انت مسلم والا قبطي

محمد خضر الشريف كتب:

محمود جمعة كتب:: انت مسلم والا قبطي ؟؟

كنت مسلم والا قبطي.. اوعي تنسي ان انت مصري
اوعي تدي الفرصة سهلة ....للديابة تهد قصري
احنا مركب طول سنين العمر ..ماشية بمجدافين
والعدو في الضلمة خطط .. الارادة تموت ف بحري

انت مسلم ؟ تبقي عارف ...فين حدود سنة نبينا
اللى يأذي أهل ذمة ...يبقي هو يا كل مسلم بيعادينا
أهل مصر في الحديث النبوي ... دول دم ونسب
نفذوا سنة محمد ..مش حيقدر كل شيطان يشترينا

انت قبطي ؟ تبقي عارف .. اننا أخوات في المصير
والمحبة عند عيسي والتسامح....زينو قلبه الكبير
( حب حتي من عاداك ) ..واحنا مش اعداء يا قبطي
احنا شركا في الوطن ..لما نفرح ..لما نحزن او نغير

اللى فجر يا بن بلدي في الكنسية ..برضة فجر قلبنا
اخطبوط بيمص دمي ويا دمك ..غاوي يسرق حلمنا
مستخبي جوة منا بألف وش ..زي خفاش الظلام
مرة مسلم ..مرة قبطي ..مستحيل حيكون اخونا ومننا

ايد في ايد .. نصرخ نقول للفرقة لأ .. والف لأ
اللى عايزين يبدحونا .. صورولنا الكذب حق
كل جار يحضن ف جاره ..يطردوا شبح العداوة
العدو جنبك وجنبي ..بالخباثة راح يشق الصف شق

**********
حبيبي الشاعر محمود جمعة ..المتألق دوما والحاضر دوما
كفيت ووفيت والله حبيب قلبي، وبعد ماكنت متهيأ أن أكتب في الموضوع دهوا "خربوشة".. لقيتي بقف على رجلي وأضرب لك تعظيم سلام.. وأقول بعلو صوتي: محمود جمعة كفاني القول، لافض فوه، وكما قالت العرب قديما:"لاعطر بعد عروس" .

أخي الكريم المبدع الجميل محمد خضر الشريف

بل عطورك أبهي واجمل

أشكرك اخي الكريم على تعقيبك الراقي الذي أخجلني واعجبني ..

والله سعيد ان اعجبك تعبيري

هذا الحدث الاجرامي سكين في قلب كل مصري

انتظر ان تدلو بدلوك ايضا اخي الكريم

خالص التقدير والود والاحترام

» حلم دا والا
» حلم والا كابوس
» مسلم
» كنزلكل مسلم
» مسلم ومسيحى