ألف خساره يا أمّـه عليكي .. ضياء الدين البري

السلام عليكم .. كلام من قلبي

.....

ألف خساره يا أمّـه عليكي
.....

ومّا سألتك
عن سر الخوف الساكن
جوّا حشاكي
ومسيطرعلي كل جوارحك
وشيطانه دايما مغرور
زارع تحت سماكي شرور
عامل نن عنيكْ خماره
بيحنـّط جوّاها عزيمتك
ويحدّد علي كيفه ملامحك
ألف خساره ياأمّـه عليكي
كنتي مناره ..!
أمجادك في الدنيا مداين
وولادك زارعينها جناين
بطولاتك صفحات بتلالي
وتاريخك عناوين وحضاره
طيّب ليه جوّاك محتاره .؟
سايبه الخوف يتحكـّم فيكي
ومْقيّده جوّانا اديكي
إيه السر يا أمّه احكيلي .؟
لو بإشاره
هاتوضّح لي وتشفي غليلي
مع إني مـُتأكد إنك
بمزاجك أوغصبن عنك
سايبه الغوله بتحْكم فينا
في مصيرك دايما بتقرر
عامله زعيمه بتنهي وتؤمر
ساجنه فْ قلبي نبض يقاسي
وبْتـِكـْتم دايما أنفاسي
بس الأقصي اذانه يكبّـر
جوّا قلوبنا أهات تتكرر
وسايبه الغوله هناك بتدمّـر
فجأه لاقيتني
تاه إحساسي
لمّا لقيتك دايسه علينا
ليل ونهار المر ساقينا
حيّرتينا يا أمّه معاكي
أحوالك في الدنيا غريبه
وسْكوتك فيه حاجه مريبه
وبقيتي للغوله حبيبه
جوّا حدودنا بتلعب بينا
ومعاها بتمشي أمورك.؟
وضْـعفـْتي وبقيتي ذليله
خيبانه وقليلة الحيله
والله عجيبه ..!
فين المجد ياأمّـه قوليلي..؟
دانتي أصيله ..!
وجدودنا سايبين الأقصي
في حمايتك من أي ديابه
دلوقتي صعبانه علينا
جمّدتينا خوف وكآبه
قيدتينا أسود في الغابه
والأقصي مسجون بأْديكي
ياما أهاته بتصرخ فيكي
وانتي الرعب مقصّر جهدك
وبعدّتي عن سنّه وفرض
ربنا قادر يغفر ليكي
يصفح عنّـك
تفكّـي قيودك ..
وتعودي للحق مُريده
نفسي ياأمّه تفوقي بجد
قبل ماكـُلّـك يسكن لحد
تتمني لو كنتي شهيده
واللا خلاص بدّلتي الأرض.؟
ودفنتي جوّاها الذمّـه
والله دي عيبه
بعتي الأقصي ، وهان العـِرض .؟
وهاتفضلي عنوان للخيبه .؟
برضه يا أمّه الصبر عليكي
مش هايودع فينا المجد
في وقت الجد
هاتلاقي حواليكي اللمّه
اللي تحطم فيكي الغمّه
وتصحّي في قلوبنا الهمّـه
اللي تجدد فينا غلاوتك
والله ساعتها الغوله هاتعرف
إنك ساكنه جوّا قلوبنا
بمزاجك أو غصبن عنّك
ومّا تفوقي وتحيي الوعد
وتوفـّي ببنود العهد
الأقصي هايعود لحضانتك
ورب العرش أكيد هايصونك

........

ان شاء الله استاذ ضياء الامه لازم تفوق

بس تعدى المرحله الانتقاليه دى

على خير

وصدقنى مفيش بلد ح تبقى احلى منها

دمت بكل خير وحب وابداع

الشاعر الكبير أستاذ ضياء الدين البرى

بسم الله ماشاء الله

دائماً لك أسلوب

رراقى جداً ف التعبير

وفى غزل الصورة بشكل متفرد

ومضمون واعى يسعدنى كثيراً

ربنا يزيدك كمان يا أستاذنا

Suspect

جميل جدا يا استاذ

اخى الحبيب الشاعر

ضياء الدين البرى

هذا نص من النصوص التى تستحق التثبيت .

ولهذا .. يُثبت النص لجدارتك وحلاوة المضمون

ثم اسمح لى بعودة له .

مودتى لحين عودتى ...

ادام الله عليك حسن البيان
اخى ضياء
ودمت ودام حسك الوطنى البهى
تقبل اخى مرورى واعجابى بما قدمت
Very Happy

الشاعرة عزة الزرقانى كتب:: ان شاء الله استاذ ضياء الامه لازم تفوق

بس تعدى المرحله الانتقاليه دى

على خير

وصدقنى مفيش بلد ح تبقى احلى منها

دمت بكل خير وحب وابداع

السلام عليكم .. كلام من قلبي
الاستاذه الشاعره / عزه الزرقاني
احترامي وتقديري

اشكرك علي تواجدك علي كلماتي
والمؤكد ان الأمه العربيه والاسلاميه
وبمشيئة الله .. لابد وأن يسعون الي تصحيح
الامور ، لارضاء رب العالمين ،
ساعتها ....
الاكيد ان الاقصي سيعود الي احضان الامه ،
اكرر الشكر لحضرتك
وللجميع تحياتي

رشا فؤاد كتب:: الشاعر الكبير أستاذ ضياء الدين البرى

بسم الله ماشاء الله

دائماً لك أسلوب

رراقى جداً ف التعبير

وفى غزل الصورة بشكل متفرد

ومضمون واعى يسعدنى كثيراً

ربنا يزيدك كمان يا أستاذنا

السلام عليكم .. كلام من قلبي
الأستاذه الشاعره / رشا فؤاد
احترامي وتقديري

الرائع بحق .. هو تواجدك علي صفحتي ،
مرورا علي كلماتي ، فاضفتي اليها قيمة وضياءا ،
بتعلقيك الراقي ،
اشكرك استاذه رشا
وللجميع تحياتي

yousry_osman كتب:: جميل جدا يا استاذ

السلام عليكم .. كلام من قلبي
الأستاذ الشاعر / يسري عثمان
احترامي وتقديري

الاجمل تواجدك علي صفحتي ،
سعدت بهذا المرور الراقي

اشكرك استاذ يسري
وللجميع تحياتي
[center]

عادل عوض سند كتب:: اخى الحبيب الشاعر

ضياء الدين البرى

هذا نص من النصوص التى تستحق التثبيت .

ولهذا .. يُثبت النص لجدارتك وحلاوة المضمون

ثم اسمح لى بعودة له .

مودتى لحين عودتى ...

السلام عليكم .. كلام من قلبي
أستاذنا الفاضل .. الشاعر القدير أ / عادل عوض سند
احترامي وتقديري

ودائما أشكر حضرتك علي مرورك الدائم
علي كلماتي ،
وأنتظر عودة حضرتك بشغف ،
لما تحمله من تعليق يروق لي دائما أن أقرأه ،
لأستفيد منه ،
وهذا ماعودتني عليه ،

كل الشكر والتقدير لحضرتك علي التثبيت

وللجميع تحياتي

الشاعر محمود قطب كتب:: ادام الله عليك حسن البيان
اخى ضياء
ودمت ودام حسك الوطنى البهى
تقبل اخى مرورى واعجابى بما قدمت

السلام عليكم .. كلام من قلبي
أخي الفاضل .. الشاعر / محمود قطب
احترامي وتقديري

واشكرك علي تواجدك الرائع ، وتعليقك الراقي
ومرورك علي كلماتي يسعدني
دمت أخي بكل خير
وللجميع تحياتي

الشاعر الاستاذ /ضياء الدين

كتبت فعبرت بسلاسة فائقه عن وجع الامه مع القدس

وراح ييجى اليوم وهتنور ايامنا تعود ان شاء الله

سعدت بمرورى على كلماتك الراقية
احترامى اخى

بسمة الورد كتب:: الشاعر الاستاذ /ضياء الدين

كتبت فعبرت بسلاسة فائقه عن وجع الامه مع القدس

وراح ييجى اليوم وهتنور ايامنا تعود ان شاء الله

سعدت بمرورى على كلماتك الراقية
احترامى اخى

السلام عليكم .. كلام من قلبي
أختي الفاضله .. الأستاذه / بسمة الورد
احترامي وتقديري

وأشكرك علي مرورك الرائع ،
وتعلقيك الراقي ،

وكل ما أستطيع قوله ردا ،
أننا بالفعل في حاجه إلي أن نعبر عن أوجاعنا ،
الساكنه جوّانا ، واللي اتمكنت منّا ، ومتحكمه فينا ،
الصرخات الناتجه عن قسوة الأمّه علي القدس الشريف ،
الأمّه التي هانت عليها آهات الأقصي الذبيح ،
وللأسف بنلاقي الأمّه نسياه ونسيانا ،

الأمّه التي أبكت قلوبنا حزنا ،
وتتعمد أن تزيدنا من الهموم لتشغلنا وتلهينا ،
ظنا منها أننا سنستسلم ونسلم ،
والمؤكد بعون الله ..
أنه سيأتي اليوم قريبا ،
رضوا أعداء الأقصي أم أبوا ،
ولكن..!
أتمني أن تفيق الأمّه ،
وتتذكر الأقصي الحبيب

أكرر الشكر لحضرتك
وللجميع تحياتي

» يااااااااااااااااأمتي....ضياء الدين البري
» مـش بــإيدي .. ضياء الدين البري
» ليه تلوموني....؟ ... ضياء الدين البري
» من غير إحم يابا .. ضياء الدين البري
» من غير دليل .. ضياء الدين البري