ياريتك فار- مهداه للثورة المضادة - طارق منيب

ولو وصلت لأكل الطوب
وعشنا دمار
وبلًعنا بمية نار
وضل الجار
حنفضل برضه نبض قلوب
وثورة نابضة بالأحرار
واحنا القط
وانت الفار
.........................
دي ثورة يابابا مش لعبة
ماهيش سهلة
عشان أعمالك الهبلة
أو الجاهلة
حنشتاق لك نقول فينك
حنفضل برضه من غيرك
كده أحرار
وانت الفار
.........................
ده طعم الشهد من أيدك
بطعم الخل
وعمر فـ يوم ماكان الحل
في أيد مختل
بايدنا الحل ياظالم
وانسى الكرسي لو حالم
تبيد ثوار
ده انت الفار
..........................
ده حتى الفار صاحب مبدأ
مُسخر ليه
وعمره فـ يوم ماكان يسرق
فـ ناس حواليه
ماخانش إخواته من الفيران
وخايف بس مـ الانسان
عشان جبار
ياريتك فار
...................................