علب دبابيس .. { العلبه الاولى }

{ 1 }
*****

جرح الحبيب لو كان خربوش

بيبقى صعب ولا نطبقهوش

امّا الغريب لو جرحه غويط

ويشر دم .. ما بنحسوش

***********

{ 2 }
*****

الطيبه ساعات ما بتنفعشى

والعيش والملح ما يشفعشى

إخيه على ناس كات مرميّه

ولا ليها كيان او تسميّه

ضوافرهم راح تفضل فيّه

ولحد ما نتحط فى نعشى

***********
{ 3 }
*****

روح احشى قميصك ببطانه

بقماس م السكّه العدمانه

علشان ما تبان

وفأى مكان

زى الدبان

ما بعيشّ إلا ف جو عفانه

***********
{ 4 }
*****

لو حا يغلط ليه تحاسبه

طب وليه حا تلوم عليه

هوه كاشف اصل نفسه

دا الماعون ينضح ما فيه

فاكر انه قال يشرّف

ناسى انه شيء يقرّف

وإبتدا فعلاّ يخرّف

عربجى .. تعمل له إيه !!

***********
{ 5 }
*****

طبعاّ عقلك .. أيّد جهلك

قال لك ممكن تصبح ندى

إزاى يا ابنى

وانت العاجز .. وانت العايز

إزاى تدّى ؟؟؟!!

***********
{ 6 }
*****

الوطن زى الحشيش

تدمنه .. وتقول يعيش

يوهبك بالوهم عِزه

يخدعك ولا يختشيش

***********
{ 7 }
*****

ياينى هات واحد كونياك

ومزه م اللى شايلها هناك

ومد إيدك هات وياك

زتون وحتة بسطرمه

العمر لسه ما جاب خمسين

معاش مبكر من سنتين

ومصر كافأتنى بحاجتين

خازوق .. وواخد بالصرمه

***********
{ 8 }
*****

تعالوا نحسب الحسبه

ونضبطها ونعدلها

ونقلبها نبرجلها

ونطرح اللى بيموتوا

ونقسمهم على العايشين

ونضرب اللى بيحبك

ونجمعهم على الخاينين

وشوف الناتج الآخر

يموت كل اللى بيحبك وبيعينك

ويحيا كل اللى غشوكى وبايعينك

***********
{ 9 }
*****

ما تلوميش القلب لمّا

يلفظك من بين جنابه

دا اللى نابه خلّى ابنك

يطردك ويسك بابه

***********
{ 10 }
*****

ليه يطول الليل علينا ؟؟

فينه ضى الشقشقه ؟؟

كان منايا احس انى

ضمن جيل لو شاء شقى

كل هم القاه يجيلى

قلت اهرب .. بيناديلى

هوه عنوانك يا جيلى

{ جيل ومكتوب له الشقى }

الوطن زى الحشيش

تدمنه .. وتقول يعيش

يوهبك بالوهم عِزه

يخدعك ولا يختشيش

الله عليك يا استاذ يا عبقري
تقبل تحية متواضعة من واحد لسه بيحبي و متعلمش المشي !

عشر مقاطع رائعة أخى عادل
كل مقطع بمثابة قصيدة مستقلة
تجمع بينهما روح فلسفية عركت الحياة
و قدمت خلاصة تجربتها فى أسلوب شعرى جميل
دمت هكذا رائعا
أخوك

تثبت القصيدة بواسطتى
و معلش يا عزة المرة دى
و معلش يا أبو الصلح و لو أنك غايب من مدة
هههههههههههههه
Very Happy

استاذنا وشاعرنا الجميل
عادل عوض سند
دبابيس لكن شكشكنها محموده
لأنها بتخرج الدم الفاسد .. وياريت
نقدر نطهر ارواحنا ونفوسنا من الشوائب
اللى اترسبت فيها ..
للأسف يا استاذى الترموتر اللى بنقيس
بيه تصرفاتنا وسلوكنا هرب منه الزيبق
فأصبخنا نتفنن فى تجريح بعض .. وده
سبب رئيسى لوقوعنا فى فخ الهزيمه
مع اعداء حياتنا الحقيقين ...
سلمت وسلمت يمينك وابدعك
وتقبل مرورى المتواضع
ودمت بكل الخير

جرح الحبيب لو كان خربوش

بيبقى صعب ولا نطبقهوش

امّا الغريب لو جرحه غويط

ويشر دم .. ما بنحسوش

الله عليك شاعرنا القدير /عادل عوض

فلسفة فى العرض رائعه

سلمت لنا وسلم نبض هذا القلم الراقى والاحساس المبدع

احترامى وتقديرى لكم

إيه الحكايه ؟؟

دبوس كفايه

حتشك بيه

وراك ولايا

عايزين ربايه

بتقول في إيه ؟؟

الشاعر الكبير اوى ابى العزيز
عادل سند
رائع بجد كلامك يشد القارئ
طبعا هى قصيدة جامدة جدا
اعجبنى سبع مقاطع مش هقول عنهم
الله عليك استاذى يسلم يمينك
تيمو

الله عليك وعلى دبابيسك يا استاذنا

الشاعر الكبير الأستاذ عادل عوض سند

إبداعك يُعجزنى إن إيجاد كلمات تفيه حقه وحقك

كل دبوس من دبابيسك بيطهر من مرض

واحنا ماشاء الله أمراضنا كتيرة وخطيرة

فكتر دبابيسك اكتر واكتر يمكن ف يوم نعيش

تقبل أرق تحياتى وبساتين التقدير يا أستاذنا

الشاعر الرائع المبدع الكبير

جراح الحروف ابى العزيز

واستاذى عادل عوض سند

الله ع الروعه والجمال

والله يا بابا انا راجعه من مشوار النهارده

تعبانه بس لقيت الجمال ده قولت

الحق احجزلى علبه دبابس قبل ما تخلص

لى عوده ان شاء الله لتلك الرائعه

المهم انى لحق احجز لى علبه

تقبل مرورى وتقديرى

يا دبابيسك يامعلم

دا كل دبوس بيعلم

ويقول عليك فعلا جراح

وكل حرف بيتكلم

عاطف عبدالعزيز الحناوي كتب:: الوطن زى الحشيش

تدمنه .. وتقول يعيش

يوهبك بالوهم عِزه

يخدعك ولا يختشيش

الله عليك يا استاذ يا عبقري
تقبل تحية متواضعة من واحد لسه بيحبي و متعلمش المشي !

الاستاذ الفاضل

عاطف عبد العزيز

شرفت بمرورك الاول على تلك الدبابيس .

وانه لشرف لى ان تنال اعجابك .

واشكر تواضعك لقولك . واحد لسه بيحبى

العفو استاذ عاطف . ونتمنى ان نقرأ لك فى القريب العاجل .

كل الشكر والتقدير على مرورك الجميل .

وتقبل مودتى وخالص تحيتى ...

عاطف الجندى كتب:: عشر مقاطع رائعة أخى عادل
كل مقطع بمثابة قصيدة مستقلة
تجمع بينهما روح فلسفية عركت الحياة
و قدمت خلاصة تجربتها فى أسلوب شعرى جميل
دمت هكذا رائعا
أخوك

الاستاذ الشاعر الكبير

عاطف الجندى

تلك دبابيس قديمه حاولت تجميعها وتذكرت ما نسيت منها

فقلت انشرها تباعاّ ربما تلقى اعجاب الاخوه بمنتدانا .

اشكرك اخى على مرورك الطيب .

وتقبل مودتى وخالص تقديرى ...

عاطف الجندى كتب:: تثبت القصيدة بواسطتى
و معلش يا عزة المرة دى
و معلش يا أبو الصلح و لو أنك غايب من مدة
هههههههههههههه

كل الشكر اخى عاطف على تثبيتك لتلك المقاطع

دمت دائماّ كبيراّ ومحباّ ...

الله الله الله
استاذنا الكبير والشاعر المبدع/ عادل عوض سند
دبابيس ولا الابر الصينى عارفة مكان الالم
هههههههههههههههههههههههههه
احترامى
وتقديرى
وتحيتى

اخى العزيزوالصديق الغالى الشاعر الكبير المتألق على الدوام
الاستاذ عادل عوض

تحيباتى وتقديرى وشكرا على امتاعنا بتلك الدبابيس الرائعة التى
ذكرتنى برابعتيات صلاح جاهين الفلسفية0 واذن لى ان اعيد
كتابة اجمل ختام للدبابيس:

ليه بطول الليل علينا
فينه ضى الشقشقة
كن منا احب انى
ضمن جيل لو شاء شقى
كل همه القاه يجيلى
قلت اهرب بيناديلى
هوه عنوانك ياجيلى
جيل ومكتوب له الشقى

من اجمل واروع ماقرات 0 ودمت يااستاذنا بكل خير ومحبة وسعادة 0

شايلينها فوق الراس
وبرضه مش حاسة
نديها كل الحنان
وهى مش باصّة
بتعلى ليه البجح
واللى اختشى لسه

الرائع دائما استاذنا الكبير عادل عوض تقبل مرورى وخربشاتى

أبويا الغالى الشاعر الكبير بابا عادل سند

الله عليك بجد

روعة يا بابا

يا له من تعبير متفرد فى إبياتك

التى تحمل الكثير من الرقة

بين حروفك

ربنا يكرمك ويسعدك يا بابا

Very Happy

يخرب بيت اللي يزعلك ياعمنا

وربنا انت شكتني بدبابيسك

استني عليا بقي افوق وارجع تاني لدبابيسك اللي هرتني شك

؟؟؟؟؟؟؟؟؟؟

عادل عوض سند كتب:: { 1 }
*****

جرح الحبيب لو كان خربوش

بيبقى صعب ولا نطبقهوش

امّا الغريب لو جرحه غويط

ويشر دم .. ما بنحسوش

***********

{ 2 }
*****

الطيبه ساعات ما بتنفعشى

والعيش والملح ما يشفعشى

إخيه على ناس كات مرميّه

ولا ليها كيان او تسميّه

ضوافرهم راح تفضل فيّه

ولحد ما نتحط فى نعشى

***********
{ 3 }
*****

روح احشى قميصك ببطانه

بقماس م السكّه العدمانه

علشان ما تبان

وفأى مكان

زى الدبان

ما بعيشّ إلا ف جو عفانه

***********
{ 4 }
*****

لو حا يغلط ليه تحاسبه

طب وليه حا تلوم عليه

هوه كاشف اصل نفسه

دا الماعون ينضح ما فيه

فاكر انه قال يشرّف

ناسى انه شيء يقرّف

وإبتدا فعلاّ يخرّف

عربجى .. تعمل له إيه !!

***********
{ 5 }
*****

طبعاّ عقلك .. أيّد جهلك

قال لك ممكن تصبح ندى

إزاى يا ابنى

وانت العاجز .. وانت العايز

إزاى تدّى ؟؟؟!!

***********
{ 6 }
*****

الوطن زى الحشيش

تدمنه .. وتقول يعيش

يوهبك بالوهم عِزه

يخدعك ولا يختشيش

***********
{ 7 }
*****

ياينى هات واحد كونياك

ومزه م اللى شايلها هناك

ومد إيدك هات وياك

زتون وحتة بسطرمه

العمر لسه ما جاب خمسين

معاش مبكر من سنتين

ومصر كافأتنى بحاجتين

خازوق .. وواخد بالصرمه

***********
{ 8 }
*****

تعالوا نحسب الحسبه

ونضبطها ونعدلها

ونقلبها نبرجلها

ونطرح اللى بيموتوا

ونقسمهم على العايشين

ونضرب اللى بيحبك

ونجمعهم على الخاينين

وشوف الناتج الآخر

يموت كل اللى بيحبك وبيعينك

ويحيا كل اللى غشوكى وبايعينك

***********
{ 9 }
*****

ما تلوميش القلب لمّا

يلفظك من بين جنابه

دا اللى نابه خلّى ابنك

يطردك ويسك بابه

***********
{ 10 }
*****

ليه يطول الليل علينا ؟؟

فينه ضى الشقشقه ؟؟

كان منايا احس انى

ضمن جيل لو شاء شقى

كل هم القاه يجيلى

قلت اهرب .. بيناديلى

هوه عنوانك يا جيلى

{ جيل ومكتوب له الشقى }

الشاعر الرائع الكبير المبدع

استاذى وابى العزيز جراح الحروف والقلوب

بابا عادل عوض سند

الله الله عليك والله كل دبابيسك روعه

والله حبيت اقتبس دبوس للتعليق

لكن لقيتها كلها تستحق الاقتباس

بصراحه كل دبوس يحمل حكمه اويطرح

نبذه عن طباع بشر او عن اوضاع غير مرضيه

سلمت وسام نبض قلمك الواعى

ارجوا انت تقبل منى خربشاتى المتواضعه

دبوس حروفك صايبنى

وف قلبى علم له علامه

كل كلامك عاجبنى

ف الشعر شاعر ذو هامه

دمت بخير وسعاده

فاطمة حمزة كتب:: استاذنا وشاعرنا الجميل
عادل عوض سند
دبابيس لكن شكشكنها محموده
لأنها بتخرج الدم الفاسد .. وياريت
نقدر نطهر ارواحنا ونفوسنا من الشوائب
اللى اترسبت فيها ..
للأسف يا استاذى الترموتر اللى بنقيس
بيه تصرفاتنا وسلوكنا هرب منه الزيبق
فأصبخنا نتفنن فى تجريح بعض .. وده
سبب رئيسى لوقوعنا فى فخ الهزيمه
مع اعداء حياتنا الحقيقين ...
سلمت وسلمت يمينك وابدعك
وتقبل مرورى المتواضع
ودمت بكل الخير

الاستاذه الشاعره

فاطمه حمزه

صدقتى والله فترمومتر قياس الاخلاق قد نفذ منه الزئبق

واصبحنا نخترع ما يؤذى الغير .

مرورك اسعدنى وسرتنى كلماتك وتعقيبك الرائع .

كل الشكر والتقدير استاذه فاطمه على المرور الرائع .

تحيتى وخال تقديرى ..

بسمة الورد كتب:: جرح الحبيب لو كان خربوش

بيبقى صعب ولا نطبقهوش

امّا الغريب لو جرحه غويط

ويشر دم .. ما بنحسوش

الله عليك شاعرنا القدير /عادل عوض

فلسفة فى العرض رائعه

سلمت لنا وسلم نبض هذا القلم الراقى والاحساس المبدع

احترامى وتقديرى لكم

الاستاذه الفاضله

عاشقة الشعر

سلمت انتى يا استاذه على مرورك الجميل .

وحضورك ذو الطابع البهيج .

تعطرت صفحتى به فأشكرك واشكر كلماتك .

تحيتى وخالص تقديرى ..

م/عطية شواش كتب:: إيه الحكايه ؟؟

دبوس كفايه

حتشك بيه

وراك ولايا

عايزين ربايه

بتقول في إيه ؟؟

الاخ الحبيب الشاعر الكبير

عطيه شواش

لا . ما ينفعش .. انا عايز رأيك فى الشكشكه دى .

منتظر تعقيبك على تلك الدبابيس كما تعودت .

مودتى وخالص تقديرى ..

تيمو كتب:: الشاعر الكبير اوى ابى العزيز
عادل سند
رائع بجد كلامك يشد القارئ
طبعا هى قصيدة جامدة جدا
اعجبنى سبع مقاطع مش هقول عنهم
الله عليك استاذى يسلم يمينك
تيمو

الابن الغالى الشاعر

احمد سعد .. تيمو

طب الحمد لله سبعه بس اللى عجبوك .

غيرك ما عجبهوش ولا واحده .

ههههههههههههههههههههههه

اشكر مرورك تيمو .

واشكر تواجدك المنير على متصفحى

مودتى وتحيتى ...

محمد على احمد كتب:: الله عليك وعلى دبابيسك يا استاذنا

الشاعر الكبير الأستاذ عادل عوض سند

إبداعك يُعجزنى إن إيجاد كلمات تفيه حقه وحقك

كل دبوس من دبابيسك بيطهر من مرض

واحنا ماشاء الله أمراضنا كتيرة وخطيرة

فكتر دبابيسك اكتر واكتر يمكن ف يوم نعيش

تقبل أرق تحياتى وبساتين التقدير يا أستاذنا

الاخ الحبيب الشاعر

محمد على باشا

ربنا يكفينا شر الامراض . ولكن فعلاّ الدبوس

ساعات شكته بتفوق . وساعات بتجرح . وساعات بتقتل .

اشكر مرورك العطر وكلماتك الرائعه .

مودتى وخالص تقديرى ..

» علب دبابيس ........ { العلبه التانيه }
» دبابيس
» بطـّل شك ياعادل حبّة..!! تواصل مع علب دبابيس عادل عوض
» ابجديتي الاولى
» اللافتة الاولى