خمسه وعشرين يناير

خمسه وعشرين يناير
ثورة شباب الحريه
أصحاب الدم الفاير
رفضو يعيشو ف العبوديه
واتفقو يكونو ايد واحده
مع بعض ف وقت الشده
وبخطوه جريئه وثابته
أعلنو انها سلميه
،
قالو عايزين مصر بلدنا
مصر اللي احنا بنعرفها
الأرض دي مش بتاعتنا
ولا عايزين حتى نشوفها
مصر امنا مبتنساش
وتضمنا مبتقساش
مصر امنا فوق الراس
مش مصر اللي احنا نخافها
،
واتحدو خيول الظلم بقوه
وحلفو ما يبقو عيال
وف وش سلاح أبيض وفتوه
وقفو وكانو رجال
مخافوش م اللي بيضرب من جوه
واللي طويل البال
اكتب يا تاريخ بالدم هنفضل
طول عمرنا أبطال
.

الاخ الشاعر

رضا عثمان

انت كتبت :

قالو عايزين مصر بلدنا
مصر اللي احنا بنعرفها
الأرض دي مش بتاعتنا
ولا عايزين حتى نشوفها

الارض بتاعتنا ولايمكن تفقد هويتها .

وما نقدرش نستغنى عنها .

طبعاّ ربما المعنى يختلف على القاريء .

ولكن انا اعرف قصدك .

مودتى وتحيتى ...