اغنية الشهداء

يا حبيبتى بكل ما فيّا
أنا واهب عمرى وروحى
يا حبيبتى يا غالية عليّا
يا دوايا لكل جروحى
........................
أستشهد بس احميكى
لو هدوا هاقوم وابنيكى
وارجع لك تانى خضار
لو باعوا أنا قلبى شاريكى
انا دمى يا امى عمار
.........................
أدى دمى عشانك سايل
يطرح ورد وحرية
وانا باحضن أرضك قايل
هتعيشى يا مصر أبية
.....................
أستشهد بس احميكى
لو هدوا هاقوم وابنيكى
وارجع لك تانى خضار
لو باعوا انا قلبى شاريكى
أنا دمى يا أمى عمار

_________________

الاخ الشاعر الجميل

حمدى شيبه

علقت على هذا النص من قبل وانت تعرف جيداّ رأيى

فى اعمالك وخصوصاّ الوطنيه .

احييك على بهاء حرفك .

مودتى وتحيتى ...