اذن يافجر الحق

[center]اذن يافجر الحق اظهر ياصبح النور
خلى الظلام ينشق حطم قيودك ثور
النصر بابك دق ياشعبنا المنصور
وعرفنا قولة لأ للظلم ويا الزور

دم الشهيد يبدأ علشان نعيش أحرار
بالكعب بندقدق طول عمرنا ثوار
وفجرنا شقشق وقضينا ع اللى جار
والطير أهو زقزق والليل طلعله نهار

ان الأوان للجد نجنى بايدينا الخير
ونقول لأيه حد مش محتاجين للغير
والقمح مالوش حد والقطن بالقناطير
ويفيض مالا يتعد والباقى للتصدير

والهمه فى المصنع تخلعنى من اسرى
كل البشر تسمع عن ابننا العصرى
والجندى بالمدفع قادر على نصرى
وطبعا الأجدع دايما يكون مصرى

الأستاذ الشاعر الجميل حسن الجمال
احيك على هذا النص الرائع والذى
كان سيزداد جمالا لو لم تتمسك بالقافيه
واعتقد ان الأساتذه عاطف الجندى وعادل
عوض سند سينصحوك ايضا بتنويع القافيه
وان كان هذا لاينفى من انك شاعر متمكن
صلاح الكومى Mad

الأستاذ الشاعرالقدير/ صلاح الكومى
اشكرك جزيل الشكر على متابعتك لاعمالى وتعليقاتك المثمره عليها
لك منى ارق التحيات

الاستاذ الشاعر الجدير

حسن الجمال

والله وبدون مجامله . زجليه رائعه .

مضموناّ وطرحاّ ووزناّ .

انت شاعر يلفت النظر من اول حرف .

احييك على براعتك وجديتك فى اعمالك .

تقبل مرورى وخالص تحيتى ...

تثبت بواسطتى

تقديراّ للحرف والشاعر ...

أشكرك جدا ياأستاذى عادل سند
تحياتى لحضرتك

حسن الجمال. كتب:: [center]

دم الشهيد يبدأ علشان نعيش أحرار
بالكعب بندقدق طول عمرنا ثوار
وفجرنا شقشق وقضينا ع اللى جار
والطير أهو زقزق والليل طلعله نهار

ذاك المقطع به قيم جمالية بديعة

كما الريحان أنتْ

في تشبيهك الرائع

تحيتي اليكْ العطرة

دمتَ بود وتقدير واحترام فائق

» الحق
» يا سيف الحق
» ياكلمة الحق
» حنين الحق
» شهيد الحق