مش هنخرج بكره

موضوع: مش هنخرج بكره الخميس أبريل 14, 2011 5:25 pm

مش هنخرج بكره

هنعيش ونجيب حقنا
حتى ولو انتم بعيد عننا
هنستنا حكم الزمن
وأكيد هيقف في صفنا

مشينا كتير وفاضل قليل
ونرجّع تاني الزمن الجميل
زمن الحق و الحريه
مش زمن الحجر و التضليل

مش معنى أننا هدينا
حقوقنا ضاعت من أدينا
أحنا بس ساكتين
لأن حجات كتير رجعت لينا

و البركه طبعا في الجيش
اللي احنا من غيره ما نسويش
هو حمانا وقوتنا و كرمتنا
وفضله طبعا ابدا ما يتنسيش

بلدنا غليه علينا كلنا
وطبعا مصيرها يهمنا
واي حد شايف غير كده
عمره ما يبقى مننا

بلدنا علمتنا اذاي نبقى متحضرين
وخلقت منا علماء ومفكرين
وحتى الجهلاء اللي عيشين فيها
عرفين ازاي يبقوا منظمين

أما اللي بيخرب وبيقتل ويكسر
هو طبعا أكيد متأجر
أو له مصلحه أن البلد تتأخر
علشان كده لازم البلد تطهر

و برده مش هنخرج بكره
وفي بيوتنا هنثبت أننا قوه
مفناش بلطجي ولا فتوّه
وهنثبت للعالم أن مصر حرّه

بقلم : أحمد شعراوي

مخلاص أتعرفوا بتوع الثورة المضادة بلطجية حسنى مبارك والجيش عرف واحنا عرفنا الجيش للشعب والشعب للجيش

تحيتى لكلماتك

الرائعه

دمت بحب

الشاعرة عزة الزرقانى كتب:: مخلاص أتعرفوا بتوع الثورة المضادة بلطجية حسنى مبارك والجيش عرف واحنا عرفنا الجيش للشعب والشعب للجيش

تحيتى لكلماتك

الرائعه

دمت بحب

لسه في كتير ما اتسجنوش
وربنا يستر
تحياتي ليكي يا شاعرتنا الرقيقه
عزه الزرقاني

الابن الشاعر

احمد شعراوى

كلماتك جميله واطلب منك بذل بعض الجهد يا احمد

علشان تصبح من الشعراء الكبار .

النص كويس والكلام حلو . ولاينقصك إلا القليل من الوزن .

النص القادم سأنتظر الاجود لك . ماشى ؟؟

مودتى وتحيتى ...

عادل عوض سند كتب:: الابن الشاعر

احمد شعراوى

كلماتك جميله واطلب منك بذل بعض الجهد يا احمد

علشان تصبح من الشعراء الكبار .

النص كويس والكلام حلو . ولاينقصك إلا القليل من الوزن .

النص القادم سأنتظر الاجود لك . ماشى ؟؟

مودتى وتحيتى ...

شكرا لك استاذي عادل عوض سند
والاجازه اللي جايه انشاء
الله يكون في أحسن
شكرا لك

» يا ... بكره
» شمس بكره
» شمس بكره
» على حجر بكره .. والفجر
» ..الامل بكره