رساله الى أبن مصر

ابن النيل والارض السمره اياك تقبل تانى تموت
عاشت مصر وتحيا الثوره لازم اقول وكفايه سكوت
اوعى ف يوم تسكت عن ظالم
شفناكتير وكفايه مظالم
سيبك م اللى يقولك صبرك
عيش ولاخرلحظه مقاوم
قلبك حاضر نفسك طاهره
لو ف حديدهتعدى تفوت
ابن النيل والارض السمره اياك تقبل تانى تموت
عاشت مصر وتحيا الثوره لازم اقول وكفايه سكوت
واوعى تقول ماانا مبيديش
وتقول صوتى لوحده مفيش
لوكلنا هنعيش ايد واحده
مش هنخلى الظلم يعيش
يبقى العدل ما بينامبادره
صوته لوحده يكون لناصوت
ابن النيل والارض السمره اياك تقبل تانى تموت
عاشت مصر وتحيا الثوره لازم اقول وكفايه سكوت
لازم كله ف نفسه يغير
علشان مصركمان تتغير
يبقى هدفنا رفع رايتنا
وده للكل كبيروصغير
والاخلاق ما تكونش محاضره
تبقى جناين تملى بيوت
ابن النيل والارض السمره اياك تقبل تانى تموت
عاشت مصر وتحيا الثوره لازم اقول وكفايه سكوت

الاستاذ الشاعر

محمود دياب

أولاّ دعنى ارحب بك فى منتداك ووسط اسرتنا الأدبيه .

ثانياّ قصيدتك تشى بقدوم شاعر كبير رائع . يمتلك زمام الكلمه

ويعى ما يكتب . مكسب للمنتدى ان نشرف بك .

فأنت شاعر قوى ومتمكن . وقصيدة تعارف رائعه كُتبت من البحر

المتدارك بمهاره وإقتدار . وهذا فى حد ذاته عنوان للحضور القوى

الذى اسعدنا . انار الله طريقك . واحييك عهلى جودة النص وإتقانه .

مودتى وخالص تحيتى ...