة وأمل لبكرة
وأنا قلبي شايل للحب بشرى
دلوقت طبلي علشان بلادي
علشان عيونها بهتف وانادي

*** 1
اصحى يا نايم من بكرة صايم
من غير لا كلفة ولا غرايم
اعزم قريبك اعزم نسيبك
بالحسنى واصرف على قد جيبك
واما تلاقيني راح تشتريني
ببسمة تربط بينك وبيني
مش في الزبالة نرمي لنا بالة
ونقول عزومة والحالة حالة
واصحى يا نايم
يانايم اصحى

*** 2
ومسحراتي هقول وأنادي
على حب مصر وتراب بلادي
يا مصر حبك ساكن في قلبي
لو يوم تنادي بالحب ألبي
والحب حكمة مش بس كلمة
أخدم بلادي بكل همة
ولما تعرق تلقاني نسمة
واحمي ترابها من كل عادي
خليك مفتح خليك مصحصح
واوعاك بكلمة تهيص وتفرح
وطنك أمانة خليك معانا
وبكرة أجيلك بشكل تاني
اصحى يا نايم
يا نايم اصحى
*** 3
والليلة ليلة صفا وهنية
بنادي من فرحتي القوية
على قيمة غالية ياناس عليه
وهي قيمة الوفاء يا فادي
وفاء لربي من كل قلبي
وللنبي اللي هداني دربي
ومراتي وابني وجميع حبايبي
وكل مخلص عشق بلادي
ويكون لي مبدأ في الحق واصدق
ما كونش للسابق اللي يلحق
ولا سيبش عمري السفينة تغرق
واصون عهودي واحفظ ودادي
وبكرة اجيلكو ما تشدو حيلكو
دا بكرة أحلى من الليلادي
اصحى يا نايم يا نايم اصحى
*** 4

و فـ ليلة تالتة والتالتة تابتة
أنا جاي انادي على قيمة ثابتة
على قيمة غالية في النفس عالية
عايزينها في المرحلة اللي جاية
قيمة التسامح طبع التصالح
مش كل حبة نثور شوية
مش كل حاجة تافهة نقابلها
بالعنف والبلطجة نعاملها
عايزين سماحة وقلب صافي
ومجتمع بالمودة دافي
اصحى يا نايم
يا نايم اصحى

*** 5
واصحى يا نايم يا نايم اصحى
وانت ياغاوي ترفيه وفسحة
دي بلدنا دولة بالقرش أولى
إديها قرشك وبنفس سمحة
البحر لبيض والبحر لحمر
والنيل بيجري عسل وسكر
وآثار عظيمة وطباع كريمة
من شعب صامد وله عزيمة
مصر الحبيبة مستنيانا
إيدك بإيدي صحح معانا
نفسي بصراحة نحيي السياحة
بكرم ضيافة ورضا وسماحة
اصحى يا نايم
يا نايم اصحى

الله ينور يا خالد

لاينقصها إلا اللحن . وانت شاعر جميل

وتستحق كل تقدم . وانتشار .

مودتى وتحيتى ...

كلمات جميلة وعميقة وواعية

دام الابداع

والود

الشاعر خالد الطبلاوي

عبرت بما في داخلك وفجرت قضايا

عن طريق المسحراتي

كل عام وأنتم بخير

دمت مبدعاً .
[b]

*** 6
واصحى يا نايم
يا ابو قلب هايم
في حب ربك وصبحت صايم
حسِّن جوارك وانصح لجارك
دي الرحمة والجنة في انتظارك
نبينا وصى ودي أحلى فرصة
والشهر داخل اوصل وواصل
وابسط حقوق الجيران يا سيدي
أمنع لساني وبلاوي إيدي
واحفظ وداني وكمان عنية
ما يروحش منهم لهم أذية
واوعى بقى تخسر القضية
ويشتكوك للحبيب يا صايم
اصحى يا نايم
يا نايم اصحى

*** 7
والليلة همس الخطاوي جابنا
بالحب نحكي على شبابنا
شباب مثقف وفكره واعي
كان للقضية والثورة راعي
وف ظهر خمسة وعشرين يناير
طلعت جموعه برغم جوعه
للثورة صامدة تعمل دواير
وتحاصر الحاكم اللي جاير
والشعب كله طلع معاهم
وحط رجله مطرح خطاهم
مسلم مسيحي لما رآهم
خاطر بروحه وهب ثاير
واصحى يا نايم يا نايم اصحى
*** 8
والليلة أم الشهيد بتحكي
عن يوم زفافه ما عادتش تبكي
وليه هتبكي وهي عارفة
أمارات كرامته بعنيها شايفة
شايفاه بيضحك والبسمة حلوة
يكتب بدمه لبلاده غنوة
شهيد وقدم يا ناس حياته
لبلاد بنيلها الزلال حياته
في ترابها ذاته وذكرياته
وإزاي يسيبها م الظلم تشكي
بالدم أعلن يا ناس وفاؤه
والخلق عنه بتقول وتحكي
واصحى يا نايم
يا نايم اصحى

*** 7
والليلة همس الخطاوي جابنا
بالحب نحكي على شبابنا
شباب مثقف وفكره واعي
كان للقضية والثورة راعي
وف ظهر خمسة وعشرين يناير
طلعت جموعه برغم جوعه
للثورة صامدة تعمل دواير
وتحاصر الحاكم اللي جاير
والشعب كله طلع معاهم
وحط رجله مطرح خطاهم
مسلم مسيحي لما رآهم
خاطر بروحه وهب ثاير
واصحى يا نايم يا نايم اصحى

جميييييييييييييييييل جداااااااا

الله ينور بجد رائع

ه

» الثورة دى جـِدّتى..!!.،تواصل مع الثورة دى بنتنا لمحمود جمعه
» بعد الثورة ( صباح الثورة )
» مسحراتي الغلابه
» مسحراتي الوطن العربي
» زمن الثورة