..الامل بكره

[b]
[center]
بكرة جاى من بدرى وشمسه .....قوية
تصحى النايم وتفوق الصاحى ....شوية
بكرة للسواقى والغيطان خضرة ..ومية
نزرع قمحه فى حر شمسه بذرة ...بمية
بكرة للمصانع نورها والع مسا.. وفجرية
فيها شباب عرقان كله ايمان ...وتضحية
بكرة لمدارس جديدة تربى سميرة .ونبوية
العلم ليها غاية والفضيلة ترجع ......هية
بكرة جاى لعلما تشارك برأى ...ونظرية
لبلد محتاجة كل عقل يفكر فيها ...بحرية
بكرة جاى بعدل يمسح كل دمعة ..جارية
يفك أسر حر ماكانت أمه......... جارية
بكرة جاى لكنايس وجوامع مآذنها عالية
فيها صلوات بخشوع تهز عروش قايمة
بكرة جاى بكلمة مليانة بنبرة .....هادية
واحدة مش اتنين تهدى نفوس ...عاصية
بكرة جاى بفكر جديد ونظرة....... تانية
يمحى الامية يرجع المجانية يلغى الاتفاقية
بكرة جاى ياعرب من غير حدود ...بينية
لارض واحدة كلمتها وحدة .......عربية
بكرة جاى بآذان لدين يلغى .... العبودية
ينور عقول وكل الناس فيه...... سواسية
وبالامل وحده أنا شايف بكرة .......بعنيه
وبالامل وحده أنا وفييت اللى .......عليه