ابنى عريس الحور فى الجنه

ولدى
ولدى
ولدى
ولدى ياولدى ياضى عنيه
ياتعبى ف قلبى وغالى عليه
روحت انا وانت للمنشيه
سمعت لصوتك يهتف بيه
لقيتنى بقوه باقول وياك
وشبابنا بيقولها قويه
الحريه
الحريه
هى النور والهوا والميه
الحريه
الحريه
اغلى مبادئنا الثوريه

شوفت نيران شوفت بارود
ايوه قنابل جابيه الموت
شوفتك يابنى وانت ضحيه
دمك سطر فى المنشيه
قصه حاتحكيها الاجيال
لما يسأل طفل سؤال
فى الثوره كان مين ابطال
ابنى فى ابطال المنشيه

الحريه
الحريه
هى النور والهوا والميه
الحريه
اغلى مبادئنا الثوريه

رجعت لبيتنا ماشى وحيد
بعد ماكنا ايدفى الايد
مالى قلبى حزين وسعيد
لقيت الناس وكأنى ف عيد
بيباركوا لى ابنى شهيد

والله ياولدى عشت اتمنى
كنت تاخدنى معاك استنى
لازم اعمل زفه وحنه
ابنى عريس الحور فى الجنه
نام يا حبيب الروح واتهنى

وعشان مصر الدنيا تعيش
تهون الروح والانا والانت
وتعيش هى
ولدى ياغالى يا صافى النيه
اسمك مكتوب فى المنشيه
اسمك موجود فى المنشيه
دمك موجود فى المنشيه

أبنى وأبنك ضحوا عشانا

دفعوا حياتم لجل أمانا

وقالوا يامصرى أرفع راسك

مصر الغاليه ح تصبح جنه

اخى الحبيب الشاعر

يسرى عثمان

ولأول مره أقرأ لك نص يسحب الدمعة من عينى .

قرأته اكثر من مره . وفى كل مره قراءتى تختلف له .

حيث انى اعرفك عن قرب . واعرف مشاعرك اثناء

وبعد الثوره . نص يحسب لك . وانت عشت اللحظه

فأخرجت لنا قصيده بمقدار وقيمة الحدث .

احييك على جمال قصيدتك .

مودتى وتحيتى ...

الفاضله العزيزه عزه اشكر المرورالكريم
والف الف مبروك باالثوره

ايه ياعدوله انا لسه قولت حاجه

الله ينور عليك الشعر جميل وتأثيرة كان جامد وتحية لك ولأبطال المنشية

اشكر مرورك الكريم

نص جميل به انسيابيه وعمق
تحياتى لك و لهذه المشاعر الفياضه استاذ يسرى

الشاغر الفنان رافت المصرى اشكر مرورك الكريم

» بنات الحور
» ابنى الغالى
» علاء ابنى
» ابنى الغالى
» ابنى ونور عينى