ردا" على زجلية محمد سرور(رزجنى المولى بأربع بنات

إحمدوإشكر ربك يابو البنات
وسبح فى سرك من سكات
دا البنت نعمة وناعمة وآيات
وياما بنات بألف ألف ولد
إعدل عقلك خليه يمين
وإتمنى وأطلب والله معين
مراتك مالها ترمى اليمين
وياما بنات هيا السند
لو جاهل أو حمار نعلمك
بس إنتى عايز حد يشكمك
هاتعرف لو ربنا يحرمك
ويا ما بنات هيا العضد
مهما تلف وتشوف وتدور
عمر حالك البطال مايتغيير
هاتجرح بنات الناس وتعور
والبذرة فى أرض بور تتوأد
دارى على شمعتك تقيد
وماتحكيش وتعيد وتزيد
ربك عالم لما يشاء يريد
وسيفك لابد له من غمد