امن دولة للشاعر هيثم باشا

دق باب بيتنا فجاءة

لقيت ناس طويلة وعريضة

وعاملنلى المفاجاة

كبيرهم قال ادخلوا هاتوه

بالذوق بالعافية جرجروه

واهل الحتة فى بيوتها لاجئة

وخدونى من بيتنا بالعافية وبهدلونى

غموا عينيا وفى عربية سودة حدفونى

ولففونى ودوخونى

وفى مكان تحت الارض ورمونى

قلت لهم ممكن اعرف ايه تهمتى

وكان ساعتها اسود لحظة فى دنيتي

جابو سلك وكهربونى

وبكرباج جلد وجلدونى

وفى اوضة ضلمة سابونى

لا فيه نور ولا امان

زى ما تكون اوضة فران

قاعد وحيد لا اهل ولا خلان

اصرخ وهما ما يسمعونى

وعسكرى كانه ضربه فيه مقاولة

ويتبدل عليا غيره والايادى مناولة

جيت اسال انا فين

قالولى اسكت دى امن دولة