وقالت فرخه كاك ياني ( شعبي )

وقالت فرخه كاك يااااني
وصفت الديك عنواااني
فراح لعشة أخرى
يهيم بفرخه تايواااني
،
تايواني مفيهاش ريشه بلدي
والديك هيمان على روحه
أل ايه يا حبيبي يا كبدي
محتاجها تداوي جروحه
وحيات أمي لاوريه
أبو عرف واحط عليه
مش هسأل تاني انا فيه
خليه غرقان ف دموعه
،
كاك ياني كاك ياني كاك ياني
مش عايزه انا اشوفك تاني
يا دماغي يا وداني يا سناني
الديك الواصي نساني

أنا عامله دماغ مش دايخه
مش فرخه انا بيضه وشايخه
خليه يشبع بالبايخه
أنا نفسي ف ديك تايواني
،
مايكونشي تخين وسمين ، ولا ولا
ولا أوزعه وبسجارتين ، ولا ولا
عايزاه ديك يملا العين ، يا هلا
شعره اصفر وعنيه خضره

وهروح عالديك التاني ، أها هاه
واعمل حركات بلساني ، أها هاه
عادي بئه هوا اللي بداني
وهييجي هقول مش فاكره
.

هههههههههههههههههههههههههههه

الظاهر انك لسه ما إتغدتش .

دا انت ملحنها كمان . الله على عرفك . قصدى حرفك وجماله

والنبى تحوشلى بيضه بصفارين .

ههههههههههههههههههههههههه

انت شاعر مشكله يا رضا .

بس الوزن اختلف منك ليه المره دى ؟؟؟؟؟؟؟؟

قصيده جميله ولاينقصها إلا شوية شوربه ...

مساء الفل عليك وعلى نصك المفرخ قصدى المفرح .

مودتى وتحياتى ...

طبعاّ وانا عارف ان ده { عرف } الايام دى

{ وريشة } الملحن تعمل العجب . ياريت تكتبها وتبعت لى { فرخ }

مكتوبه عليه . وانا عليه الشوربه .

ههههههههههههههههههههههههههههه