رساله إلى شعب مصر

رساله إلى شعب مصر

بعد التحيه و السلام
بعد الملامه والملل
بعد الأمل
أبعت رسالتي للوطن
واشعر وأقول

يا شعب متمرمغ ..
ف الضلاله والانهيار
مفيش نهار
منغير ما شمس الحق تظهر
زيها زي القرار
وبالاختصار
تصرخ تقول لليل يا ليل
يلى امشي مع السلامه
..وكمان تقول للحق سودني ..
لسه فيه يوم للقيامه
يوم وأصله للجزاء
_اللي اتظلم ..حقه يرجع
واللي اختار للظلم دنيا
آه يا ويله
لو صحيح انه بيسمع
كان قراره للقرار_
بس قول إزاي هتعرف ..انت فين ،والظلم فين ؟
**
يا شعب واقف ع الصراط
_شعره هوا .. بس حد ف سيف .. بيدبح_
_ربي وحده هوا أعلم _
ايه هينفع
لو قرارك كان فلول ؟
أو رضيت للحكم غول؟
أو بنيت مجدك وعزك
غير ما عهدك ..كان لربك والرسول؟
قولي طيب
نار جهنم مش ساعتها أولى بيك ؟
وانت عارف
أيوا عارف
ان رأيك عهد واخده
دين و مقضي ف يوم عليك

تحياتي لكم
إنسان ما
و إليكم سلام الله

عادل عوض سند كتب:

الاستاذ الشاعر

محمد كمال

رسالتك جميله واظن انها وصلت .

احييك على بوحك الشفيف وروحك الجميله

الواضحه من بين حروفك .

مودتى وتحيتى ...

بل هي ذائقتك أستاذ عادل
خالص امتناني لحسن الطلة
وجمال الرد
فلك جزيل من الشكر
والتحية لك

حسن الجمال. كتب:

الله الله عليك استاذ محمد
كلمات ولا اروع
تسلم الايادى
ولكن عندى ملحوظة وهى انك لم تكتب القصيدة على تفعيلة واحدة
فبعضها على وزن البحر الرجز ( مستفعلن ) وبعضها الرمل ( فاعلاتن )
الى جانب بعص الهنات فى الوزن
ولكن انت ابدعت فى طرح الفكرة
ارجوك ان تتقبل ملاحظتى بصدر رحب ووالله انا ايضا اقع فى مثل هذه الاخطا
تقديرى وتحياتى لك اخى الرائع

هي على الرحب و السعة وانت تعلم ذلك يا شاعر لأنك صدقت
وأنا على ادراك بذالك
لم أكتبها قصيدة وانما كتبتها رساله واعتمدت على بنية القصيدة من موسيقى
أعلم من أن هذا لايجوز في الشعر
لكن لست أدري لماذا تركت بها هذا التخلخل الموسيقي ربما لتكون أصدق
على كل مشاركتك أسعدتني كثيرا
فشكرا لرقيك
و خالص التحية لك أيها الشاعر

شاعرنا القدير محمد بك كمال


تحياتى

نص جميل ، وممبـِّز ، ووصل كرساله لكل

المصريين ، وأشكر أخونا الشاعر حسن الجمال

على توجيهاته الجميله .

دمت أخى محمد باشا بكل خير

وتقبل تحياتى