إغتيال - طارق منيب

اغتيال

لما تلقى البخت مال

والأمل أصبح محال

يبقى لازم لينا وقفة

نلقى فيها ميت سؤال

أحنا فين ياشعب طيب

أصبح الشر فـ طباعه

دأحنا كنْا ومن قريب

كنا خير والطبع عال

أحنا فين والرشوة حسنة

والحرام أصبح حلال

والحنان خد شكل قسوة

والمبادئ مـ الخيال

أحنا فين ويا البطالة

ولاأكوام الزبالة

والجواز أصبح محالة

والأمل حفر فـ رمال

والنمور ساكنة القصور

والفقير سكنه القبور

والطريق فسق وفجور

عندي أكتر من مثال

أحنا فين ويا المدارس

اللي صبحت مـ الكوارث

مش حتدفع .. مش حتنفع

والشهادة دى وبال

أحنا فين والجامعة خاصة

والفقير مش لاقي حصة

والحلول تاهت بخسة

والحياة صبحت نزال

احنا فين وعيالنا تدرس

والدراسة دي ليها آخر

تلقى بعديها بيجلس

جنب أهله بابتزال

احنا فين ويا الأمانة

اللي قلبوها نتانة

واللي يهبش أو بيكبش

هو دا اللي عنده مال
‏

أحنا فين ويا الغلاء

ولا فقد الانتماء

كل يوم بنعيش بلاء

ويا صبر من الجمال

احنا فين ياشعب مصر

سبت بصمة فـ كل عصر

اغتالوك ياإبن مصر

وانت قد الاغتيال....

أرجو من أحد المشرفين التنسيق لأنه مفقود عندي

‏

خالى الشاعر المتألق طارق منيب

الله الله الله

يا سيدى يا سيدى يا سيدى

هانروج جنبك فين بقه

حلوة قوى يا خالو ياجامد

باقولك هو انت بتوزن عندمين اليومين دول الكلام الحلو دا

قولى عشان أروح أوزن عنده

ألف مبرررررررررررررووووووووووووووكككككككككككك

لمممممممممممممصصصصصصصصصصصرررررررر

Smile

زملائي الأعزاء
السلام عليكم
واحشني جميعاً.. وقد غبت لظروف متعددة.. منها السفر والأجازة وفصل النت
القصيدة كتبتها منذ أكثر من شهرين.. قبل ثورة مصر وتونس.. ولم أنشرها لظروف التعديل فيها والتزامي بنشر قصيدة واحدة في الأسبوع..حسب نظام المنتدى..
وكنت أعبر بها عن وفاة الشعب المصري على أيد حكوماته.. ولكن في الآخر راهنت بعبارة وانت قد الاغتيال.. يعني حتى بعد الموت حنصحى..
وقد حدث.. فلم يكن أشد المتفائلين يتوقع تحقيق كل هذه المكاسب في أقل من ثلاثة أسابيع.. على أيد شباب كنا بنصفهم بالطيش.. وعفواً.. طلعنا إحنا اللي طايشيين.. من حق هذا الشباب أن يربينا ويوجهنا ويشد ودننا ويشتمنا ويضربنا.. (عارف أنه مش حيحصل) بعد أن ربناه على خليك في حالك.. ومن خاف سلم.. ومالكش دعوة .. ودي عبارات رددها جيلنا والأجيال اللي سبقته.. ومن قبل أسكت يابني أحسن ينفخوك.. ولكن هذا الجيل العظيم وهو أعظم جيل أنجبته مصر في القرن العشرين والواحد والعشرين.. لم ينهزم ولم يكن منهزماً مثل جيلنا..
وعلى رأي الأستاذ/ أحمد رجب.. الورد بيخرج من الطين.. وفعلاً إحنا الطين وهما الورد..
تحية للطين والورد
أخوكم( من جيل الطين)
طارق منيب

أبنتي الحبيبة رشا
باوزن عند أستاذتي روشا
وحشاني جداً وواحشني جميعاً وانت عارفة الظروف طبعاً اللي مريت بيها في الشهر الأخير
سعيد بإعجابك بالقصيدة..
على فكرة لسة لم أقرأ أي شئ لأي حد لأني يادوبك لسه داخل المنتدى وطبعاً حاعلق على أعمال كتير إن شاء الله
خالك
طارق منيب

اخى الحبيب الشاعر الجميل

طارق منيب

تم تنسيق القصيده وعلى الله تعجبك .

ما تقلقش .. جايلك للتعليق .

بس انت بسم الله ماشاء الله .

مش حا اتكلم علشان ماتتمرعش .

ههههههههههههههههههههههههههه

أخي الحبيب الشاعر الرائع طارق منيب

رائعة رباعياتك .. نعم أخي اوافقك تماما لقد اغتالوا الانسان المصري في عقلة وقلبه ..فتبدل
الحال وأختلط الحابل بالنابل وتلون الحق بلون الباطل .. ومع هذة الثورة المباركة
كلنا أمل ان يفيق الشعب المصري من غفوتة ويبدا عصر الاصلاح ..أصلاح النفوس وليس اصلاح الفلوس ..

أعجبتني قصيدتك الرائعة كما يعجبني فكرك الراقي في كل مرة

كن بكل خير أخي الحبيب
خالص التقدير والاحترام

عادل عوض سند كتب:: اخى الحبيب الشاعر الجميل

طارق منيب

تم تنسيق القصيده وعلى الله تعجبك .

ما تقلقش .. جايلك للتعليق .

بس انت بسم الله ماشاء الله .

مش حا اتكلم علشان ماتتمرعش .

ههههههههههههههههههههههههههه

أخي الحبيب عدولة

أولاً لازم التنسيق يعجبني طالما بأيدك ياعدولة

ثانياً في انتظار عودتك وماتكروتنيش

ثالثاً أنت عارف أني لا يمكن أتمرع على الشعراء

الناشئين مثلك وأني دايماً باشجعهم وأساندهم

ههههههههههههههههه

أخوك

طروقة

محمود جمعة كتب:: أخي الحبيب الشاعر الرائع طارق منيب

رائعة رباعياتك .. نعم أخي اوافقك تماما لقد اغتالوا الانسان المصري في عقلة وقلبه ..فتبدل
الحال وأختلط الحابل بالنابل وتلون الحق بلون الباطل .. ومع هذة الثورة المباركة
كلنا أمل ان يفيق الشعب المصري من غفوتة ويبدا عصر الاصلاح ..أصلاح النفوس وليس اصلاح الفلوس ..

أعجبتني قصيدتك الرائعة كما يعجبني فكرك الراقي في كل مرة

كن بكل خير أخي الحبيب
خالص التقدير والاحترام

شقيقي وتوأمي في الفكر حودة

نحن من جيل واحد

وجيلنا عايش اجتماعيات جميلة في طفولته وتكاتف

ثم بدأت تغيب بالتدريج

نحن من جيل كان الجار فيه يسأل على جاره

نحن من جيل كانت الرشوة فيه جريمة

نحن من جيل كان المعلم رمزاً

ولكن بالتدريج وصلنا للحالة التي وصفتها بالقصيدة

القصيدة كتبتها قبل الثورة بأكثر من شهرين

ولكن جاء هذا الجيل من الشباب ليذهلنا

ويعلمنا.. ويورينا إن إحنا غلطانين لما ربناه

على الخوف والأنانية

خليك في حالك.. من خاف سلم

وانت مالك.. مفيش غيرك

ويحسسنا إن إحنا اللي ضيعنا نفسنا

وضيعناه على مر السنين

شئ من الشجاعة كان مطلوب علشان نقاوم

شئ من الخوف

مع تحياتي لفؤادة ( أسماء محفوظ)، والشيخ إبراهيم

( وائل غنيم)، والتماس العذر لكل حافظ

(أبو فؤادة) من أبناء جيلنا

بعد التحرر من الخوف

أخوك

طارق منيب

طارق منيب كتب:

عادل عوض سند كتب:: اخى الحبيب الشاعر الجميل

طارق منيب

تم تنسيق القصيده وعلى الله تعجبك .

ما تقلقش .. جايلك للتعليق .

بس انت بسم الله ماشاء الله .

مش حا اتكلم علشان ماتتمرعش .

ههههههههههههههههههههههههههه

أخي الحبيب عدولة

أولاً لازم التنسيق يعجبني طالما بأيدك ياعدولة

ثانياً في انتظار عودتك وماتكروتنيش

ثالثاً أنت عارف أني لا يمكن أتمرع على الشعراء

الناشئين مثلك وأني دايماً باشجعهم وأساندهم

ههههههههههههههههه

أخوك

طروقة

اخى الحبيب الشاعر

طارق منيب

والله انا سعيد جداّ لما وصلت اليه وفى فتره وجيزه

من تقدم رائع من ناحية اختيار المواضيع وطريقة كتابتها

بالرباعيه المختلفه موحدة القافيه او الرباعيه ذات الشطرتين

المتشابهتين . او الرباعيه فى شكلها العادى واستخدام الشطره العارجه

فى البيت الثالث . المهم انت رائع وتفوقت على طارق منيب .

واهم شيء اعجبنى هو سيرك على التفعيله طوال النص .

فمسكت بحر الرمل بمهاره احسدك عليها .

كفايه ده علشان بس ما تتمرعش اكتر من كده .

ياللا تقلبل مودتى وتحيتى ...

أخي الأستاذ / طارق منيب
بجـــــد رباعيات جميله تنقلك بسرعة الصاروخ إلى الشعراء الحكماء
تحياتي واحترامي

‏

العزيز الشاعر الكبير

طارق بك

كل الود والتحيات

لك وهذا الرقى الشعرى

فاجئتنى!!!!!!!

بهذا الأداء الرائع

ربما ان يكون السبب

اننا اصبحنا فى عصر الحرية!!

وتنفس عبيرها

أليس كذلك

كن بخير

عادل عوض سند كتب:

طارق منيب كتب:

عادل عوض سند كتب:: اخى الحبيب الشاعر الجميل

طارق منيب

تم تنسيق القصيده وعلى الله تعجبك .

ما تقلقش .. جايلك للتعليق .

بس انت بسم الله ماشاء الله .

مش حا اتكلم علشان ماتتمرعش .

ههههههههههههههههههههههههههه

أخي الحبيب عدولة

أولاً لازم التنسيق يعجبني طالما بأيدك ياعدولة

ثانياً في انتظار عودتك وماتكروتنيش

ثالثاً أنت عارف أني لا يمكن أتمرع على الشعراء

الناشئين مثلك وأني دايماً باشجعهم وأساندهم

ههههههههههههههههه

أخوك

طروقة

اخى الحبيب الشاعر

طارق منيب

والله انا سعيد جداّ لما وصلت اليه وفى فتره وجيزه

من تقدم رائع من ناحية اختيار المواضيع وطريقة كتابتها

بالرباعيه المختلفه موحدة القافيه او الرباعيه ذات الشطرتين

المتشابهتين . او الرباعيه فى شكلها العادى واستخدام الشطره العارجه

فى البيت الثالث . المهم انت رائع وتفوقت على طارق منيب .

واهم شيء اعجبنى هو سيرك على التفعيله طوال النص .

فمسكت بحر الرمل بمهاره احسدك عليها .

كفايه ده علشان بس ما تتمرعش اكتر من كده .

ياللا تقلبل مودتى وتحيتى ...

أخي الحبيب عدولة

مش معقول عمي عدولة بحاله مرتين على صفحتي

شرف كبيرررررررررررر جداً

أنا سعيد جداً بإشادتك النقدية للقصيدة.. ونقدك

الأكاديمي

وعلى فكرة أي تقدم بيرجع إلى عاملين

نقدكم البناء أنت وأساتذة المنتدى

تقبلي الدائم للنقد وأني باحبه

خالص مودتي وتقديري

ومبروك للشعب المصري إعاده للحياة مرة أخرى

أخوك

طارق منيب

محمد البهنساوي كتب:: أخي الأستاذ / طارق منيب
بجـــــد رباعيات جميله تنقلك بسرعة الصاروخ إلى الشعراء الحكماء
تحياتي واحترامي

أستاذي الكبير/ محمد البهنساوي

نقدك وسام على صدري

والإشادة لما تكون من كبير بتبقى كبيرة جداً عندي

فعلاً أنافخور بنقدك وبنقدكم جميعاً

وسعيد جداً إن العمل عجبكم جداً لهذه الدرجة

أخوك

طارق منيب

د /صلاح طاهر كتب:: ‏

العزيز الشاعر الكبير

طارق بك

كل الود والتحيات

لك وهذا الرقى الشعرى

فاجئتنى!!!!!!!

بهذا الأداء الرائع

ربما ان يكون السبب

اننا اصبحنا فى عصر الحرية!!

وتنفس عبيرها

أليس كذلك

كن بخير

أخي الحبيب الدكتور/ صلاح طاهر

ليك وحشة كبيرة

ومن مدة لم تشرفني

أخي الحبيب صلاح طاهر بعتلي على البريد الخاص

مايلي

العزيز الشاعر الكبير

طارق بك

من فرط اعجابى بجمال القصيدة ووحدتها الوزنية

بنسبة 99%

احببت ان تكتمل ودائما لهذا اتحمس

فتقبلنى :واعلم ان الفرق ربما يأتى فقط من طريقة نطق العامية من شحص لأخر

ده أحنا من زمن قريب

دأحنا كناومن قريب

والشهادة بقت وبال

والشهادة دى وبال

هو اللي عنده مال ‏

هو دا اللي عنده مال

العزيز الشاعر الكبير

طارق بك

كل الود والتحيات

لك وهذا الرقى الشعرى

فاجئتنى!!!!!!!

بهذا الأداء الرائع

ربما ان يكون السبب

اننا اصبحنا فى عصر الحرية!!

كن بخير

وأنا باقوله ده مش اتفاقنا

أنا عايز النقد يكون على الصفحة

عشان أنا أستفيد وغيري يستفيد

وماحدش معصوم من الخطأ والكمال لله وحده

وعشان أؤكد لك

مسيري أمسك عليك غلطة على صفحتك

أما سر التقدم مش عصر الحريات

فأنا كاتبها قبل ثورتي مصر وتونس ولكني

تأخرت في نشرها

سر التقدم بسيط

وهو نقدكم

وتقبلي للنقد

وأنا فخور بما حققته على أيديكم

وياريت تشرفني بإيدك الجميلة وتدخل التعديلات

الثلاث اللي ذكرتها

أخوك

طارق منيب

» بيرم منيب يعارض بيرم سند "مهداه للرئيس مرسي - طارق منيب
» خطر ..قطر- طارق منيب
» صعب....تشوفنى
» هي كده.. لأ مش كده- طارق منيب
» حرب!!!!- طارق منيب