شمر إيديك.. فتّح عينيك

غضب مني بعض الأصدقاء حينما كتبت قصيدة (كلاب الحراسة)

https://elgendy.ahladalil.com/t15389-topic#171402

معتبرين أنني ما كان ينبغي لي أن أصف من تسببوا

في ما كان يحدث في مصر قبل 25/1/2011 من رجالات

السلطةوما حدث أيضا من بعضهم ومن قياداتهم أيام

التظاهر التى تلت 25/1/2001 ،واليوم أقول لكل
المصريين


شمر إيديك.. فتّح عينيك


شعر / السيد جلال




شمر إيديك


فتّح عينيك


واقرا اللي فاتك


وعّي الشباب


وافتح كتاب


علّم ولادك


قبل التاريخ والشمس كانت بسمتك


كلمة شيوخ والدنيا تعرف كلمتك


يا ابن البلد


بنت وولد


مين رجّعك للمبتدا؟


مين توّهك عن سكّتك


أهلك وناسك والصديق ولا العدا؟


يا كلمتى...


يا أمّتي...


يا صبح عمري وعافيتي


والله مالي غيرك انت من حبيب


والجرح يا امّه كان خلاص قرّب يطيب


آه يا جروحى منّكم...


لو تبعدوا أو تعندوا


مين يا ترى يبقى الطبيب....؟



يا ابن البلد


بنت وولد


شمّر إيديك


لملم حكاوي الغدارين من قلبها


قطع خيوط العنكبوت من فكرها


هي الصبية والضفاير من دهب


هي البهية تحت كرمات العنب


نيل الوداد يروي أراضيها الأمان


والخُضرة طرحتها وشالها من زمان


ليه يا حبيبي يندفن نغم السواقي


والأرض تبقى بعدها ناشفة وشراقي


يا ابن الجناين طرحت حُب الحياة


من مبتداها لمنتهاه


ليه الولد يقطع بإيده وردها؟


هيّ الحياة تبقى حياه لو هدها؟



يا أُمتي


يا لقمتى


يا هدمتي


يا شمس عمري وعافيتى


مش قادر انسى ضحكتك من سحرها


ترقص بقلبي وافتكر يوم فرحها


يا أمّ الحنان


وأمّ العيون فاض ضيّها


يا ما بكيت


وامسح دموعي ف الأمل


والصخر ما يلينشي..
.
ينفُرْ..يزيد عِند وجدل


وادي الدموع


تكوي الضلوع من حرّها


قالوا العِدا:الجرح دا ممكن يطيب..


ممكن يدوبْ..


لو ما انتش الإبن الغريب..


أنا مش غريب


والأرض أرضي


والولد ولدي


وهردّكم من معبدي




قوم يا ولد


اوعى تسلم كلمتك


صدّ السيوف


واوعى تهدّي خطوتك مهما تشوف


الحية لازم تندفن قبل الميعاد


الحية أزمة والكفن تحت الرماد


ما اقدرشي أسكت وانخرس


وانا شايف ابني بيندبح


وفـ سكّته مليون دبيح


وتعصّره قدام عينيه بالألف ريح


قوم يا جدع


هدّ الوجع


إيدي فـ إيديك


أرض الوطن


شعلة وقلم تنده عليك


لملم حطامك


قوم معايا من جديد


نبني حياتنا


والوطن يبقى سعيد


ليه تصحى من نومك غريب


مكتوف الإيدين


ليه تبقى فـ هدومك ذليل عايش سجين


صحصح وفوفوق


وارعى الرعيّة يا جَمَل


عارفك كبير


تقدر تشيل مهما حصل


شق الطريق


نوّر صحاري الضلمة كانت قبلنا


ما تقولشي عندي م التاريخ جدّي بنى


ما تعيشّي عيشة مفتخر يحلم بجاه


انحت بعلمك سطر يبقى لمجدنا


افحت بإيدك قبر خاين عهدنا




شمّر إيديك..


فتّح عينيك..


واقرا اللي فاتك..


وعّي الشباب..


وافتح كتاب علّم ولادك


مين مننا يرضى يقطّع هدمته


ويعرّي لحمه لكلاب السكك


تنهش،..


تقطّع جتته...


ازرع فـ أرضك فرحها


بعثر نجومك في الغيامة


وجنبها مليون قمر


انهض وشوف


رقـْص الطبيعة وسعدها


ساعة يبوسها فـ خدّها حَبّ المطر


نخل البلح..


عامل فرح..


زفّ الهلال..


صوت البلابل ع الشجر


حلم وخيال


واشرب أنا لحن الصفا


لحن الوفا


زي الحمام


انهض وشوف مصرنا


من بين شفايقها


يطير صوت السلام


فوق الوجود


والخلق تعرف إننا


رغم الحسد


والطامعين..


أصل الخلود


أصل الخلود

شكرى وتقديري لكما
الصديقة الشاعرة عزة الزرقانى
والصديق الشاعر رضامحمود
وليت الروح تكفي

المبدع الراقي
د.صلاح طاهر
فخر لي أن تعلق على القصيدة
علما أن السيد جلال هو نفسه
ozorees_moslim
دمتم لمصر العزة والكرامة

هذا عهدي دائما بالورد

سيما البلدي منه لأنه أيضا

مصري،ونبت في أرض مصرية

أرق تحياتي

رائع شاعرنا المبدع
بارك الله فيك

أشكرك بنت النيل وعروسه
مصر دائما ملء الأعين
دمتى بخير