يا سيف الحق

وايه يعنى اما اموت ف الحق
ما دام لو مت هبقى شهيد
وهبقى رفعت راسي بحق
لأني مهذنيش تهديد
يا ظالم ، لو راعيت الله
ف مظلوم ، يعني ايه يجرى
عايزني اجي عليه وياك
وارككب قلب تاني حديد

لا ، مش ممكن ولا هيكون
أروح اشهد شهادة زور
لو ادتني كنوز الكون
هقول الصدق وانت تغور
ما تفرحشي النهار ده نهار
ما تنساش الزمن دوار
مسيره ف يوم هييجي عليك
ولا تشوفشي بعنيك النور

وايه يعنى اما اموت ف الحق
ما دام لو مت هبقى شهيد
وهبقى رفعت راسي بحق
لأني مهذنيش تهديد
لأني ضعيف ولا خوفتش
لأني شريف ولا بعتش
ولو راحت كمان روحي
أموت وهكون لأمري سعيد

يا سيف الحق خد ايدي
وشجع قلبي ولساني
مليش غير الضمير،ويلي
أبيعه ازاي بشئ فاني
يا مظلوم عمري ماجي عليك
أنا ضهرك أنا حواليك
هكون وياك على الظالم
وقادر ربي يرعاني
.

الاخ الشاعر الجميل

رضا عثمان

الحق هو الطريق القويم الذى يأخذنا الى النهايه المرجوه ز

نصك جميل اخى رضا . وانت اجدت الفكره والوزن .

مودتى وتحياتى ...