رباعيات ثوريّة غير مفهومة

ملاحظة : لا أدّعى بهذه السطور محاولتى , بأى حال من الاحوال , مجاراة رائد هذا الفن العظيم استاذنا صلاح جاهين, فسيظل هو دائما متربعا عرش هذا الفن . وانما هى محاولة كتابية لا اكثر .

رباعيات ثوريّة غير مفهومة

نفسى اقول كلام كتير مش عارف اقوله

نفسى أشعِر وارتجل الليل بطوله

نفسى احس انى حقيقى عبقرى

يخبطنى المُشكِل فى وشى القى حلوله

وعجبى

. . .

قالولى اصحى فى بلادنا قامت ثورة

قولتلهم دول الاسياد يظهر عاملين مناورة

عايشين يا عينى فى كبت , خايفين نصرخ بجد

وانا من الهمّ صدقت ان الثورة عورة

وعجبى

. . .

عينى على البنى اّدم واخد الدنيا سباق

بيبتسم فى الوشّ , والعادة عنده نفاق

القرش وحده سيده , وعايز قطع ايده

و ناسى ان الخالق بيقسّم الارزاق

وعجبى

. . .

مباراة ومش عارفين الغالب من المغلوب

الظلم فيها تَجَمهر والحق بالمقلوب

وكل يوم أخبار , وحَكَمها ديب مكّار

ولعيبة لسه صغار , وكله جاى مضروب

وعجبى

. . .

وهنفضل محتارين... عايزينها تبقى ايه؟

دولة حضارة ؟ دين ؟ ولّا "يا باشا وبيه" ؟

ما تحلّوا المسألة...ما تشوفوا المُعضلة

هنعيش سوا ولّا... دى فعلا مهزلة

وعجبى

. . .

عدّ سنين البهدلة كانوا كام سنة

ورّينى دور الاستهبال والمسكنة

ارسملى يلا لوحة الشعب اللى ظالمك

قال يعنى عُمى ومعندناش فى المخ تربنة

وعجبى

. . .

يالّلى مريّح فوق ونايم فى العلالى

وظالم المخنوق ومسوّد الليالى

بارفع ايديّة لفوق وادعى لربّى يدوق...

من نفس الكاس وياريته... ياخد اللى فى بالى

وعجبى

. . .

تسلم ايدككلامك رائع

اشكرك يا صلاح على تقديرك

والله رباعيات جميله يا محمد

ومحاوله ناجحه والقافيه جعلتك تضع كلمات دخيله على موضوع

الرباعيه . لكم المجمل جيد . وننتظر منك المزيد .

مودتى وتحيتى ..

اشكرك يا استاذ عادل وارجو ان اكون دائما عند حسن ظنك

» رباعيات ثوريّة غير مفهومة
» رباعيات
» رباعيات
» رباعيات فى حب مصر
» رباعيات