تصحيح كتابة " عديت ميدانك "

عديت ميدانك


عديت ميدانك يا بطل

لآ واتشاهدت هناك

ولمحت صورتك كلها

واضحه كآنى رسمتها

بعد اما كنت لقطتها

واقف ورا الشباك

أنا كنت أخاف

م الغولة ف الحواديت

وكنت باهجر حتتى

لو قالوا فيها عفاريت

وأوطى صوتى ببسملة

مرعوب وانا رايح الصلا

من جلادين المقصلة

واصل الحكايه المعضله

ان احنا

شعب عبيط !!!!

عديت ميدانك يا بطل

وقريت لك الفاتحة

دمك منور عالرصيف

عرقك خبز مليون رغيف

م الارض ندعى يا لطيف

حتى السما السابعة

أنا كنت أخاف

لو جابوا سيرتى

وقالوا شاف

وكنت أستعيذ بالله

م النسر ع الاكتاف

واللا النجوم الدهبى

ويا الكابات البيض

واللا البلاطى الصوف

واللى افتكرنا عبيد

وكروش بتبلع كالوحوش

ومزيفين حتى الوشوش

أبطال ولكن من فشوش

متعبقرين ولا يفهموش

وكتار قوى زى الهاموش

أخى مجيب
قصيدة جميلة
و خطوة رائعة للأمام
تقبل ود أخيك