| | التاريخ |  |
|
+6محمود بسيوني عبد القادر أمين م/عطية شواش الإدارة أحمد رجب معيط طلعت سالم 10 مشترك |
| كاتب الموضوع | رسالة |
|---|
طلعت سالم
شاعر
الدولة : 
 
عدد الرسائل : 58 59
نقاط : 106 تاريخ التسجيل : 15/01/2011
 |  موضوع: التاريخ  الإثنين أبريل 04, 2011 2:52 pm | |
| التاريخ ..اللى كنا فاكرينه الحقيقه
واحنا طلبه ف المدارس
اللى قايم واللى قاعد
واللى فاهم واللى دارس
واللى عايش ف المصانع ف الجوامع
ف المزارع ف الشوارع ف النوادى
ف النجوع أو ف البوادى
واللى عايش ف المكيف
التاريخ اللى كنا فاكرينه الحقيقه
إتضح لينا ان كله زى أى شىء مزيف !
قالوا لينا: إنتوا احفاد الفراعنه
قلنا ماشى بس إيه فرق جموعنا ؟
وانتزعنا من أصولنا وخدنا باعنا؟
وباع ضميرنا وتاه مصيرنا
هل صابتنا بجد لعنه ؟
وليه رضينا الذل كل سنين حياتنا؟
لما متنا ؟
لما أصبحنا بنشحت حتى قوتنا
حتى قطر الفقر فاتنا!!!
فاتلفتنا واكتشفنا لما شافنا
الحكيم قال كلمه حكمه:
ما تصدقوش يوم أى حاكم
يبقى عاكم كل خيرات البلد
واللى يعارض ينجلد
لو شاب شيخ بنت وولد
والكرسى فاكر انه واخده
ف يوم معاه!
ما هو عقله تاه
لو بص مره ف يوم وراه
قال فين قارون ؟ أو فين هامان؟
فرعون ما كان بيقولهم من جهلهم
إنه الإله!! وكتير بهايم صدقوه
مشيوا وراه وإيه النتيجه؟
فرعون غرق ومات ذليل زى الكلاب
ربك رمااااااااااااه !!
علشان يكون عبره وعظه
لكل طاغى ومفترى يعرف مداه
بس الطغاه كل الطغاه
ما اتعلموش واتكبروا واتجبروا
على شعب طيب أصبحوا زى الوحوش
ياكلوا الضعيف ويتاجروا فيه
خلوها خل ومرمطوه ودوقوه الذل
إزاى يا مصر بترضى لينا البهدله
مش انتى أم الكل؟؟؟
شايفه الابالسه مكوشين
على كل خيراتك
ومضيعين الشعب ليه؟
وكمان معاه بايعين..
ليه كل ثرواتك ؟
والشعب أصبح كله خايف كله عارف
كله شايف والكلام جوه العيون
واضح وباين بس م الخوف والظلم
بيموت ع الشفايف !!
ع الأد عايش وبتاجـــر
ولا قلت يوم انى مهاجر
ولا شلت سكاكين وخناجر
والصوت ده صوت قلبى الجريح
مش بس صوت جوه حناجر!!
كتروا ف سماكى الأغربه
معظم سنينك مجدبــــه
وحاجات كتير كان وضعها
فعلا صحيــــــــــــح
دلوقت ليه متشقلبـــه!
فيه ناس كتير من غير بيوت
من أجل ظالم يوم يعيش
ملايين تمــــــــــوت !
الناس بتصرخ م الألم
بس الصراخ مكـــــبوت
وناس كتير من يأسها
سرحانه ف الملكـــوت!
أنا بسألك وانتى اللى قدامى
ليه التاريخ أصبح تاريخ دامى؟
هو احنا إحنا ولا ناس غيرنا؟
الناس بتكبر واحنا ليه صغرنا؟
وانفض ليه ف الدنيا سامرنا؟
ضاعت هيبتنا وقيمتنا
ونظرنا منـــــــظرنا
مفروض علينا العذاب
ف شارعنا وف دارنـــا
ليه كل حاجه اتغيرت
ومر طعم العــــــيش ؟
ولا عاد بييجى القمر
يصاحبنا ع الكورنيــش ؟
حتى النجوم اللى كانت
تهمس لنا بشـــــــويش
سافرت وراحت بعـــــيد
هاجرت مع طيورنــــــا!
شايف ياأمى الوطن منزل
بلا شبابيـــــــــــــك
بتحط فيه الحدادى
باصرخ أناواناديــــــك
فينك يا حامى الحمى
تقطع لسان أعاديــــــك
إن كنت أحمس تحتمس
أو صلاح حطيـــــــــــن
أو كنت عمرو وعمر
رافع رايات الديــــــن
الصرخه دى صرختى
آه صرخة الملهـــــــوف
رغم البلاوى باقولك
لسانى لسه باشـــــــوف
لو حتى عايش كرايش
أو كنت يوم مضـــــــطر
على صبرى راجع وشايف
من بعيد البــــــــــر
جوه المخاطر باخاطر
بحياتى حامشى وامـــــر
والعمر ده اللى دبل
بالحب راح يخضــــــــر
رغم الرياح والعواصف
والزهق والحــــــــــر
الشمس بكره حنلقاها
أكيد طالــــــــــــعه
على مصر . حى الحسين
والجامعه والقلعــــــه
وحنلقى كل الطرق
مفروشـــــــه ورد وفل
ونبص نلقى ف سمانا
مليون قمر بيطـــــــل!!
طلعت سالم
مسابقة ابريل | |
|
 | |
أحمد رجب معيط
أديب
الدولة : 
عدد الرسائل : 3332 49
الهواية : البحث عن الحقيقة
نقاط : 3814 تاريخ التسجيل : 27/10/2011
بطاقة الشخصية
مرئى للجميع:
| | موضوع: رد: التاريخ الإثنين ديسمبر 05, 2011 3:48 pm | |
| قصيدة متميزة بالحس الوطني وهموم الوطن احسنت ايها المبدع والشاعر المتميز صاحب الكلمات الرائعة . مررت من هنا واردت ان اسجل مروري واعجابي | |
|
| | |
الإدارة
الإدارة
الدولة :
عدد الرسائل : 1256 نقاط : 2213 تاريخ التسجيل : 23/06/2009
| | موضوع: رد: التاريخ الأربعاء ديسمبر 21, 2011 12:42 pm | |
| تنقل للعامية و تشترك بالمسابقة
بناء على طلب الشاعر | |
|
| | |
م/عطية شواش
مشرف العامية
الدولة :
عدد الرسائل : 2959 نقاط : 3060 تاريخ التسجيل : 21/06/2010
بطاقة الشخصية
مرئى للجميع:
| | موضوع: رد: التاريخ الأربعاء ديسمبر 21, 2011 6:33 pm | |
| | |
|
| | |
عبد القادر أمين
شاعر
الدولة :
عدد الرسائل : 109 نقاط : 129 تاريخ التسجيل : 01/12/2011
بطاقة الشخصية
مرئى للجميع:
| | موضوع: رد: التاريخ الأربعاء ديسمبر 21, 2011 7:16 pm | |
|
جميل أيها الشاعر الرائع
هذه معزوفة الألم والأمل تتبختر على قارعة السطور تتهادى فيها الكلمات راقصة بمخيلة شاعر جميل
لك تقديرى
عندى ملحوظة صغيرة
والصوت ده صوت قلبى المجروح
أعتقدأنها " الجريح " أفضل
دمت جميلا
تقبل تحياتى وشكرى
| |
|
| | |
محمود بسيوني
شاعر
الدولة :
 
عدد الرسائل : 726 44
نقاط : 854 تاريخ التسجيل : 09/09/2011
بطاقة الشخصية
مرئى للجميع:
| | موضوع: رد: التاريخ الخميس ديسمبر 22, 2011 6:36 am | |
| الشاعر القدير الأستاذ طلعت سالم اسجل أعجابى
بنصك الجمييل ولا تبخل علينا بهذا الحبر الراق | |
|
| | |
عادل عوض سند
نائب المديرالعام
الدولة :
عدد الرسائل : 19900 نقاط : 20417 تاريخ التسجيل : 07/01/2009
بطاقة الشخصية
مرئى للجميع:
| | موضوع: رد: التاريخ الخميس ديسمبر 22, 2011 11:33 am | |
| الشاعر الجميل
طلعت سالم
والله انا راقتنى تلك القصيده لانك كتبتها وخرجت
دون افتعال وبها صور رائعه جمل شعريه اعجبتنى ..
تقبل مرورى وخالص مودتى ... | |
|
| | |
م/عطية شواش
مشرف العامية
الدولة :
عدد الرسائل : 2959 نقاط : 3060 تاريخ التسجيل : 21/06/2010
بطاقة الشخصية
مرئى للجميع:
| | موضوع: رد: التاريخ السبت ديسمبر 24, 2011 4:31 am | |
|
تثبت بواسطتي لوحدة الهم
تحياتي
| |
|
| | |
حمدى شيبة
شاعر
الدولة :
عدد الرسائل : 1123 نقاط : 1232 تاريخ التسجيل : 11/10/2010
بطاقة الشخصية
مرئى للجميع:
| | موضوع: رد: التاريخ السبت ديسمبر 24, 2011 2:59 pm | |
| الله عليك يا عم طلعت تسلم ايدك وتمتعنى اكتر واكتر تقبل مرورى | |
|
| | |
رضا عثمان
شاعر
الدولة :
عدد الرسائل : 1177 46
نقاط : 1459 تاريخ التسجيل : 16/12/2010
| | موضوع: رد: التاريخ الأربعاء ديسمبر 28, 2011 3:36 pm | |
| رائعه ... تسلم ايدك يا استاذ طلعت
| |
|
| | |
شوقى موسى
شاعر
الدولة :
عدد الرسائل : 185 نقاط : 265 تاريخ التسجيل : 03/11/2011
بطاقة الشخصية
مرئى للجميع:
| | موضوع: رد: التاريخ الأربعاء ديسمبر 28, 2011 6:23 pm | |
|
الشاعر الجميل
الأستاذ طلعت أحسنت وتقبل مرورى
| |
|
| | |
| | التاريخ | |
|
