ثورتنا

((( ثورتنا )))
ثورتنا ثورة أبطال
فاكرينهم بالأمس عيال
أتريهم طلعوا رجالة
ما خافوش من ضرب الخيالة
ولا راكب بغل ولا حمار
وجمال جاية بسرعة عليهم
عمالة تجري تبهدل فيهم
أصل اللي باعتهم راجل
لأ مش راجل
بيقولوا عليه
راجل أعمال .
خايف علي سلطان الظالم
وعشان يرضي عليه الحاكم
يبقي عليه ربنا غضبان
مش بيخافوا
أصل اللي يخاف يبقي جبان
والساكت عا الحق مهان
وعشان كدة نجحت ثورتنا
وعدينا الأزمة والفتنة
وورينا الكون عظمة حضارتنا
ثورتنا ثورة أبطال

أستاذناالعظيم عادل عوض
الكثير يطلقون علي يوم الأربعاء الدامي في ميدان التحرير بموقعة الجمل ولكن هذا يتعارض مع موقعة الجمل أيام سيدنا علي رضي الله عنه فتصحياللوضع أسمح لي أن أطلق علي هذا اليوم موقعة البغل أو موقعة الحمار وبذلك فقد ضربنا عصفورين بحجر واحد.
لأن اللي باعتهم كان بغل وحمار وده كان في صالح الثورة وساعد علي نجاحها.
أشكرك وأحييك علي متابعتك وتعليقك الجميل

الأستاذة : عزة الزرقاني
شكرا علي مرورك العطر
وتشجعيك المستمر