[] إن طولت نجوم السما []

قالولى في اسكان
لشبابنا يا حسرة
شقة لكل شاب
موحول
ف 100 عسرة

انا روحت اقدم طلب
قابلونى بالكشرة
وحطمولى الحلم
كسروه 200 كسرة

وقالولى ده اسكان
للى معاه واسطة
ابن الوزير واللوا
مش للغفير والأُسطة

يابن الفقير اياك
تيجى عندنا تانى
ان طولت نجوم السما
ادى شقة إسكانى

يا حضرة المسئول
إرضينا ولو مرة
خلينا نفرح ف يوم
لنثور عليك مرة
وزى ما سكرنا المُر
تدوق مُرنا ف مرة

زاد المرار والغلا
بركان حاجتنا انفجر
هاتحس إمتى يا ولا
ولا اعمى قلب ونظر