نفسى ارفرف زى الطير

نفسى ارفرف زى الطير فى عالم تانى عالم قلبه كبير عالم كله حنين
عالم خالى من الانانيه عالم تانى ومش انانى
نفسى اغمض عنيى والاقى جنه كلها خضره وورد احمر بيهمس ليا
نفسى اكون على شط الميه وسط الميه وشمس المغربيه وهوا النسيم الى يشفى العليل
نفسى الاقى نفسى التايهه وارسى على بر ليه مرسى
نفسى اتنفس من غير دخان من غير عادم من غيرهوا فاسد يسد الشريان
نفسى الاقى الود والحب مالى القلوب مش خداع مش كدب مش آلام
نفسى فى بكره يبقى جميل نفسى ارفرف زى الطير
نفسى اتوه فى الفرحه الحلوه الى اتعدمت وسط الليل
نفسى فى حضن يضم انينى ويمسح ليا دمعه عينى
نفسى اتنهد وانا مرتاحه من غير خوف من غير رعب من غير ناس تخنق احلامى
نفسى الا قى بلدنا جميل من غير بطاله من غير رشاوى من غير فقر يهد الحيل
نفسى اغمض عينى وافتح الاقى شبابنا شباب الجيل
رافع رايه مصر الجنه ارض الكنانه وملهاش بديل
نفسى الاقى شوارع هاديه من غير صفير من غير نفير
نفسى الاقى مصانع يعمل فيها شبابنا جميل
نفسى الا قى شبابنا طموح جواه حاجه تقويه
نفسى الاقى صوره المصرى فى كل مكان شامخ عالى ببلده وعمله واراده تكفى ملايين
نفسى الاقى شبابنا طموح جواه همه وعزم لبكره
نفسى الا قى الدنيا بخير مهما جرى لنا ومهما قسينا احنا حضاره وادى النيل
تشهد لينا الدنيا بحالها شعب مكافح شعب اصيل
نفسى اكون من بين ملايين واصرخ بعلو صوتى انا بنت حضاره المصريين
بلدى تاريخ بلدى اصاله بلدى عراقه
رغم ظروفك رغم الامك بردو بحبك وارجع ليكى واحن لنيلك وترابك يا بلدى مهما حصلى مهما قسيت
هرجع تانى واقول حنيت
بحبك يا بلدى بحبك يا بلدى

مررت وسررت ببوحك .

ما اكثر ما يتمنى المرء . ولكن ما نتمناه شيء

والواقع شيء آخر .

نصيحه وارجو ان تتقبليها بصدر رحب

العنايه بمضمون ما نكتب هو طريق الوصول للكمال .

ليتك تهتمى قليلاّ بمحتوى النص الذى تكتبيه .

وتحاولى ضبط موسيقى الشعر .

تقبلى ملحوظتى وتحيتى ...

اكيد لازم اتقبل اى ملاحظات بصدر رحب واتمنى ان اجيد فى المرات القادمه
واكون عند حسن ظن الجميع
وشكرا على مرورك الكريم بمواضيعى المتواضعه
وتقبل تحياتى حنين الحب

» نفسى ارفرف زى الطير
» رساله عتاب من نفسى الى نفسى
» الطير المسافر
» الطير المهاجر
» (الطير الجريح)