علب دبابيس ........ { العلبه التانيه }

{ 1 }
*****

عند القلب وقمت فتحت

شفتك قاعده وجوه سرحت

جبت المشرط تانى دبحت

اكبر حتّه وكات من تحت

جيت شدّيتك .. بره رميتك

طالعه بدمى لكين إرتحت

***********

{ 2 }
*****

كان نفسى ارقّيكى

واغزو السحاب بيكى

وفأول الرحله

اشتاقتى للوحله

رفضت انزل لك

قررت ارميكى

**********

{ 3 }
*****

نفسى ف يوم تليفونك يضرب

واسمع واحده تكون طالباكى

لكن ..

كل ما يضرب باسمع

ايوه ياروحى .. فلان ويّاكى

***********

{ 4 }
*****

انتى واهمه

بس عايزك تبقى فاهمه

ان انا فى الكشف دايماّ

نمره واحد

هوه طبع وميزه فيّه

إنما ما اقبلش ابداّ

ابقى عندك نمره 100

***********

{ 5 }
*****

امانه لو تحبينى

وتلقينى بناديكى

بإسم جديد ماهوش ليكى

فماتلومنيش

وسامحينى .. وساعدينى .. وعالجينى

ويوم ما تحسى بعلاجك

حا يشفينى

وانطق اسمك العادى

فده ميعادى

فمدى ايديكى عزينى

وإقرى الفاتحه

وإتشاهدى .. وغطينى

***********

{ 6 }
*****

انا حا اشتكيك يا وطن

لضميرك الغايب

ما كنت عمرى سليط

ولا كنت يوم عايب

يرضيك امد الإيد ؟؟

وناكلها بمذله ؟؟

والخير كتير ويزيد

ولا كانش من قلّه

العدل لو يتنصب

حا يكون لى فيك نايب

***********

{ 7 }
*****

معادتش جوه الرئه

والقلب اى مكان

خلاص قطعنا النفس

وبقينا كالمانيكان

اشكالنا فى الفتارين

من غير عيون وودان

نتحركوا بريموت

عالوش صك الموت

ومقطوعين الصوت

وتلتميت سجان

***********

{ 8 }
*****

لما بننقد مسئولين

وبيغضبوا !!!

شايفين حقايق

بس منها بيهربوا

نص الشباب بيبيع حشيش

وتانى نص .. بيشربوا

***********

{ 9 }
*****

ليل نهار عمال بيحسب

عالبنوك حا يودى كام

واحنا م الجوع إتفطمنا

لما عالاملاك بصمنا

نشتهى ريحة الإدام

***********

{ 10 }
*****

الوطن محتاج مكانس

ويّا حملات الإزاله

وإستحاله

لو حا نبنى صرح أمّه

فوق صفايح م الزباله

تلك الاعمال من

1995 / 2003 / قديم ..

الله الله

بجد دبابيس حضرتك روعه كلها

يعنى الشك كله فى محله هههههه

اعجز عن ايفائكم ما يجول بخاطرى فلا استطيع ابدا

لانى دائما اقف عاجزة عن التعبير امام رقى كلماتك

الشاعر القدير /عادل عوض

سعدت بمرورى الاول تقبل مرورى واحترامى الدائم

يااااااااااااااااااااااامسهل
فينك ياملهم يابتاع البتاع
هههههههههههه
دا استهلال
ادعيلي بالباقي

ليل نهار عمال بيحسب

عالبنوك حا يودى كام

واحنا م الجوع إتفطمنا

لما عالاملاك بصمنا

نشتهى ريحة الإدام

***********

{ 10 }
*****

الوطن محتاج مكانس

ويّا حملات الإزاله

وإستحاله

لو حا نبنى صرح أمّه

فوق صفايح م الزباله

حين يعيش الشاعر المبدع الحقيقى بوطنه ويعايش همومه

يشف قلبه ترتقى بصيرته بالوعى ويستشرف الأحداث

وهذا ما يحدث للشاعر المهموم بالوطن / عادل سند

أخى أدام الله عليك شفافيتك وإبداعك

تم التثبيت بواسطتى :

للصدق وقوة الحرف وشاعرية الدبابيس المؤلمة

وداد الهــــــــــــــوارى

الاستاذ الشاعر الكبير عادل سند
اسمح لي أن أرد على تلك الرائعه مرتجلا :

عشر دبابيس ، وابره
لضمتهااااا ، بخبرتك
خلتني أعيش ، وأقرا
وسحرني روعة حرفتك
،
يا سند يا ناقش بالحروف فنك
خدت المناقش ورث عن أهلك
أنقش فى كل قلوبنا على مهلك
واطبع بلون الخفه من دمك
.
دي أقل حاجه ممكن اكتبها في شاعر استاذ كبير مثل حضرتك ،

علبه رائعه أستاذي فتحتها بحرفه وتقنيه عاليه ونثرت دبابيسها
في أماكن متنوعه لنرى بها تمكنك من أدواتك
وانت غني عن التعريف
تحياتي استاذي وقبلاتي

Very Happy

دبس علينا الهوا واغرزنا في قفانا

كلام بيلسع قوي لاكنه دفانا

القرصه بعد ساعات النوم تنبهنا

وانت اللي كان قبطان بالدفه وجهنا

خدنا بإيده الحلوه ... ودانا

قول ياعم الشيخ إمام ...

المبدع / عادل عوض
تحياتي لك
ولهذا الفيض الجميييييل من الابداع
دمت بود

يا عمنا عاطف
دى مش دبابيس
دى صواريخ
ومنها الساخر ومنها الوطنى
ومنها الاجتماعى
والله انت موسوعة شعرية
متنقلة يا استاذنا
دمت دوما بكل هذا الابداع
يا كبيررررر
خالص اعجابى وتحياتى
Very Happy

الشاعر الرائع/عادل
والله دبابيسك جميلة،لان المصنع ممتاز
والجراح المشرف ممتاز،جميل ياعادل
ربنا ما يحرم حد من دبابيسك
ودمت لنابكل خير

اكتب اهاتك عدد وارمى المدد دبابيس
قرب وسن العدد وادبح لنا الاباليس
جدك يصحى البلد واللى بلد دا تيس
سحسح دموع بسمتك واملا بها الكراريس
.....................................
ماأروع دبابيسك استاذى الشاعر الكبير عادل سند
بارك الله لك وفيك وزادك ابداع
مع أعزب تحياتى
ابنك حسن الجمال

تعودنا منك جمال الحرف والموضوع استاذنا
فكل التحايا لك و لهذه المقطوعات الرائعه كروعتك
تحياتى

الاستاذ الشاعر الرائع عمنا عادل عوض سند

تحياتي وكل تقديري اليك عبر مروري على رائعتك

التى أستمعت واستمتعت به وبجد شئ رائع ومش جديد

عليك وأقول بأنه شئ يدرس الي الجميع بجد منتاش عادي

انت شاعر سوبر بسم الله ماشاء الله والله ما بحسد لكن من فرط حبي

دمت لنا ايها الآستاذ الكبير الدي نتعلم منه الكثيردمت طيب وحنون وخلوق

أخوك أبو سرحة
.....

دبابيس مصرية 100%
جميل ماكتبت الشاعر المتميز
عادل عوض تقبل مرورى

حرام عليك كل الشكشكة دي

لي عودة خصوصاً لدبابيس الوطن

أخى الحبيب الأستاذ عادل عوض سند

أولا وحشتنى جدا

ثلنيا أشكرك على تلبيتك لطلبى منك

بالإسكندرية بسرعة الدخول فى علبة

الدبابيس التانيه ، ولأنى الآن أعد

نفسى للسفر إلى المحلة فاسمح لى

بالرد بعد عودتى السبت القادم

إن شاء الله .

لك حبى واحترامى

بسمة الورد كتب:: الله الله

بجد دبابيس حضرتك روعه كلها

يعنى الشك كله فى محله هههههه

اعجز عن ايفائكم ما يجول بخاطرى فلا استطيع ابدا

لانى دائما اقف عاجزة عن التعبير امام رقى كلماتك

الشاعر القدير /عادل عوض

سعدت بمرورى الاول تقبل مرورى واحترامى الدائم

الاخت الفاضله

بسمة الورد النديه

ماهو لازم الدبوش يشك وإلا يبقى ايه فايدته ؟؟

المهم ان العمل ككل اعجبك وده اهم شيء عندى

ربنا ما يحرمنى من مرورك المشرف لى ولاعمالى .

كل الشكر والتحيه ...

طاهر الصوفاني كتب:: يااااااااااااااااااااااامسهل
فينك ياملهم يابتاع البتاع
هههههههههههه
دا استهلال
ادعيلي بالباقي

ربنا يسهلها عليك ..

بس مش قوى احسن تغرق الدنيا .

هههههههههههههههههههههههههههههه

مستنى رأيك ياعمنا ...

وداد الهوارى كتب:: ليل نهار عمال بيحسب

عالبنوك حا يودى كام

واحنا م الجوع إتفطمنا

لما عالاملاك بصمنا

نشتهى ريحة الإدام

***********

{ 10 }
*****

الوطن محتاج مكانس

ويّا حملات الإزاله

وإستحاله

لو حا نبنى صرح أمّه

فوق صفايح م الزباله

حين يعيش الشاعر المبدع الحقيقى بوطنه ويعايش همومه

يشف قلبه ترتقى بصيرته بالوعى ويستشرف الأحداث

وهذا ما يحدث للشاعر المهموم بالوطن / عادل سند

أخى أدام الله عليك شفافيتك وإبداعك

تم التثبيت بواسطتى :

للصدق وقوة الحرف وشاعرية الدبابيس المؤلمة

وداد الهــــــــــــــوارى

الاخت الشقيقه الشاعره الكبيره

وداد الهوارى

كلنا كنا نستشف الامور ونتوقع ما لايتوقعه الآخرون .

واقسمت من قبل لكثير من الشعراء عندما اكدوا ان جمال

جاى لامحاله . ان هذا لن يحدث وإن حدث فسوف يثور هذا الشعب

سبحان الله كنت مستبعد ان يعتلى الكرسى هذا الانسان الحاقد الاسود

مرورك شرفنى وتعقيبك سما باحرفى . فشكراّ لكى .

خالص تحيتى وتقديرى ...

اختى الغاليه

وداد الهوارى

اشكرك على تثبيت العمل

ثبتك الله واكرمك .

كل الشكر والتحيه ...

رضا عثمان كتب:: الاستاذ الشاعر الكبير عادل سند
اسمح لي أن أرد على تلك الرائعه مرتجلا :

عشر دبابيس ، وابره
لضمتهااااا ، بخبرتك
خلتني أعيش ، وأقرا
وسحرني روعة حرفتك
،
يا سند يا ناقش بالحروف فنك
خدت المناقش ورث عن أهلك
أنقش فى كل قلوبنا على مهلك
واطبع بلون الخفه من دمك
.
دي أقل حاجه ممكن اكتبها في شاعر استاذ كبير مثل حضرتك ،

علبه رائعه أستاذي فتحتها بحرفه وتقنيه عاليه ونثرت دبابيسها
في أماكن متنوعه لنرى بها تمكنك من أدواتك
وانت غني عن التعريف
تحياتي استاذي وقبلاتي

دبابيسى هيه كده

ضلمه .. وبتعوّر

وانت جيت يارضا

دلوقتى بتنوّر

الاخ الحبيب الشاعر

رضا عثمان

يا عم دا كتير عليه والله . الكلام الجميل اللى انت كاتبه ده .

ربنا يكرمك كده وينوبك دبوس منهم .

ههههههههههههههههههههههههه

شرفتنى يا رضا بمرورك واسعدتنى كلماتك .

كل الشكر والتقدير ...

م/عطية شواش كتب:: دبس علينا الهوا واغرزنا في قفانا

كلام بيلسع قوي لاكنه دفانا

القرصه بعد ساعات النوم تنبهنا

وانت اللي كان قبطان بالدفه وجهنا

خدنا بإيده الحلوه ... ودانا

قول ياعم الشيخ إمام ...

حا ابعد انا عالقفا . واغرز انا قلوبهم

لما سقونا الجفا . وريحوا جنوبهم

على فرش من لحمنا اما الغطا ملايين

اخدوها من دمنا . بيزودوا ذنوبهم

ماقلتليش رأيك فى الزفته المنيله دى ..

مراد ناجح عزيز كتب:: المبدع / عادل عوض
تحياتي لك
ولهذا الفيض الجميييييل من الابداع
دمت بود

اخى الحبيب الشاعر

مراد ناجح عزيز

اشكرك اخى على حضورك الراقى .

الذى تعودت عليه وكلماتك الحانيه .

كل الشكر والتقدير ...

الشاعر محمود قطب كتب:: يا عمنا عاطف
دى مش دبابيس
دى صواريخ
ومنها الساخر ومنها الوطنى
ومنها الاجتماعى
والله انت موسوعة شعرية
متنقلة يا استاذنا
دمت دوما بكل هذا الابداع
يا كبيررررر
خالص اعجابى وتحياتى

اخى الحبيب الشاعر الجميل

محمود قطب

الحمد لله ان راقتك دبابيبسى . وقد اسعدنى وجودك العطر

على متصفحى بتلك الكلمات التى اضاءت العمل بكامله .

كل الشكر اخى محمود وعلى فكره :

انا عادل ومش عاطف ..

ههههههههههههههههههههههههههههههههه

جل من لايسهو ...

احمد اسماعيل كتب:: الشاعر الرائع/عادل
والله دبابيسك جميلة،لان المصنع ممتاز
والجراح المشرف ممتاز،جميل ياعادل
ربنا ما يحرم حد من دبابيسك
ودمت لنابكل خير

الاخ الحبيب / سيادة المشير

احمد اسماعيل

انت فين ؟؟؟ وحشتنى يا رجل .. والله نورتنى .

ياريت ما تغيبش كده . اهو برضه مر علينا ونورنا .

ربنا ما يحرمنى من وجودك الجميل على اعمالى .

كل الشكر والتحية والتقدير ...

حسن الجمال. كتب:: اكتب اهاتك عدد وارمى المدد دبابيس
قرب وسن العدد وادبح لنا الاباليس
جدك يصحى البلد واللى بلد دا تيس
سحسح دموع بسمتك واملا بها الكراريس
.....................................
ماأروع دبابيسك استاذى الشاعر الكبير عادل سند
بارك الله لك وفيك وزادك ابداع
مع أعزب تحياتى
ابنك حسن الجمال

سحست لما نشف الدمع ف عيونى

واما النظر اختفى اتحاوطوا سألونى

ايه اللى خدته بقى من حب للاوطان ؟؟

رديت ودمى كتب : دا كونها من كونى

الابن الغالى الشاعر

حسن الجمال

سررت بمرورك واسعدتنى كلماتك الرائعه والتى جاءت

مناسبه للنص وما يحتويه .

اشكرك على مجاملتك الرقيقه . ومشاركتك المشرفه .

كل الشكر والتحيه والتقدير ...

» علب دبابيس .. { العلبه الاولى }
» الزوجه التانيه
» محكمه (الجلسة التانيه)
» دبابيس
» بطـّل شك ياعادل حبّة..!! تواصل مع علب دبابيس عادل عوض