حفل خروجى الى المعاش

محمد البسيونى كتب:: أخى وحبيبى عادل باشا

ألف مبروك ( بلوغك ) سن الستين

ياغالى ، علشان تجاورنى ، واتونس

بيك ، دى ( حُقبة) الستينات كانت مضلمه

من غيرك ياراجل .

أخى وحبيبى برغم ظروفى التى تعلمها أنت

جيدا ، سأحاول جاهدا الحضور .

مرة ثانية من كل قلبى ألف مبروك .

أخوك محمد البسيونى

حبيب قلبى اخويا وحبيبى

الشاعر الكبير

محمد البسيونى

احجز لى كرسى جنبك . وسندويتشين فول وفلافل .

على قهوة المعاشات . ماهو الفطار والغدا والعشا عالقهوه بقى .

دا انت لو جيت اسكندريه . والله حا اكون اسعد الناس بيك .

وياريت والله ده يبقى عيد ميلاد ما حصلش .

حا انتظرك وحاول تشرفنا فى الاسكندريه .

مودتى وخالص تقديرى ...

كمان عيد ميلادك
يا كل سنه وانته طيب وعقبال 161 سنه
عموما اطمن اخليهم يجوا صايمين لأنى حاقنعهم اننا طالعين عمره
لبيك اللهم لبيك

يا استاذ محمد البسيوني لو عايز تروح اسكندرية للاستاذ عادل يبقي ياريت تأخد معاك الغدا والعشا والفطار والسحور لو امكن وكمان المشاريب ولو فيها شيشة برضة تأخدها معاك عشان الاستاذ عادل بيقول ان الحفلة اورديحي وكل واحد يشيل نفسة حبيت بس اقوللك
بــــــــــــــــــــــــــاي

سلوى سيد عبدالعزيز كتب:: يا استاذ محمد البسيوني لو عايز تروح اسكندرية للاستاذ عادل يبقي ياريت تأخد معاك الغدا والعشا والفطار والسحور لو امكن وكمان المشاريب ولو فيها شيشة برضة تأخدها معاك عشان الاستاذ عادل بيقول ان الحفلة اورديحي وكل واحد يشيل نفسة حبيت بس اقوللك
بــــــــــــــــــــــــــاي

لاحول الله يا رب .

دايماّ ظالمانى . انا قلت كده . { ياكدابه }

ده عنوان قصيدتى

هههههههههههههههههههههههههه

اشوف فيكم يوم . وانتى بالمخصوص .

اششششششششششششششششششششوفك .

خالدنور كتب:: كمان عيد ميلادك
يا كل سنه وانته طيب وعقبال 161 سنه
عموما اطمن اخليهم يجوا صايمين لأنى حاقنعهم اننا طالعين عمره
لبيك اللهم لبيك

طب خليهم 162 .

هاتهم . ومالكش دعوه . والقلعه موجوده واخليهم

يطوفوا عليها .

هههههههههههههههههههههههههههههههه

والله انت حا توقعنى فى غلط .

منك لله ...

بحبك والنعمه
وعقبال 163 سنه

خالدنور كتب:: بحبك والنعمه
وعقبال 163 سنه

والله العظيم وانا بحبك وربنا اعلم

بمدى اعزازى لك .

واشكرك لتهنئتك { 163 }

دا انت متفائل قوى .

ههههههههههههههههههههههههههههه

سلوى سيد عبدالعزيز كتبت :

يا أستاذ محمد البسيوني لو عايز تروح اسكندرية للأستاذ عادل يبقي

ياريت تاخد معاك الغدا والعشا والفطار والسحور لو أمكن وكمان

المشاريب ولو فيها شيشة برضه تاخدها معاك عشان الأستاذ عادل

بيقول ان الحفلة أورديحي وكل واحد يشيل نفسه حبيت بس اقول لك

بــــــــــــــــــــــــــاي

الأستاذ عادل رد :

لاحول الله يا رب .

دايماّ ظالمانى . أنا قلت كده . { ياكدابه }

ده عنوان قصيدتى

هههههههههههههههههههههههههه

أشوف فيكم يوم . وانتى بالمخصوص .

أششششششششششششششششششششوفك .

محمد البسيونى رد :

حبيبى المهندس عطيه شواش قال الكلام ده برضه

لكن أنا عمرى ماصدقكم ، أنا ح اروح على لحم بطنى

ورزقى على الله ، وعاوزك تخيِّب ظنهم ياباشا .

بس اوعى تخيِّب ظنى أنا ( تبقى مصيبه آجى اسكندريه

وارجع جعان ؟) ولو انى عارف ديتها سندويتشات الفول

مانت سبَّقت بالكلام ياسيدى .

Wink

استاذي الشاعرالقدير\ عادل عوض سند
......................

يارب يجعل سنينـك حصـاد لـعلم ومعـالـم

وحنين يدوب آنيـنك دعيت وربي العـالــم

تـبلغ مرادك يا عادل وتنول تـملـي آمانـي

تقيد شموعك عوادل ونعيش معاك التهاني
...............................
كل الحب والتقديراستاذ العزيز
cheers

انت عامل زيطه ليه ؟؟؟

مش دي الستين سنه الاولي ؟؟

وايه يعني ....

تعيش ياجميل وربنايخليك .. ياجدو

اخى وحبيبى عادل عوض سند
رغم انى متأكد انه مقلب وواضح لأى حد
لكن انشاء الله حاحضر النادى المصرى
وطبعا انت بتخذى العين ستين ايه ياعم
عادل هما يادوب اربعين وفوقهم شوية فكه
يبقى مقلب ولا لأ
ولو صحيح ستين يبقى انت ابتديت مرحلة
الشباب وفرصة علشان تتفرغ وتبدع اكتر
ربنا يديك الصحة اخويا عادل ويخليك لنا
اخوك صلاح الكومى

الشاعر المبدع الكبير أبى العزيز

عادل عوض سند

كل سنه وحضرتك طيب ودايما ف صحه

وسعاده واكيد هما غلطوا ف حساب سنك

لانك بالنسبالنا لسه شاب انت اكيد يا بابا بتغزى العين

ربنا يديك الصحه وطوله العمر يأحلى اب ف الدنيا

ربنا كرمنى واتعرفت عليه وسعيده جدا بقبولك انى اكون

ابنه ليك شرف كبير لى

يارب يا بابا اقدر اجى واحضر هحاول ان شاء الله

دمت بكل خير وسعاده

كل عام وأنت بألف خير ياعدولة

وبالنسبة للمعاش.. برضه مبروك

إنهاء خدمتك بشرف وسلام

وانت طاهر اليد خادم لوطنك

مش زي صحابنا إياهم

وإن شاء الله بداية مرحلة جديدة

أكثر شباباً وإشراقاً

أخوك

طروقة

ما عاش اللى يزعلك يا راجل

أنا خايف بس لا تطلع ع المعاش .. ماتعرفش تنزل

تبقي مشكلة

اعلم حبيبي أن الناس بالخارخ يبدأون حياتهم بعد الستين

وعلى رأي حبيبي سرور

والله احلويت بعد ما عديت سن الستين

أتمنى أن يكون آتيك خير لك من ماضيك

وكل عمرك خيرا أوله وآخرة

وأن يطيل الله لك العمر ويحسن لك العمل

فما توفيقي وتوفيقك للخير إلا بالله

مودتى
Very Happy

ألف مبروووووووووووووك

كل سنة و حضرتك طيب

اطال الله لك فى العمر

واعطاك حسن العمل

أهو انا بمناسبة خروجك - ياسي عادل عوض سند،على المعاش عملت لك حفلة خاصة جدا جدا.. والحمد لله جت موافقة للمناسبة اللي كل الكرام مثلك -وغير الكرام برضه - هيمروا بيها وهي الخروج للمعاش أو التقاعد- كما يسميه البعض- الحفلة هذه في مقالي عنك أيها الشاعر الانسان ورسايل الحب التي تقطر حبا في زاوية" نقد ومقالات "
على رابط
https://elgendy.ahladalil.com/t16440-topic#181580

دمت بحب وربي يعطيك طولة العمر مع البركة فيه وينفعك بوقتك وينفع بك.

موضوع: عادل عوض معاش الأحد أبريل 10, 2011 8:18 am

دول كم كلمة ، طلعوا مني على الماشي بس؛ لأني عارف نفسي مليش نصيب أحضر حفلتك الحلوة، ياقمر الزمان.. وربي يسعدك بحبايبك من الحضور.

عادل عوض.. معاش
لابس طقية وشاش

ماشي ورافع الراس
جنبه عطية أبو شاش
***
والحفلة سهااااااارانه
بحب شاعر الناس
*****
والشلة فرحااااااااانه
قمرها زينة الناس

نفسي أكون حاضر
أسمع رنين الكاس

شعري معاي ناظر
أزعق ف كل الناس

اهتف هنا أنادي
عادل عوض ياناس

ولد سند يانااااااس
روعة من الإحساس

الشاب الذى ولد من جديد /عادل
عندما يتحرر الانسان من روتين العمل يولدمن
جديد وينطلق حرا يطير حيث شاء وخاصة عادل انا عارف حنشوف منه ابداعات رحبة ممتعة 0
عموما الف مبروك ومتعك الله بالصحة والعافية
وعقبول مليون سنة 000مليون سنة دى واسعة شوية0 كل سنة وانت طيب بمناسبة عيد ميلادك الاول

كل لحظه وانت فرحه
كل لحظه وانتا خير
والامانى جنينه طارحه
و الطريق احلام ونور
كل لحظه وكل بكره
وانتا نفس رضييه شاكره
روض ايمان اطياره ذاكره
ربها وقلب وضمير
كل لحظه وكل ثانيه
وانتا دنيا ما اى دنيا
فرحه تسحب فرحه تانيه
تسعد القلب الكبير
الف مبروك لك اخى استاذ عادل و اتمنى لك السعاده الدائمه
تقبل كلماتى المرتجله من قلب اخ لك احبك فى الله

عادل عوض سند كتب:: بمناسبة بلوغى سن الستين . وخروجى الى المعاش

قررت اللجنتان الثقافيه والرياضيه

بالنادى المصرى السكندرى

اقامة حفل دعى اليه شعراء الاسكندريه وذلك يوم الخميس

الموافق 14 / 4 / 2011

والدعوه عامه للجميع . لنتشرف بكم . وتنير بكم الاسكندريه

استاذنا العظيم والأخ الفاضل / عادل عوض سند

ربنا يديلك الصحة والعافية ويجعل ايامك اللى

جاية كلها خير وسعادة وسلاموعقبالنا زيك كده

دمت بكل خير قبل المعاش وبعد المعاش

يا استاذ عادل انت نسيت نقولنا انت كنت بتشتغل اية قبل المعاش
استني استني انا عارفة
كنت مدير عام في شركة اوليمبيك اللي بتصنع السخانات بجميع انواعها
يعني كنت بتشتغل مشعللاتي مولعاتي علي درجة مدير عام ولا وكيل وزارة
يارت تقولنا
ههههههههههههههههههههههههه
ســـــــــــــــــــــــــــــــــــــــلام

أخي الغالي عادل
ألف مبروووووك
و ياربا بالتوفيق دائما و بكده هنقدر نشوفك فى القاهرة بحرية و غن شاء الله سأحضر بدون مقاطعة
مبروك أخى الحبيب و تستحق كل خير و إن شاء الله سيتم تكريمك أيضا في ندوتنا بالمنتدى الندوة القادمة فطلوعك للمعاش هو طلوع لنا جميعا
ههههههههههههههه
على فكرة أنا بكتب من عند الصاوى لأن النت عندى قاطع و بيسلم عليك
تقبل ودي و عذري على تأخرى فى رؤية الموضوع
دمت بخير

استاذنا الحبيب عادل

ربنايديك الصحة وطول العمر ويديم ابداعك ويحفظ قلبك المحب للجميع ووجهك المبتسم للكل فالاستاذ حباه الله بكل الصفات الجميلة وطرح الحب في قلبك الحنون فأحب الجمال ورأي كل شي جميل فأخرج كما شئت من الوظائف ولكنك في قلبنا متربع الي المنتهي

ماجد كمال ابادير
وكل اعضاء منتدانا الرائع عاطف الجندي Very Happy

محمد البسيونى كتب:: سلوى سيد عبدالعزيز كتبت :

يا أستاذ محمد البسيوني لو عايز تروح اسكندرية للأستاذ عادل يبقي

ياريت تاخد معاك الغدا والعشا والفطار والسحور لو أمكن وكمان

المشاريب ولو فيها شيشة برضه تاخدها معاك عشان الأستاذ عادل

بيقول ان الحفلة أورديحي وكل واحد يشيل نفسه حبيت بس اقول لك

بــــــــــــــــــــــــــاي

الأستاذ عادل رد :

لاحول الله يا رب .

دايماّ ظالمانى . أنا قلت كده . { ياكدابه }

ده عنوان قصيدتى

هههههههههههههههههههههههههه

أشوف فيكم يوم . وانتى بالمخصوص .

أششششششششششششششششششششوفك .

محمد البسيونى رد :

حبيبى المهندس عطيه شواش قال الكلام ده برضه

لكن أنا عمرى ماصدقكم ، أنا ح اروح على لحم بطنى

ورزقى على الله ، وعاوزك تخيِّب ظنهم ياباشا .

بس اوعى تخيِّب ظنى أنا ( تبقى مصيبه آجى اسكندريه

وارجع جعان ؟) ولو انى عارف ديتها سندويتشات الفول

مانت سبَّقت بالكلام ياسيدى .

اخى الحبيب الشاعر الكبير

محمد البسيونى

عيب حبيبى .

انا برضه بتاع فول وطعميه ؟؟؟؟؟

وغلاوتك انت الوحيد اللى حا اعمل معاه واجب

فى الخباثه كده .. مخبيلك طبق رنجه .

ههههههههههههههههههههههههههه

يسري حنفي سرحه كتب:: استاذي الشاعرالقدير\ عادل عوض سند
......................

يارب يجعل سنينـك حصـاد لـعلم ومعـالـم

وحنين يدوب آنيـنك دعيت وربي العـالــم

تـبلغ مرادك يا عادل وتنول تـملـي آمانـي

تقيد شموعك عوادل ونعيش معاك التهاني
...............................
كل الحب والتقديراستاذ العزيز

اخى الحبيب الزجال الجميل

يسرى حنفى

اشكرك اخى يسرى على تهنئتك الجميله .

وشاكراّ على كلماتك . وكنت اتمنى حضورك لأشرف بك .

تقبل خالص مودتى وتحيتى ...

» لحظة خروجي م الزمن
» خواطر عامل على المعاش (عفوا عامل على الهامش)