يوسف والى

الست نعيمه المفتريه
جاها داء ف بطاطها ودفتريا
كات تاجرة جرجير وشاكوريا
ولان الجرجيرمش غالى
الكل بياكله ويحلالى
جاها أمر من الباب العالى
ياتحاربى الآفة على كيفنا
يانغير منك موقفنا
وشوفيلك حته تبيعى فيها
غير الحتادى اللى طرفنا


الست نعيمه المفتريه
قالت راح تدفعوا كام ليا
أنا ست ضعيفة وغلبانه
ما تجوش على حقى دانا وليه

قالوم حنسيبك ف مكانك
وحتاخدى زمانهم وزمانك
وهنعمل مخصوص علشانك
بنكين تسليف واتمانيه
ولا حدش حيضايقك خالص
ولا حتى بتوع البلديه
وان حد فتح بقه بكلمه
حنقول دا يسارى ويساريه

وحنكتب ف تاريخنا الزايف
ان الحلوادى أم شفايف
لهافضل على الآمه جميعها
حاكم أفضالها ماتتعدش
كانت بتخبى ف جرجيرها
كام دودة وفيروس فدائيه

وهنعمل منك وامثالك
أبطال ونقول الباشا خالك
وانك بنت أصول وعظيمه
وطريقك نملاه بمسالك
ومسالك تفتح لممالك


وعليكى يا حلوة تطاوعينا
وتحطى ايديكى ف ايدينا
ونوفى الندر اللى علينا
ننشر حضارتنا وأفكارنا
بين الاحياء الهمجية

ويبقالك فضل على الفقرا
اللى بيشتغلوم بالسخره
بلا صحه وأفكار هدامه
خليهم يتنازلوا شويه
ويوقعوا أحلى اتفاقيه

الست نعيمه المفتريه
عملت بنصوص لاتفاقيه
وبهمه وزادت عالهمه
حبة نشاطات انما هى

وف غمضة عين بعد كذلك
فتحولها الباب على كذا مسلك
والمسلك بيجر مسالك
والصحه والعافية وداعا
لكن أطراف لاتفاقية
فتحولهم وسطينا ممالك
واللى ما وافقش أكيد هالك
والست نعيمه المفتريه
جاها داء السل ودفتيريا
أصبحت اليوم ست عظيمة
وبطلايه ف عصابه لئيمة
والرمز الاول كمناضلة
ف نضال الثورة الزراعية
كانت أهداف تلك الثورة
( يحياالسرطان وب حريه
والالتهابات الكبديه
ونشوفهم عايشين بسلامهم
وسط الاحياء الهمجيه)

مجيب عيدأحمد

أريد من الاخوة الافاضل ارسال عنوان ندوتكم حتى يتسنى لى ان ازوركم فى أول فرصة ممكنة حين نزولى الى القاهرة


مجيب عيد

يوسف والى من اسواء الناس جاءت مصر ومن اعفن وزارة للزراعة لانة دمر اناس كتير وفلاحيين كثير اكثر من المتوقع وهو من دخل السماد الفاسد لمصر وليس يوسف عبد الرحمن وانا واثق من دة

الى الاخوة الاعزاء الذين يحاولون تعريفى بالصهيونى المتمصر يوسف والى والذى أشرت أنا اليه فى قصيدتى بالست نعيمه المفتريه لانه أبعد ما يكون عن الرجال ولتعلموا جميعا أننا زرعنافى اسرائيل رأفت هجان "رفعت على سليمان الجمال"واحد فزرعوا هم مائة" هجام"وشكلوا منهم رئيسا ووزراء

أخى الشاعر الأستاذ مجيب عيد
قصيدتكم تحكى عصراً من أحط عصور التاريخ
وأنا أسميه عصر الهزائم التاريخية
والذى تحكمت فيه عصابة
دمرت مقدرات الأمة وسحقت شعبها
شكرا جزيلاً
والى عصر جديد
قد تعود فيه كرامة المواطن
كل ودى