بحبك يا مصر

إنهاردة فرحة ما تتنسيش
بعد ثورة عملت النصر من مفيش
الفجر رجع خلاص
بعدما الليل غطا عالناس
ثورة بينت الإخلاص
الليلة ديه يا بلادى
حبك ظلل فؤادى
والله ما صبرنا غير عشانك يا مصر
عشان نجيب الفخر والنصر
إنهاردة بيشهد التاريخ
عن مجد قام
وثورة وصلت قوتها للمريخ
بس الطريق كله كان صعب
كله موت وضرب
بس عشانك يهون
عشانك إنتى بس نكون
آه يا مصر طغى جمالك على كل شئ
حلا فى عينينا الشهادة يا جميلة
ما إنتى كل شئ
شبابك قام يقول
مش هنام عالطول
هنقوم وهنقول
وبينوا عشانك الفخر بيكى الماهول
ودا كلامى لسيادة الرايس
لو كان توج أكتوبر بعمل كويس
وتقدم يخليه يستحق سيادة الرايس
مش كان كده أحسن
مش لو كنت إشتغلت أكتر كان يستحسن
أنا حزين إن يضيع منك كل شئ
مع إنك فى أكتوبر ضفت لمستك على كل شئ
أنا حزين عشانك
كان نفسى تنجح وإحنا نتوجلك نجاحك
الجماهير إللى عملت الأزمة
كان ممكن تقول عليك
قائد من غيره ملناش لازمة
وأحب أحيي الشعب إللى ثار
أهنيك جبت الإنتصار
بس دا يا جماعة مش جديد
على شعب صنع التاريخ المجيد
وكافح وعدى من الحديد
بس يا شعب خلص النصر
لازم نبنى ونكبر ونعمر مصر
كلمتى للى مات لأجل النصر
مصر حطتك فى قلبها
ومش هتنساك ياللى ضحيت لأجلها
بس لسه مخلصتش الحكاية
لازم نخلى مصر وسام
يفتخر بيه المصرى للنهاية
إن إنتا تثور عشان مصر
يبقى برده مش هو ده النصر
إنك تبنى تانى وتعمر هو ده النصر
وساعتها هتستحق تشيل اسم مصر
وقبل ما تفخر بيها
هتفخر هيا بيك
وتقول يا ابن النيل
أهلا بيك
انتا ابنى
وأنا حبيتك بكل ما فيك

الشاعر الجميل مصطفى حمتو تحياتى لاحساسك الراقى تقبل مرورى

أستاذى عادل عوض سند أشكرك لمرورك العطر الذى لطالما أسعدنى وأتمنى منك متابعة مواضيعى

شكر لك أستاذى حمدى شيبة على مرورك وأتمنى منك متابعة مواضيعى وإرشادى

شكرا لكى أستاذتى عزة الزرقانى وأتمنى منك متابعة مواضيعى وإرشادى