نصيحة مجرب

ياللى مستقوى فى زمنك......... بالمال
سنينك الحلوة لك نصيب ........بمايلها
وإعرف إن طريقك سهول ......وجبال
جبل تطوله وجبال بعيونك. .....تخايلها
والميه فى البير تطلع........... بالحبال
هاتقف كتير وعمرك........ ماتحصلها
لو ماتعرق ماتشرب منها........ فنجال
تحلم بنجوم عمرك ماانت ........طايلها
وياما إنخدع من الرجال.......... أشكال
تشوف أشكالها وترفع ...........منازلها
اللى مايتعلم من زمنه اجهل...... الجهال
لك فيه عبرة إوعاك ...........تتجاهلها
والعاقل يلقى فى الرجال......... رجال
تعرف اللى يعلى مراتبك........ وينزلها
واللى يندى الجبين ويجرح...... الرجال
والصحبة اللى تضر نفسك... ..ماتقبلها
مهما شوفت منها نخوة وطيبة...... فال
وكل المزايا كتر الالحاح......... بيقتلها
وأعلام الرجال ديونها............ ثقال
انت بصحتك ليه تغرق........ بجمايلها
رصيدك سمعتك مع طيبين ........عال
وناس الخيربالمعروف ..........عاملها
واوعاك تتباهى بجاهك ويسر.... الحال
ولاتشفع لناس ماتعرف......... افعالها
ولاتعذرها مادام العذر لها .........حال
قول الصح وقت الجد .......ولاتجاملها
واوعاك تصدق كل............ ماينقال
واوعى النميمة تجرجرك....... لحبالها
تسمع وتنشرح وتسر............ البال
لو صداقة ياشين............... افعالها
اتعلم ترد الغيبة فى.............. الحال
دا كل كلمة عنك ..............هاينقلها
عليها عشرة ودى خصلة........ النقال
ويحكى لغيرك عن نفسك ......أحوالها
اتجنبه واقعد مع كريم........ الخصال
إن مالت عليك سنينك .........يتحملها
وجار السو ماتصبر عليه تلات... ليال
تضرك جيرته لو بيبانك........ تقفلها
وتبيع دارك وتعرضها على..... الدلال
ورزقك عند واهب اللقمة...... وكافلها
هو السند والعضد الكبير....... المتعال
إن ضاعت الحيلة يدل الناس ...عاقلها
نصيحة مجرب شاف من الزمن اهوال