انسان من طين@كلمات هيثم باشا

انا ابن ادم

انسان اتخلق من طين

لون بلدى

واسم بلدى مكتوب على الجبين

امنيتي ذى اى شاب

اعيش حياتى فى امان

اقفلى عليا الباب

وابعد عن الاحزان

اتارى احزن جارى

ومش راضى يبعد عنى

مافقنى دايما مشوارى

كانه حتة منى

كل ما اطيب وادارى

الاقيه دايما ساكنى

لحد امتى يا حزن

هتفضل مرافقنى الطريق

كانك انت الصاحب

وانت الصديق

تصدق انا ماشفتش زيك صديق

دايما بتوفى وعمرك ماتخون

هو انت اه عاشقنى لدرجة جنون

بس برده انا فى حبك غريق

دانت الرمش اللى حامى العيون

وانت الصاحب اللى علشانه اكون

انسان فى الدنيا عايش برئ

لفيت كتير ومالقتش فى اخلاصك حد

ولا صاحب زيك يوفى وقت الجد

ان كان مافيش غيرك بد

يبقي سيبنى مرة اعيش حياتى طليق

الاستاذ هيثم عادل
ابعد الله عنك الحزن
وفي انتظار محاوله فيها تفاؤل
شكرا لك على هذا البوح
كل مودتي

التفاؤل جميل ياهيثم

وبعدين انت لسه شباب والامل فاتح لك دراعاته .

كلمات جميله رغم ما حملت من الم .

مودتى وتحيتى ...

» يا اب يا محترم@كلمات هيثم باشا
» امن دولة للشاعر هيثم باشا
» كذاب@كلمات هيثم باشا
» المجاعة للشاعر هيثم باشا
» مدينة الاحزان@كلمات هيثم باشا