إرحل .. وجودك بينّا عار

إرحل .. وجودك بينّاعارْ
........
..
لحظة سقوطك من سما كِبرَكْ
لسابع أرض ....
( إنطق بالشهاده )
واعرف بإنّك مش مخلََّدْ في الحياهْ
وانّ التاريخ مش بسّ جاهْ
وانّ انت عبد .. وإنّ لله العبادهْ
إحفظ ولو خيط .. للوفاءْ
واقتل جموح الكبرياءْ
وارضخ يجوز لو يتقلبْ
موت الوطن .. طلقة ولادهْ
الأرض رافضه انّك تكون فيها الملكْ
وانّك تطوّح أهلها ...
على طول لسان الزمّبلكْ
دمعتها سالت فوق خدود كلّ الطرق
حلفت .. لتعمل لك إبادهْ
خلّيك صريح ..
وابني لكرامتك – لو صحيح عندك كرامهْ -
ميت ضريحْ
ترسم على جبين الشجن .. بسمة سعادهْ
وبلاش توزّع في القلوب سمّ العفنْ
د الكل خارج منها متغطّّي بكفنْ
وكفايه ضهر العمر أنّ ...
عشان مفيش غيرك ركبْ
وكفايه سيل الدمّ أصبح للرُكبْ
حاول .. تبكّي بالندم حبّة عنيك
دوّنت إسمك .. وبإديك
أول صفوف المُجرمينْ ..
ف جبين سجلّات الزمنْ
كفاياكْ دمارْ
وارحل بعار تلاتين سنه ...
قبل انهيارْ بُرج الوطنْ
قلبك دا أصبح مُرتهن للّانكسارْ
شرّبت نار الأرض – غصباً - .. دمّنا
والدمّ عمره ما يطْفِي نارْ
فكّ الحصارْ
واعرف بإن الويل .. جَبَلْ
واعرف بإن الليل .. حَبَلْ
والخِلفه هتكون النهارْ
مصر العزيزه عمرها ما تطاطي راسْ
ولا عمرها .. تقبل يكون خدّ ابنها للزيف مداسْ
حُكمك دا لعنه علينا حلّت م الأساسْ
فارحل .. وجودك بينّا عارْ
كلّ البشرْ .. والطير على غصن الشجرْ
والرمله والنيل والحجرْ
فاضت .. قلوبهم م الضّجرْ .. والّانتظارْ
دمّ الشهيد صرّخ وقالّك : عنّا غور
عبّيت عيونّا بعتمتك
خلّيها تلمح يوم ف آخر رحلتك
لو طرف نورْ
جهّز لآخر يوم كفنْ
وادبح غرورك فَدْو لعيون الوطنْ
وبلاش تكون ..
حتّى ف رحيلك ديكتاتورْ
حاكم سليط ...
والحكم مش بالبلّطجه ولا بالدراع
وسفينة الظلم اللي ماشيه ف دمّنا من غير شراع
غرقت عشان شمس الأمل من صبرها بعتت شعاع
ماتت أباطيلك خلاص ...
فالحقها حالاً .. بانتحارْ
م انا قلتلك .. الويل جَبَلْ
والليل حََبَلْ ..
والخلفه هتكون النهارْ ؟؟؟
إرحل .. وجودك بينّا عارْ
إرحل .. وجودك بينّا عارْ
............
....
مرتجل بقلمي
تحياتي .. للأشراف

عودة مؤقتة .. لأجل مصر فقط

الشاعر الجميل استاذى
احمد سعيد موسى
ياسلام عليك حتى وانت بتقول لمبارك ارحل مبدع برده الله عليك كل هذه الكلمات لا تفيك حقك وابداعك المميزالمنفرد
اتمنى من الله ان يحفظ مصرنا الغاليه

تيمو

تسلم وتسلم رجولتك اللى بتقطر مشاعروالله يابنى
الاحداث دى خلتنانحس اننا خلفنا رجالة
ربنا يوفقكم ترفعوا راسنا

الابن الشاعر الجميل

احمد سعيد موسى

حجمد الله على السلامه

وعوده قويه بقصيده اقوى . ولى عوده لها .

مودتى وخالص تحيتى ...

واعرف بإن الليل .. حَبَلْ
والخِلفه هتكون النهارْ
مصر العزيزه عمرها ما تطاطي راسْ
ولا عمرها .. تقبل يكون خدّ ابنها للزيف مداسْ

صدقت يا احمد
مصرنا دوما تلفظ السئ ولو بعد حين
رائع كعادتك
وتعبيرات مميزه جاءت عفويه غايه فى العمق
تحياتى لرائع حرفك دوما

ماتت أباطيلك خلاص ...
فالحقها حالاً .. بانتحارْ
م انا قلتلك .. الويل جَبَلْ
والليل حََبَلْ ..
والخلفه هتكون النهارْ ؟؟؟
إرحل .. وجودك بينّا عارْ
إرحل .. وجودك بينّا عارْ
............
....

حمد الله على السلامه

ايها الفارس الذى لايغيب عن خاطرى

اولى تحياتى اليك استاذ احمد

فى عصر الحرية بعد 25 يناير

ايها الحر

ايها الأبى

دمت بكل خير

الشاعر الموهوب / احمد سعيد
تحياتي لك
ولصوتك الشعري المتميز دائما
وبالفعل هي واحده من قصائدك القويه والجميله
دمت بكل خير

تيمو كتب:: الشاعر الجميل استاذى
احمد سعيد موسى
ياسلام عليك حتى وانت بتقول لمبارك ارحل مبدع برده الله عليك كل هذه الكلمات لا تفيك حقك وابداعك المميزالمنفرد
اتمنى من الله ان يحفظ مصرنا الغاليه

تيمو

أحمد سعيد
الشاعر الذي حفظ غيبتي في وقت
تآلف فيه أصحاب الضغائن وتكالب فيه ذووالوجوه المتعدده والنفوس المريضه ومحاولة كلّ غرّ لا قيمة له النيل مني ....
أنت وفيّ يا أحمد واعلم أني أحبك في الله
وشكرا لك على قصيدتك الجميله التي أهديتنيها
أسعدتني بها أيها البار نظيف القلب
شكرا وكلمة شكر لن تفيك حقك يا صديقي
محبتي ولك القلب وباقة من نبضات المودة
أخوك

yousry_osman كتب:: تسلم وتسلم رجولتك اللى بتقطر مشاعروالله يابنى
الاحداث دى خلتنانحس اننا خلفنا رجالة
ربنا يوفقكم ترفعوا راسنا

ربنا يبارك ف حضرتك يا أستاذنا
مصر طول عمرها أولادها رجاله وان شاء الله رجاله للابد
أشكرك للمرور جزيل الشكر

عادل عوض سند كتب:: الابن الشاعر الجميل

احمد سعيد موسى

حجمد الله على السلامه

وعوده قويه بقصيده اقوى . ولى عوده لها .

مودتى وخالص تحيتى ...

شكرا
....

أحمد موسى كتب:

عادل عوض سند كتب:: الابن الشاعر الجميل

احمد سعيد موسى

حجمد الله على السلامه

وعوده قويه بقصيده اقوى . ولى عوده لها .

مودتى وخالص تحيتى ...

شكرا
....

آسف لدخولى الخطأ على نصك ...

ولن يتكرر ...

رانيا النشار كتب:: واعرف بإن الليل .. حَبَلْ
والخِلفه هتكون النهارْ
مصر العزيزه عمرها ما تطاطي راسْ
ولا عمرها .. تقبل يكون خدّ ابنها للزيف مداسْ

صدقت يا احمد
مصرنا دوما تلفظ السئ ولو بعد حين
رائع كعادتك
وتعبيرات مميزه جاءت عفويه غايه فى العمق
تحياتى لرائع حرفك دوما

وصدقتِ أيضاً يا غالية
مصر أكبر من أي شيء
قد رحل يجرّ أذيال الخيبة
ولن تخمد نار الشعب حتى يعود الحق لأصحابه
للظالم يوم يا عزيزة
وليت كل (( ظالم )) يقرُّ بفعلته ويتوب عنها
ويستغفر الله ويراجع قلبه
قبل أن يأتيه الموت والهلاك
وأن نطبق عدل الله .. بمعناه لا باسمه فقط
الشعب عاد لوعيه بعد غيبوبة استمرت 30 عاماً
شكراً أستاذة رانيه
تحياتي

» كان كل شيئ بينّا
» فرحة وجودك
» إرحل بقا.....
» إرحل
» إرحل يا ليل