إلى الرئيس القادم

إلى الرئيس القادم ..

خلى بالك ياللى جى

خلى بالك م اللى جى

لو نويت تحكم بلدنا

اعرف ان الشعب حى

خللى بالك م الغلابة

دول سؤال وانت الإجابة

كون لهم ستر وسحابة

دولا فى رقـبتـك يا خىّ

خللى عينك وسط راسك

خللى بالك دا احنا ناسك

لو هاتضربنا برصاصك

تلقى خاتمة مالها زىّ

خللى بالك ..و انت حالف

حالنا زفت و ادى انت شايف

إوعى يـبقى كلامنا خايف

و اوعى يبقى كلامنا نيىّ

خللى بالك ..م البطانة

يـلهموك أفكـار خيانة

يرفعوك أعــلى مكانة

وفجأة سجن وضرب ..أىّ

شعبنا بيبان .. ساعات

هادى و يطنش حاجات

كام سنه ..وتفتكره مات

وفجأة .. تلقى العتمة ضىّ !!

علاء عبد المنعم

الأستاذ/ علاء عبد المنعم
أحسنت وأوجزت سلمت يداك
تقبل مروري وكل عام وانت بخير

الله عليك

ارحب بك اولا في منتدانا ونرجو من الله ان يطيب لك المقام

قصيدتك رائعه وسلسه ومغزاها رائع احييك عليها

تحياتي لك وكل عام وانت بكل خير

أخى علاء
مرحبا بك فى بيتك و منتداك
و شكرا لتلبية الدعوة
قصيدة جميلة يا صديقي
تدل على شاعر يمتلك أدواته
أهنئك على القصيدة
و أتمنى أن تتحفنا دائما بهذه القصائد الجميلة
تقبل خالص ودي

الاستاذ الشاعر

علاء عبد المنعم

دعنى أولاّ ارحب بك فى بيتك ومنتداك .

وقصيدتك تعلن عن قدوم قوى لشاعر رائع بعرف جيداّ

ما هو الشعر حرفاّ ومضموناّ ووزناّ .

احييك على نصك الجميل ومحتواه الرائع .

مودتى وتحيتى ...

الشاعر الجميل /علاء عبد المنعم
قصيدة جميله ممتعه..احييك عليها..ومرحبا بك

تقبل مروري ....كل عام وانت بخير

الأستاذ الشاعر/ علاء عبد المنعم

قصيدة رائعة وسلسه

تقبل مرورى

» الرئيس القادم
» خطاب الرئيس
» صفات طيبة من الرؤساء السابقين أتمنى أن يحملها الرئيس القادم
» أنا الرئيس المحتمل
» لما يصحى الرئيس