أحلامنا ضاعت

السلام عليكم ورحمة الله وبركاته

تحيه طيبه لكل شعراء المنتدى الجميل
الحقيقه انا لاقيت المنتدى بالصدفه وفرحت جدا اني لاقيت اخيرا منتدى خاص فقط بالادبيات وكمان برعاية الشاعر الكبير ا/ عاطف الجندي ومتواجد فيه شعراء كتير ودا الي ملقتوش في منتديات شاركت فيها قبل كدا
لذا اتمنى ان تتقبلوني وسطكم واتمنى ايضا ان ينال النص اعجباكم مع العلم اني لم انشره في اي منتدى اخر فحبيت اول مشاركاتي تكون بحاجه جديده واتمنى تنول اعجابكم وعذرا للإطاله بس حبيت اسلم عليكم وعذري ان دي اول مشاركاتي معاكوا في هذا المنتدى الجميل واتمنى انها تعجبكوا

احلامنا ضاعت عَ السلالم في القصور

لما بتنزل جزمته فوق الحرير

ويدوس عليها كما يدوس

علي كل واحد مننا

يا عمرنا

بقى هيّ ديا الجدعنه

صابرين ومش صابرلنا

ماشي عليهم بالبطئ

وعلينا مسروق مننا

شلة بدل

حكموا ف مصاير عمرنا

خبوا الضماير عنهم

كشفوا علينا همنا

يا دمعتين علي كل خد لكل عانس تتقِتِل

يا جوع مكفاه الرغيف خلا الغلابه تتقِتِل

يا حيره في وشوش الرجال

تسكر تصلي او تسافر تتقِتِل

يا كل اصحاب الفخامه كلكم

مين لسا عايش مننا

مين لسا باقي عَ الرصيف

قدام قصوركوا ونخلكم

متسيبوا حد يعيش عشان يخدملكم

يا حسرتين علي عمرنا

ويا خَمستين في وشنا

لنقر علِّي عندكم

مَ الناس كدا طبقات راقات

مدفوسه في الطاجن ودايسه بعضها

خانقه مبين الضِلع والتاني ..حياه

والحمل بيزيد عَلِّي تحت

ويخف خالص عَلِّي فوق

دنيا طواجن يا بشر

الفين سنه لجل اما حلمك يستوِي

او تَني ضهرك يستوِي

اديلو يبني المعلقه

قبل اما نولع نتحرق

خليه يدوق من دمنا

اغرف براحتك حضرتك

دي الطبخه من ايدك هَنَا

واحنا الي اهالينا الغَلَط

وَلَدونا عاقلين زيهم

بيفكروا والفكر آه

والورث واحد للجميع

الفقر والجهل ومرض

والناس بتضحك بالغَصَب

ماعرفنا اصل لضحكنا

فهموها هما اننا

مش داريانين مش تعبانين

ويقولوا سبحان العَلِي

رغم الفقير في محنته

لكن حاله وباله عال

اتفو عليكم كلكم

ينعل ابو الغنوة الي تيجي من خيال

ملهوش جذور من ارضنا

وازاي صحيح هتحسنا!

او حالنا هتشوفه قََريب

و انت هناك واحنا هنا

وانتوا جماعه في الدهب

واحنا جماعه في العِشا

يبقى احنا احسن منكم

احنا رضينا بربنا وانتوا رضيتوا بربكم

اركع كمان واحفر هنا

دور علي الكنز الي لسا ملقتوش

هات شيالينك مننا

اسجد كمان بوس الجزم

الجزمه دي راح تنطرك

فوق الي شكله زينا

ما احنا التراب

وكل ذره مننا شكل اختها

محتاجه عدسه مكبره

وانتوا التماثيل الحديد

هتلاحقوا علي إيه ولا مين؟

دانتوا بجد الغلبانين

الحمل قاطم ضهركم

شايلين تلال

والفقر راحه لأي بال

وجوع علي إبئاء العيال

ومرضنا مش معدي لكم

لكن مناعتكوا انتهت

وخلاص بقى ان الاوان

مبروك عليكم كلكم

اصبحتوا مساجين بعد جاه

جرب بقى

وقلي بالك راح هيتعب ولا بالك ما بلاك

بالي باليت احلامنا بيه


أحمد عبد الرازق

الشاعر الرائع

احمد عبد الرازق

انت شاعر جميل . وقد اكتسبناك فى منتدانا

فهلاّ وسهلاّ بك اخى وسط اسرتك الادبيه .

هذا النص ينوه عن قدوم شاعر كبير وله قدره الشعرى

الذى سوف يثرى المنتدى بأعماله الرائعه .

للعلم لايوجد شاعر من اول عمل يلقى هذا التقدير .

ولذلك يُثبت النص تقديراّ للكلمه والشاعر ..